المساعد الشخصي الرقمي

مشاهدة النسخة كاملة : خلوههههههههههههههههههههههههها

زبن المجنا
25-01-2007, 08:27 PM
ياسلام الله سلام (ن)من الوزن الثقيل =من هجوس الشاعر الي عرف ميزانها
اقربوياهل الشعروالخبريبغي دليل = والخواطر كلها ثاير(ن) بركانها
سعد بن عدال
25-01-2007, 08:54 PM
بالنيابه عن النشاما بجاريك





مرحبا ترحيبة(ن) تشبه السيف الصقيل = بالنيابه عن رجال(ن) تعلاّ شانها
هات علمك وإحذر الحمل يالصاحب يميل = وإن تضايق خاطرك كل نفس وشانها
زبن المجنا
25-01-2007, 09:09 PM
البقي يالي ترحب وانا افخربك عميل = وانت راعي الخيل واحذرتفك اعنانها
كل ماعاينت وجه القمرفي كل ليل = كنه يلوم الاوادم على صدقانها
سعد بن عدال
25-01-2007, 09:23 PM
أنت مابين المطاليق لك علمٍ جزيل = حاول العربان لاتحقرك بأعيانها
لاتعاين للقمر قيل شي(ن) مستحيل = العلوم السابقه ضايعٍ برهانها
زبن المجنا
25-01-2007, 09:38 PM
ماعليك
ماعليكم زود والله يجنبنا الهزيل = والجبال النايفه( ماتهز) اركانها
دام فاهم مقصدي خل قال وخل قيل =ويش رايك في قظا القوم من ديانها
سعد بن عدال
25-01-2007, 09:47 PM
دامك توجه سؤالك تبي علمٍ(ن) بديل = والله إن الباخره فاقده ربانها
بيتنا واحد وفينا من أسرتنا قتيل = ضاقت أنفسنا وصار الحزن عنوانها
زبن المجنا
25-01-2007, 10:01 PM
ودي ان الدارياتيبهاواحدزميل = مالها الاسعد ابن عدال يرعي ظانها
انت في عصر التفراج ولااخرمديل = منت في عهد الصحابه تحفظ اعيانها
سعد بن عدال
25-01-2007, 10:11 PM
أعتقد في الدار صاحي وبه واحد هبيل = مثلك وشرواك مندوب عن خبلانها
علمك ملخبط وللحمل ماتقدر تشيل = ترسم الرسمه ولاتنتبه لألوانها
زبن المجنا
25-01-2007, 10:25 PM
انتبه ياسعدولافدورللك وكيل = من يشب النارماسلم من دخانها
ماحلاجده لونها تبرى من غليل = سالفتنا وافيه ماحلادندانها
عبدالله بن غفره
25-01-2007, 10:30 PM
متااااااااابع
عبدالله بن غفره
25-01-2007, 10:31 PM
واصلو واصلو
سعد بن عدال
25-01-2007, 10:34 PM
أنت يازبن المجنا تدور لك دخيل = ونعمة الرحمان غطة جميع أوطانها
والله إني منتبه وأطمع لفعل الجميل = والهروج أختارها وأحتصي بسمانها
زبن المجنا
25-01-2007, 10:34 PM
مرحبا ومسهلا
زبن المجنا
25-01-2007, 10:38 PM
بيض الله وجهك
يامشرفنا وشكر لك ولكل من تابعنا
والي اللقاء إذا تسمحلي
سعد بن عدال
25-01-2007, 10:38 PM
عبدالله بن غفره



أرررررررررررررحب


يالله حيه


لاهنت على التواجد
سعد بن عدال
25-01-2007, 10:41 PM
لاهنت يازبن المجنا




مسموووووووووووووح طال عمرك



الله يحفظك



شكراً لمن قام بتشريفنا


تحياتي
آل معمر
26-01-2007, 01:13 AM
يا سلام على الإبداع

قرأتها كاملة وبالفعل جميلة ورائعة

تسلمون والله
العبدي
26-01-2007, 03:51 PM
ابدااااااااع ابداااااااااااع
من اروع المحاورات
مشكوووووووورين ونبي غيرها ؟؟