عبدالله بن عايض الفهري
24-01-2007, 06:54 AM
بسم الله الرحمن الرحيم
أعزائي أعضاء ومشرفي وزوار هذا المنتدى الشامخ .
السلام عليكم ورحمة الله وبركاته
يسرني أن أضع بين أيدكم هذا الموضوع وهو عمل جماعي وتفاعلي لإنجاحه نحتاج إلى مشاركة الجميع وفكرته ببساطه تتلخص في أنه في جوال كل منا رسائل قام بكتابتها على شكل أبيات في مناسبات مختلفه ونحن هنا نريد من كل واحد منا مشاركة الأعضاء الآخرين هذه الرسائل وذلك بالضوابط والشروط التاليه :
1- أن يشاركنا برسائله شاعر واحد فقط كل يوم(من سبق لبق) مع ذكر تاريخ اليوم أما مشاركات الرد فمفتوحه .
2- أن لا يزيد عدد الرسائل عن عشر رسائل .
3- أن لايزيد عدد الأبيات في الرساله الواحده عن خمسة أبيات .
4- يقوم كل من يشارك بالرد مشكوراً بترشيح إحدى الرسائل ليتم إختيارها كأفضل رساله .
5- شرط مهم جداً أن تكون الأبيات للشاعر نفسه صاحب المشاركه .
ولأني صاحب الفكره وعندي واسطه سوف أبدأ وكلي عشم وثقه بمشاركة جميع الأعضاء الآخرين لإنجاح هذا العمل وسوف يتم إختيار أجمل رساله لكل إسبوع :
اليوم الإربعاء 5/1/1428هـ
الرساله الأولى :
لا الجو جوي ولا التفكير تفكيري = لا الوقت وقتي ولا لي بالزمن حاجه
مع احترامي ومع حبي وتقديري = يا عاذلي خل قلبي واترك احراجه
هذا نصيبي وهاذي هي مقاديري =الحظ كشر وقام يعقد حجاجه
لو بعض ما مر بي مر بحد(ن)غيري = والله ان يبطي وهو ما حصل علاجه
لاشك ماني بشاكي همي لغيري = الناس كل(ن) ملا من همه ادراجه
الرساله الثانية :
يا مرحبا ما خلط بن(ن) مع هيل = وما سيق لكرام اللحى منه فنجال
ويا مرحبا ما دار يوم(ن) بثر ليل = وما رددت قحطان ارحب يا رجال
للصاحب اللي شوفته كنها السيل = وان ما حصل شوفه رساله بجوال
الرساله الثالثة :
لا ضاق صدري خابر(ن) وين ابااروح = قلبي على قطع المسافه جسوري
وما دام راسي حي مانيب مسموح = لا صار ما وفيت قسمي ودوري
والفرق بين المييت والحي يا نوح = الراي والهمه ببعض الاموري
وقت الشدايد كل مشروح مبروح = ولا ينطح الشدات كود الصبوري
الرساله الثالثه :
ياهوه والله حبك اشغلني إشغال = والله بلاني فيك والناس واجد
يمر طيفك بي وتطري على البال = حتى وانا خلف المطوع وساجد
الرساله الرابعة :
الرجل لا صار وقته محتديه = لا يبين للشماميت نكده
يلتجي لله ويرفع له يديه = ولا يحل الحبل كود اللي عقده
كل ماضاقت على الرجل النبيه = يجتهد وينال عاقبة جهده
بيض الله وجه بيضان الوجيه = والحسود يموت في نار حسده
والردي لا لا يجيك ولا تجيه = في غيابه منهو اللي يفقده
الرساله الخامسه :
يالله بمزن(ن) يعجب العين شوفه = مزن لبرقه في دجى الليل نيره
صوت الرعد عرس(ن) تلاعب دفوفه = ينشي من المنشا وينقاد سيره
تراكب نصوبه ويرخي كفوفه = على ديار العز ديره وديره
ودان لا جارح ولا به كلوفه = رحمه من الله للعباد وبريره
يسقي ظهر قاع(ن) عطاش(ن) وجوفه = والما يجم ويغتشي جال بيره
الرساله السادسه :
ياللي شربت الظفر والطيب من كاسك = يا مكرم الضيف يا راع المواجيبي
يا رافع(ن) بالعلوم الطيبه راسك = يا مرخص(ن) للنشاما ما حوى الجيبي
الجود طبعك وساس المرجله ساسك = وربي عصم سيرتك ما تقرب العيبي
الرساله السابعه :
انا قحطاني وذكر اسمي يشرفني = ويشرف اللي نطق باسمي على لسانه
معروف ما احتاج من نكره يعرفني = شاني علا يوم هوه واطي(ن) شانه
ولا كل تيار جارف معه جرفني = مبناي ثبت بنيه فوق سيسانه
ثابت على موقفي واسمي يشرفني = ويشرف الكوكب الأرضي وسكانه
الرساله الثامنه :
من زمان وذا الطواري ما تغير = لو تغير ما تغير ذا الطواري
الله اكبر كم تبهذل كم تحير = مر هدنه مر يعلن بالطواري
قلبي اللي للبلاوي ما تخير = مير من كثر البلاوي صار ضاري
كلما عسعس ظلام الليل سير = همي اللي لا طرا له جاك ساري
يا ثقيل الدم طبعك ما تغير = المعزب ما يبيك وما انت داري
الرساله التاسعه :
والله انه عليك يسوق شرواي سايق = جعل شي(ن) يسوق القلب قلبك يسوقه
انت بين الضلوع المرهفات الدقايق = حاجز(ن) لك مكان(ن) حسب كيفك وذوقه
لا يق(ن) لي غرامك وانت للقلب لايق = جاك قلبي من ادنى عرق لقصى عروقه
في غيابك دقيقه يلعن آبو الدقايق = يلعن آبو الدقايق في غيابك يا شوقه
الرساله العاشره :
والله اني ما عشقت من القصيد الا قليله = ووالله اني ما مدحت من الرجال إلا القلايل
هيه يا ليله ولا انتي من الف ليله لوليله = وهيه يا راعي المواقف هيه ياراع الجمايل
انت لك بين الرجال الطيبه يمنى(ن) طويله = بيض الله وجه فعلك يوم ابرق في الفعايل
كل غث(ن) له سمين وكل زند(ن) له فتيله =والمراجل ما تطاوع كود لعيال الحمايل
أعزائي أعضاء ومشرفي وزوار هذا المنتدى الشامخ .
السلام عليكم ورحمة الله وبركاته
يسرني أن أضع بين أيدكم هذا الموضوع وهو عمل جماعي وتفاعلي لإنجاحه نحتاج إلى مشاركة الجميع وفكرته ببساطه تتلخص في أنه في جوال كل منا رسائل قام بكتابتها على شكل أبيات في مناسبات مختلفه ونحن هنا نريد من كل واحد منا مشاركة الأعضاء الآخرين هذه الرسائل وذلك بالضوابط والشروط التاليه :
1- أن يشاركنا برسائله شاعر واحد فقط كل يوم(من سبق لبق) مع ذكر تاريخ اليوم أما مشاركات الرد فمفتوحه .
2- أن لا يزيد عدد الرسائل عن عشر رسائل .
3- أن لايزيد عدد الأبيات في الرساله الواحده عن خمسة أبيات .
4- يقوم كل من يشارك بالرد مشكوراً بترشيح إحدى الرسائل ليتم إختيارها كأفضل رساله .
5- شرط مهم جداً أن تكون الأبيات للشاعر نفسه صاحب المشاركه .
ولأني صاحب الفكره وعندي واسطه سوف أبدأ وكلي عشم وثقه بمشاركة جميع الأعضاء الآخرين لإنجاح هذا العمل وسوف يتم إختيار أجمل رساله لكل إسبوع :
اليوم الإربعاء 5/1/1428هـ
الرساله الأولى :
لا الجو جوي ولا التفكير تفكيري = لا الوقت وقتي ولا لي بالزمن حاجه
مع احترامي ومع حبي وتقديري = يا عاذلي خل قلبي واترك احراجه
هذا نصيبي وهاذي هي مقاديري =الحظ كشر وقام يعقد حجاجه
لو بعض ما مر بي مر بحد(ن)غيري = والله ان يبطي وهو ما حصل علاجه
لاشك ماني بشاكي همي لغيري = الناس كل(ن) ملا من همه ادراجه
الرساله الثانية :
يا مرحبا ما خلط بن(ن) مع هيل = وما سيق لكرام اللحى منه فنجال
ويا مرحبا ما دار يوم(ن) بثر ليل = وما رددت قحطان ارحب يا رجال
للصاحب اللي شوفته كنها السيل = وان ما حصل شوفه رساله بجوال
الرساله الثالثة :
لا ضاق صدري خابر(ن) وين ابااروح = قلبي على قطع المسافه جسوري
وما دام راسي حي مانيب مسموح = لا صار ما وفيت قسمي ودوري
والفرق بين المييت والحي يا نوح = الراي والهمه ببعض الاموري
وقت الشدايد كل مشروح مبروح = ولا ينطح الشدات كود الصبوري
الرساله الثالثه :
ياهوه والله حبك اشغلني إشغال = والله بلاني فيك والناس واجد
يمر طيفك بي وتطري على البال = حتى وانا خلف المطوع وساجد
الرساله الرابعة :
الرجل لا صار وقته محتديه = لا يبين للشماميت نكده
يلتجي لله ويرفع له يديه = ولا يحل الحبل كود اللي عقده
كل ماضاقت على الرجل النبيه = يجتهد وينال عاقبة جهده
بيض الله وجه بيضان الوجيه = والحسود يموت في نار حسده
والردي لا لا يجيك ولا تجيه = في غيابه منهو اللي يفقده
الرساله الخامسه :
يالله بمزن(ن) يعجب العين شوفه = مزن لبرقه في دجى الليل نيره
صوت الرعد عرس(ن) تلاعب دفوفه = ينشي من المنشا وينقاد سيره
تراكب نصوبه ويرخي كفوفه = على ديار العز ديره وديره
ودان لا جارح ولا به كلوفه = رحمه من الله للعباد وبريره
يسقي ظهر قاع(ن) عطاش(ن) وجوفه = والما يجم ويغتشي جال بيره
الرساله السادسه :
ياللي شربت الظفر والطيب من كاسك = يا مكرم الضيف يا راع المواجيبي
يا رافع(ن) بالعلوم الطيبه راسك = يا مرخص(ن) للنشاما ما حوى الجيبي
الجود طبعك وساس المرجله ساسك = وربي عصم سيرتك ما تقرب العيبي
الرساله السابعه :
انا قحطاني وذكر اسمي يشرفني = ويشرف اللي نطق باسمي على لسانه
معروف ما احتاج من نكره يعرفني = شاني علا يوم هوه واطي(ن) شانه
ولا كل تيار جارف معه جرفني = مبناي ثبت بنيه فوق سيسانه
ثابت على موقفي واسمي يشرفني = ويشرف الكوكب الأرضي وسكانه
الرساله الثامنه :
من زمان وذا الطواري ما تغير = لو تغير ما تغير ذا الطواري
الله اكبر كم تبهذل كم تحير = مر هدنه مر يعلن بالطواري
قلبي اللي للبلاوي ما تخير = مير من كثر البلاوي صار ضاري
كلما عسعس ظلام الليل سير = همي اللي لا طرا له جاك ساري
يا ثقيل الدم طبعك ما تغير = المعزب ما يبيك وما انت داري
الرساله التاسعه :
والله انه عليك يسوق شرواي سايق = جعل شي(ن) يسوق القلب قلبك يسوقه
انت بين الضلوع المرهفات الدقايق = حاجز(ن) لك مكان(ن) حسب كيفك وذوقه
لا يق(ن) لي غرامك وانت للقلب لايق = جاك قلبي من ادنى عرق لقصى عروقه
في غيابك دقيقه يلعن آبو الدقايق = يلعن آبو الدقايق في غيابك يا شوقه
الرساله العاشره :
والله اني ما عشقت من القصيد الا قليله = ووالله اني ما مدحت من الرجال إلا القلايل
هيه يا ليله ولا انتي من الف ليله لوليله = وهيه يا راعي المواقف هيه ياراع الجمايل
انت لك بين الرجال الطيبه يمنى(ن) طويله = بيض الله وجه فعلك يوم ابرق في الفعايل
كل غث(ن) له سمين وكل زند(ن) له فتيله =والمراجل ما تطاوع كود لعيال الحمايل