المساعد الشخصي الرقمي

مشاهدة النسخة كاملة : الحــــــــــــــــــــــــــــر الاشـــــــقــــــــــــــــــــــــر


المورد العذب
22-01-2007, 07:39 PM
الحر الاشقر عزوم وعالي الهمه
\\\\\\\\\\\\\\\\\\\\ يشبع ويشبع صاحبه مخلبن دامي
من طيب ساسه وراسه يعشق القمه
\\\\\\\\\\\\\\\\\\\يهوم ويسوم روحه والهدف سامي
في عز نفسه وربعه مرخص دمه
\\\\\\\\\\\\\\\\\\\لاعدمت يعتزي ويورد الضامي
فيه المكارم على ماقيل ملتمه
\\\\\\\\\\\\\\\\\ماهوب يقصر عن الماجوب وينامي
معرب الساس من خاله ومن عمه
\\\\\\\\\\\\\\\\\حزم على المرجله من قبل لفطامي
لانام خالي الراس والطيب ماهمه
\\\\\\\\\\\\\\\\\\اللي بدرب الوفا ماساق الاقدامي
جعله فدا من يضرب الشرق واليمه
\\\\\\\\\\\\\\\\\يتعب ركابه مهوب يعيش منظامي
هو محزمي مايختلف دمي ودمه
\\\\\\\\\\\\\\\\\\ الجد واحد والفصيله والارقامي
ونا ليامن زهمني جيت بمطمه
\\\\\\\\\\\\\\\\\علم يشع بمشرق الشمس للشامي
يغضب ضعيف النفس والدين والذمه
\\\\\\\\\\\\\\وينومس اللي على العسرات مقدامي
يامسندي حن حرار ونعشق القمه
\\\\\\\\\\\\\\\\ولاشان وقتك تراني ظلعك الزامي

شايع القحطاني
28-01-2007, 02:24 AM
صح لسانك

يا المورد العذب

وبيض الله وجهك

على القصيده

المورد العذب
01-02-2007, 12:47 AM
وجهك ابيض
ومرحبا مليون

مروض الخيل
02-03-2007, 10:45 PM
مرحوم يالمورد العذب الله يرحمه قلووووووو امين

المحيط-الهادي
05-03-2007, 08:03 PM
صح لسانك

قصيدة جميلة

مشكور