دق الخشوم [الأرشيف] - شبكة قحطان - مجالس قحطان

لايم الوقت

20-02-2005, 08:55 PM

يااسلامي سلاام الله وعقب السلااامه =============== وين دق الخشوم ووين ضرب الجناابي
لاملامه ليا صارت عتب لا ملااااااااااامه =============== والعبيدي مقام الجحدري والحبااااابي

ابن عاصم

20-02-2005, 09:07 PM

الله يمنعنا من دق الخشوووم ههههههههه

لايم الوقت

20-02-2005, 09:16 PM

الليل ياااااااااااااااااااابن عااااااااااااااااااااااااصم الدعوه قحطانيه هههههههههههههههههههههههههههههههههههههههه

ابوملاك

20-02-2005, 10:18 PM

استلم يا ذيبان

مرحبا مرحبا بك يا صبي القرامه وش تبي بالقشر والوضع خله شبابي

لايم الوقت يالله خارجه بالسلامه مادراإن الوعدقدام يوم الحســابــــي

لايم الوقت

20-02-2005, 10:44 PM

طيب طيب
البقا يالعميل اللي قديمن كلاامه ======================= مادرا ان الزمن لولا الحقيقه سرااابي
لايم الوقت عين الله خلفه واماامه ====================== دام صلى الصلاة ودام يقراااا الكتابي

لايم الوقت

20-02-2005, 11:06 PM

الليل

لايم الوقت

20-02-2005, 11:22 PM

الليل

ابوملاك

21-02-2005, 04:46 PM

لايم الوقت من وقته مبين علامــه xxxxxxxxxxxxxxxxxx الله اللي ستر خلقه بلبس الثيابــــي

العلوم الجداد اللي تبي فالثمامهxxxxxxxxxxxxxxxxxx حط للبيت طاقه لبنيته وبـــابــــــــي

لايم الوقت

21-02-2005, 09:25 PM

يشهد الله عليه في نهار القيامه ==================== ان عيني على درب النبي والصحابي
الثمامه حوت ياشيخ صقر ونعامه =================== انتبه لا يطول العلم واقبل عتااااااابي

ابوملاك

22-02-2005, 03:04 PM

راعي الدين لا يخلط حلاله حرامهxxxxxxxxxxxxxxxxxxxxxxxxxx وكل داعي ترى ما كل دعوة تجــابــــــــي

من يخالف نظام السير يعطى غرامهxxxxxxxxxxxxxxxxxxxxxx والعتب يغسل اقلوبن نظاف المرابـــــــــــــي

لايم الوقت

22-02-2005, 08:37 PM

صحوا النايم اللي غاطسن في منامه ============= لا يطول المنام وينهشه كل نابي
ليت عيني تشوف اللي رفيعن مقامه ============= لين اعلمه كيف يمرني ما دراابي

لايم الوقت

22-02-2005, 08:44 PM

صحو النايم اللي غاطسن في منامه ================== لا يطول المنام وينهشه كل نابي
ليت عيني تشوف اللي رفيعن مقامه ================== لين اعلمه كيف يمرني ما درابي

ابوملاك

23-02-2005, 12:25 AM

اظهر الوقت للخافي وقل احترامهxxxxxxxxxxxxxxxxxxxxxx يازمان العجايب وش بقى من عجــــــــــــابــــــــــي

انت سواق لكن لابستك الغشامهxxxxxxxxxxxxxxxxxxxxxx يكفي اللي ظهر من قبل فتش المــــخـــــــابـــــــــي

لايم الوقت

23-02-2005, 09:52 PM

انت ماانته قزم لكن يابو دلامه ================== قالت العارفه فالدرب عقرب ودابي
لو كشفناك حصلنا على الخد شامه ============== وط عينك ترا ماشن على الله بغابي

ابوملاك

24-02-2005, 12:42 AM

الله لايهينك يا لايم الوقت والمعذرة في التأخر لان الوقت ضيق بالنسبه لي .دوام في الصباح وفي المساء ويادوب امر على النت .لونه ماينمل من شعرك لكن الجايات احسن .ودمتم .

لايم الوقت

24-02-2005, 01:42 AM

ابو ملاااك ..........................الله يرحم والديك ولا يهينك ولا يصغرك ياابوملااك ............هههههههههههههههههههههههههههههههههههههه ههه ولو اني اعتبر هذه المحاوره اطول محااوره مرتني لكن حصل لي الشرف ولعبت معك يابو ملاك لاهنت اخوي

ابوملاك

24-02-2005, 04:59 PM

مساء الخير يالايم الوقت . ونا يشرفني اللعب معك . واستلم

دارت الدايرة من فوق راغب علامهxxxxxxxxxxxxxxxxxxxxxx ما تهنى بزاد ولاتهنى شرابي

للسلام ونواياه ارمزوا له حمامهxxxxxxxxxxxxxxxxxxxxxxxx وش مع مسيلمه ياكودهرج الكذابي

لايم الوقت

25-02-2005, 02:02 AM

راح عله مهف مقيط تسعين قامه ==================== والبقيه من اتباعه يامال الذهابي
المصيبه رعا الديره غبيبن طعامه =================== ليه يرجع على البايت قليل الزهابي

ابوملاك

26-02-2005, 12:08 AM

البلا في الجهاز اللي تلخبـط نظامــه xxxxxxxxxxxxxxxxxxxx ماخبر به خراب مصلحن له خرابــــــي

قلت له في الرياض وقال لي في المنامهxxxxxxxxxxxxxxxxxxx ماتلاقى دروب اهل الخطا بالصوابي

مخاوي الليل

26-02-2005, 06:13 PM

كبار كبار كبار

يا شعار روائع المحاوره

مشكور يا لايم الوقت بصراحه

اعجبتني ابيوتك يالغالي

لايم الوقت

26-02-2005, 08:45 PM

البلا يارفيقي عين زرقا اليمامه =============== طارت انظارها بين السما والترابي
راحت السالفه والعلم هذا ختاامه =============== العرب ملت التشعيب والقاف شابي

صح لسانك ياابو ملاااااااااااااك والله لايهينك ......... وبعدين ياازين هااذي المحاوره زيناااااااااه الظاهر انا اخذنا فيها اسبووع اوكثر هههههههههههههههههههههههههههههههه .... على اقل من رااحتنا ............ الله لايهينك وبيض الله وجهك يابو ملااااااااااااااااااااااك

علي بن سعيد العرجي

26-02-2005, 10:06 PM

ابيات جميله من كلاكما .. وفق الله الجميع .. ودمتم ,,,

ابوملاك

26-02-2005, 10:59 PM

صـح بدنك اخوي لايم الوقت والله لايهينك والدعوى كلها مزوح ووسعة صدر وبيض الله وجهك .

مـــشـــكـــور اخوي علي العرجي على المرور والله لايهينك .

الطرقي

26-02-2005, 11:35 PM

لاهنتوا وبيض الله وجهيكم على فعلكم يابني عمي
اشهد أنكم كفو في كل وقت .

ابوملاك

27-02-2005, 01:48 PM

ما عليك زود والله اخوي الطرقي والله لايهينك.

لايم الوقت

28-02-2005, 09:18 PM

ابو ملااااااااااااااااااااااااااك جعل شيبانك في الجنه والله لااايهينك وانا وانت فوق الشبهاااااااااات وفوق الشكه ............ بيض الله وجهك وشرفتني بلعبك معي الله يشرف مقداااااارك

لايم الوقت

28-02-2005, 09:20 PM

العرجي والطرقي ...................شكراا لكم على مرووووركم الكريم ............... الله لايهينكم لا يصغركم

ملحف الرفيدي

28-02-2005, 09:48 PM

الله لايهينك يا لايم الوقت وابو ملاك ولا يسفاكم

سمير

17-04-2005, 11:40 PM

يا هلا مرحبا والنور يجلى ظلامه بعد دق الخشوم الزوم قص الرقابي
لا تسرع لعلك ما تشوف الندامه احسب العلم كله والخطا للذهابي