المساعد الشخصي الرقمي

مشاهدة النسخة كاملة : ** زايـــد عــلــى كــل الــعــرب بالــوفــا زاااد **


محمد بن جليغم
20-02-2005, 03:05 PM
قصيدة للــــــــــــشاعر الراحل / بـــنــدر بــن ســــرور الــعـــتـــيــبــي .. في سمو الشيخ / زايــــد بن ســلــطــان آل نـــهـــيـــان ( رحمه الله ).. ولو كانت القصيده معروفه إلا انها من اجمل قصائد المدح ..


ابدا بذكر اللي بسط سبع بأوتاد = اللي رفع سبعٍ بليا عمدها

تذكار للي صار غيث للاجواد = لاقبلها صارت ولا من بعدها

زايد على كل العرب بالوفاء زاد = تاج المراجل لين وقف عددها

حلحيل حلو مر زراع حصاد = كبد يداويها وكبدٍ لهدها

والا عجوزٍ من ورا شط بغداد = سمت على شبل الفلاحي ولدها

تبغاه يطلع مثل زايد ولا فاد = ولاكل من هاز الطويله صعدها

يا شيخ انا جيتك على غير ميعاد = من خوف روحي لا يجيها وعدها

واختم بذكر اللي بسط سبع بأوتاد = اللي رفع سبعٍ بليا عمدها

وســـــــــلامتكم وسامحونا على القصور 00

السيف النادر
22-02-2005, 11:57 PM
لا هنت يا محمد وسلمت يمينك

قصيدة من شااعر كفو وفي رجل يستااهل

الله يرحمهم جميعا

اكرر شكري وتقديري يا محمد

تقبل تحياات
اخوك
السيف النادر

عبيدي الدمام/ابوزياد
23-02-2005, 04:45 PM
لا هنت يالغالي : محمد بن جليغم ..
ورحم الله الشاعر أبن سرور ..
وسلمت يمينك يابن عمي ..

المعمري
28-02-2005, 03:36 AM
لا هنت يا محمد الله يرحمهم برحمته

فارس قحطان
28-02-2005, 09:54 PM
مشكور يابن جليغم

وصح لسان الشاعر بندر بن سرور

والله يرحم الشيخ زايد

انا اشهد انه يستاهل المدح

العلي
01-03-2005, 05:26 PM
الله يرحم الشيخ زايد ويرحم الشاعر بندر سرور ولا يهين الراي تحياتي

ملحف الرفيدي
01-03-2005, 10:10 PM
الله يرحم الشيخ زايد والشاعر بندر بن سرور ويبيح منا ومنهم في باطن الدنيا وظاهرها