مقهى في الصين يسمح للزبائن بضرب عماله !!

[عبدالله بن غفره]

http://4alarb.com/upimage/chaina88-009.jpg

يقدم مقهى في شرق الصين منذ فترة لزبائنه خدمة جديدة تتمثل في السماح لهم بضرب موظفيه

لتخفيف ثورات غضبهم كما ذكرت صحيفة «تشاينا ديلي» الصينية أمس، ففي مقهى نانكين يسمح لرواد المقهى بضرب الموظفين وكسر نظاراتهم والصراخ في وجههم لتبديد غضبهم مقابل مبلغ مالي.

وفي امكان رواد المقهى أيضا ان يختاروا ملابس الموظفين أو ان يطلبوا منهم التنكر في ملابس نسائية. ولتخفيف ثورات الغضب على الزبون ان يدفع 50 إلى 300 يوان «حوالي 6 إلى 37دولاراً» وفقا للطلبات. وتراوح اعمارالشباب الذين يقدر عددهم بعشرين الذين يعملون في هذه الحانة ويقدمون هذه الخدمات من العشرين إلى الثلاثين ويتمتعون ببنية صلبة.

ويتلقى الشبان تدريبات استعدادا لتلقي ضربات الزبائن ويرتدون خلال الخدمة ملابس خاصة للوقاية من هذه الهجمات الجسدية. وفتح وو غونغ «29 عاما» هذه الحانة في ابريل بعد ان استوحى الفكرة من حانات في اليابان تقدم مثل هذه الخدمات



ملطوش:0201042_em

[ماجد الخليفي]

حلوة السالفة هذي يا بن غفرة

بداية السالفة ان الياباني اللي طفشان من رئيسة ينزل كل غضبة على العامل المسكين ... بس اليابانيين ما يضربون بس يصارخون ويسبون

ايش رايك تفتح وحدة في الرياض مقابل ادارة تعليم البنات
وفرع قدام الاحوال المدنية وخل العمال يشبعون تكفيخ من طفش المراجعين

[آل معمر]

خخخخخخخخخخ

تخيلوا الواصل موظف فيه وأنا زبون

وش ظنكم بأسوي خخخخخخخخخ

تسلم يابن غفره

[بن خرصان]

هههههه

حلوه الفكره يابن غفرة

وانا مع فكرة اخوي ماجد

ولو يفتحون فرع هالايام......في الامارات عشان بطولة الخليج......

يخففون العصبية على الجمهور الرياضي...

لاهنت يالغالي

[منصور العبدالله]

الله يرجك انت وذا الخبر يابن غفرة


من جد غريب

دائما يابن غفرة من كثر تميزك ماتجيب شيء عادي مثلنا


(شفني مدحتك لاتقول شيء ووالله انك تستاهل)


أخوي تكفى عاد وين المحل اللي يشتغل فيه الواصل

[الزهيري المغترب]

خخخخخخخخخخ

تخيلوا الواصل موظف فيه وأنا زبون

وش ظنكم بأسوي خخخخخخخخخ

تسلم يابن غفره
ال معمر اذا انت صمال اطلع لي برا المقهى:mad:

[عبدالله آل عباد]

هههههيييييييييهههههههههههههههههههه



فيه بنقالي عندنا في الحاره شغلته يسوي مشاكل علشان يندبغ

ويرح القسم يطالب بتعويض



وذولا أختصرو الطريق


فعلاً ناس تفكر





متألق يابن غفره

والله يقدرنا نرد وقفاتك


شوكرن

[@ابوريان@]

بن غفره اشوف ال معمر يبي يصير زبون والواصل موظف عزالله الي راح فيها الواصل

[الغبــــــــران]

ماقصرو البنقال لاتروح مقهى ولاشى تحصلهم في اقرب حاره وفش غلك

[أسير المجالس]

مشكلتي انسان بارد جدا ً
ودي يوم من الأيام أطلع اللي بقلبي كله ..
بواحد ..
بس أخاف يطلع واحد حبييييب من الربع ..
وقتها ماراح ينفعني الندم ..
خخخخ .. :)

[عبدالله بن غفره]

شكراً على المرور والتعليقات


تحياتي

[هايل]

مشكووووووووووووووووور يالغالي على نقل الموضوع

[محمد الشايع]

أبن غفره

طيب هي نفس بعض المقاهي اللي عندنا

بس الفرق في الصين

الإدارة تسمح للزبائن

بس هنا الزبائن اللي يسمحون


فرق بسيط طبعا ههههههههههههههههه

[ابن عياف]

وينه بس ذالمطعم

طول عمري أنطق

أبي أفش غلي واجرب كيف أدبغ أحد

وخصوصاً اذا كان فيه مراقب وعضو قاهرني وناشب في حلقي

عموماً أنا قلبي قوي (!!!!) بس دايم أطيح في واحد أقوي مني قلب وجسم ومرة أخترت

واحد صغير وتلقفت عليه وضربته ضربه وحده بس

وبعدها ما عاد شفته

مره قدامي

ومره من وراي

مره يمين

ومرة يسار

ومره من فوق

من كل جهه

طلع بطل جمباز وكراتيه وتكوندو ( الثلاث)

( عقب ما فكوني الناس ماجاني شي)

بس لقيت عيوني مورمه مهوب كبير مره
وخشمي فيه دم بسيط جداً
واذن اليمين محمرة شوي
واذني اليسار ما أسمع بها شهر فقط
وشعر راسي بقعة مهيب موجوده بقعه صغيره جداً
وعمري كله كان يعورني ألم بسيط ياخوان لمدة 3 أشهر لاغير



وهذا اللي قاهرني
يا عبدالله يا أبن غفره
تكفى
سوى مطعم زيه في الرياض

وانا بعلمك باسم المراقب والعضو
عشان توظفهم فيه

[أعز إنسان]

والله هذا المقهى الزوين اذا انت طفشان بدل ما تدور مشكله وتضارب خلق الله رح لذا المقهى
ام الدفئ اللي يصير


الباب في اليدر واليدر في القاع

[عبدالله بن غفره]

لاهنتو يالربع على المرور

وبيض الله وجيهكم



بن عياف

الله يرجك هههههههههه


أبشر خلاص بسوي فرع بس ارسلي اسماء الضحايا :)

[الهيثم]

والله فكره غريبه وحليوه ..

بس من ذا المهبول اللي بيشتغل مدبغه ..

لاهنت يابن غفره ..ويعطيك الف عافيه على الموضوع المتميز ..

[ابن عياف]

أحتفظ بالاسماء حتى يتم فتح المطعم

حفاظاً على نفسي من الدبغ أو الطرد

مرة أخرى