قصيدة الشاعر مسعود الميموني بالهواجر

[ابن جعفر]

السلام عليكم ورحمه الله وبركاته


مسااكم الله بألف خير


حبيت انقل لكم قصيده الشاعر/مسعود بن دخيل الله العويفي الميموني المطيري (رحمه الله)

في جيرانه (آل حمرا) من الهواجر يوم جاورهم عام 1380هـ في عين دار بالمنطقه الشرقيه

واكن ذلك الوقت موسوم الربيع وقام الشيخ مسعود بإداع غنم له عند (آلحمرا) من الهواجر

لكي يعتنون بها فتره من الزمن في غيابه عنها لأنشغاله بأموره في أعالي نجد وقامو برعايتها

على اكمل وجه وما قصروا معه وهذي القصيده قالها لهم يوم استلم غنمه منهم




عديت لي مرقاب طويل المشاريف ,’,’, وألعب على مالاق لي واستوالي

ودموع عيني فوق خدي مذاريف ,’,’, مثل المطر من مرزمات الخيالي

بأسباب جيراني عسا ما تخاليف ,’,’, جمال الحمول معربين الخوالي

يا عيد يا عيد السعد كل ما شيف ,’,’, عيد القصير بمدبرات الليالي

مثل القطامي وافيٍ بالاطاريف ,’,’, طير الحباري ماكره راس عالي

وابو عويد كاملٍ بالتواصيف ,’,’, يفرح به المشرب ليا جا الدلالي

مثل النداوي ما يحسب المصاريف ,’,’, عدٍ كما هداج صافا زلالي

وسلم ابن سعدي سلامٍ بتصريف ,’,’, سلامٍ احلى من حليب المتالي

وسالم سلم من كل شر وصواديف ,’,’, تراه بان ناصر زبون التوالي

وخص السلام لحمود واثنوه لمنيف ,’,’, ورد الثنا لأهل الثنا بالكمالي

جيراني الحمرا ليا شيف ما شيف ,’,’, رخاص الاعمار ليا غلا كل غالي

انتم هل المعروف واهل المعاريف ,’,’, وانتم هل الطولات في كل حالي

عز القصير بيوتهم مجمع الكيف ,’,’, ليا جيتهم يا عبيد ينساح بالي

هواجرٍ للجار غيثٍ مثل ريف ,’,’, قصيرهم عن حالهم لا تسالي

وبيوتهم مثل الهضاب المشانيف ,’,’, وبأرباعهم تاجد مجالس رجالي

والله لأذكرهم لأهل نجد والسيف ,’,’, وأهل الجنوب وساكنين الشمالي

يوم انكم بشير للجار والضيف ,’,’, وبيوتكم فيها الذرا والظلالي

وصلو على المختار يا اهل المعاريف ,’,’, على النبي عدد ذواري السهالي

وسلااامتكم..

[متعب الهاجري]

اشكرك يابن جعفر
على ايراد هذه القصه ... لكن الي سمعته ان الميموني جاور ال حمرا يقال انه كان عليه دم وجلا مع ال حمرا
وزبن عندهم ولقا منهم كل علم طيب وغانم

والقصه ثانيه تقول انه جاورهم لاسباب الربيع وتتبع لشف الحلال وكانو ال حمرا اقصراه وكان معهم يشد وينزل
وطاب له المقام اكثر من سنه سنين وعقب رجع لربعه مطير وتذكر ربعه ال حمرا وذكرهم بقصيدته


اما سالفه انه عطاهم حلاله وراح عنهم لاشغاله فما ادري اول مره اسمعها منك


الخلاصه انه جاور ال حمرا مده من العمر وماشاف منهم الى الي يبيض الوجه وهذا ماهو غريب على الحمرا اول وتالي



ولاهنت يابن جعفر ومشكور مره ثانيه ،،








بني هاجر

[متعب الهاجري]

القصه والقصيده منقوله من منتدى الهاجري


قصة مسعود العويفي الميموني المطيري (ابودخيل) مع آل حمرا من بني هاجر وقصيدته فيهم

قصيدة مسعود العويفي الميموني المطيري (ابودخيل) عندما قاصرآل حمراوقاموا بواجبة خير قيام وأعطوة قطيع من الغنم

وكرموه فقال فيهم هذه القصيدة :







عديت مرقابن طويل المشاريـف=وألعلب علي مالاق لي وأستوالـي


ودموع عيني فوق خدي ذواريـف=مثل المطر من مذرفات الخيالـي


بأسباب جيراني عسي ما تخاليف=أجمال الحمول معربيـن الخوالـي


هواجرن للجار غيثن مثل ريـف=قصيرهم عن حالتـه لا تسالـي


جيراني آلحمرا ليا شيف ماعيـف=ليا جاء نهارن شين والدم سالـي


ضد الحريب مفرقيـن المواليـف=رخاص العمار ليا غلي كل غالـي


أبيوتهم مثل الجبـال المشاريـف=وبرباعهم تلقي مجالـس رجالـي


عز القصير بيوتهم مجمع الكيـف =ليا جيتهم يا عبيد ينسـاح بالـي


الله يسعد نوكـم يـاذوي سيـف=جنابكـم للجـار مثـل الزوالـي


أنتم هل المعروف وأهل المعاريف=وأنتم هل الطولات في كل حالـي


ياعيد ياعيد السعد كل مـا شيـف=عيد القصير ليـا أدبـرن اليالـي


مثل القطامي وافيـن بالأطاريـف=طير الحبـاري ماكـره بالعوالـي


وأبو عويـد كاملـن بالتواصيـف=عدن كما هـداج صافـي زلالـي


ورجا زبون مدرهمات المواجيـف=جليا من صلاف الملح جاله ضلالي


بلغ لبن سعدا سلامـن بتعريـف=سلامن احلي من حليب المتالـي


وسالم سلم من كل شر وصواديف=تراه ابن ناصـر زبـون التوالـي


خص السلام حمود بالخص ومنيف=رد الثنا لاهـل الثنـا و الكمالـي


لابدمن يومن وأحوش السواليـف=لياجا مجالن وسط مجلس رجالي


والله لذكرهم لأهل نجد والسيـف=ولأهل الجنوب وساكنين الشمالي


يوم انكم بشرين للجار و الضيـف=وبيوتكم فيهـا الـذرا والظلالـي


صلوا علي المختار يأهل المعارف=علي النبي أعداد ذاري السهالـي

[ابن جعفر]

حياك الله

بس القصة انا قاريها من منتدى بني هاجر

وبيض الله وجهك وماقصرت على التوضيح

[سعيد بن مسعود آل مهدي]

ابن جعفر

بني هاجر

الله يرفع قدركم وأشكركم على هذا النقاش المثمر وهذا من كرم أخلاقكم

بما أننا نبحث عن الحقيقة فأن أي رد بهذا الخصوص يشكر عليه صاحبه وهو ما ندعوا له لتظافر الجهود

في أخراج مشاركة صحيحة و الصحيح دائما مبتغانا و مبتغى الجميع.


تقبلوا سلامي وتقديري لكم

أخوكم / مداهيل الرجال