المساعد الشخصي الرقمي

مشاهدة النسخة كاملة : سينـــاريو المســـرحية !!!!


خولان بن عامر
13-01-2007, 01:03 AM
السلام عليكم ورحمة الله وبركاته

جزء بسيط لسيناريو مسرحية العراق الشهيره لعلها تشفع لي عندكم لقلة مشاركاتي في هذا القسم


((صلوا على النبي))




يالله ياللـي كـل عبـٍد سـالـه = اللي له العبد التقـي صلـى لـه
سبحان من يسمع دبيـب النملـه = في الصخـرة الصمـا بليـل كالـه
يالله تغفـر زلـتـي وذنـوبـي = وجنبنـي الحقـران والختّـالـه
ويالله حسـن الخاتمـه يـاربـي = ولا تخليني علـى اهلـي عالـه
ويارب جنبني الفتن فـي الدنيـا = وفتنة مماتـي والقبـر واهوالـه
وفتنة حياتي والنساء اكبر فتنـه= وفتنـة زمـان ظاهـرٍ دجـالـه
ويالله تعز الديـن واهـل السنّـة= اللي علـى سنـة محمـد وآلـه
اللي على الاسـلام فيهـا غيـره = ماجمعـت الاحـزاب والعمـالـه
ولا بهـا نـعـره ولا قومـيـه = ولا العروبه والكـلام المالـه
تنهج على نهج الرسـول محمـد = نبينا خيـر البشـر وازكـى لـه
افضل صلاةٍ على النبي صلوهـا = اخيـر شـيٍ للفـتـى يبقـي لـه
اعمالـه الزينـه وفعلـن طـيب = ماينفعـه لامـات غيـر اعمالـه
مـن بعدهـا يا هاجسـي علمني= عطني خبر بغداد ويـش احوالـه
قال الخبر كلن عـرف مضمونـه = علمـن جبيـن المتقي يندا لـه
لعبـوا علينـا زمـرة ملعـونـه = ويقودهم بـوش اللعيـن لحالـه
تجمعوا من كل صـوب وديـره = وتقسموا نفـط العـراق ومالـ
وبوشن جمع له في النصارى شله = كلـن خذاله قسمتـن تهدى لـه
وبليـر جاهـم فـازعٍ يتعـزوى = ومجّمـع لـه شلـة واحثـالـه
يقول انا باسرق مع من يسـرق = ماكّنـه الا ورث لـه مـن خالـه
وباقي الدول تبغى تسوي سمعـه = مصدقيـن بـوش فيمـا قـالـه
في زعمه المكذوب قبـل الازمـة = اكبـر دمـار شامـل جينـا لـه
وبعض العرب صّدقه وايد قولـه = هو ما درى انه غازيٍ يعنى لـه
وجاونا وسوو شي مـا يتسـوى = كلن يسوي مثل مـا سـوى لـه
وصار الفرات ونهر دجله تنعـى = تنعى العرب وتقول ويش ذا الحاله
وبابل ينوح وينتخي فـي يعـرب= ينخى العرب لكن ماحـدن جالـه
وبغـداد يابغـداد دار الحكـمـة = ارض الحضاره والزمن ورجالـه
انشد عرب هارون وانشد جعفـر = وانشد هل التاريخ وين ابطـالــه
والبصرة اتوجد وتبكـي الكوفـه = على الزمن والجيـش والخيالـه
اواه ياهـذا الـزمان التـالـي = كلن عن اسلامـه ودينـه دالـه
كان العراق اشهر بلد في القـوه = لـه هيبـة كـل يخـاف ظلالـه
كان النصـارى واليهـود تهابـه = والفرس ماتقـدر تطـول احبالـه
واليوم صار اضعف بلد في العالم = ماعاد له قوه ولا لــه طـالـه
كل السبب من بوش يلعـن جـده = حقده على الاسـلام سواهـا لـه
حقده على الاسلام وأهل السنـه = خـلاه يرخص كـل مايطرى لـه
ماهو بحب للخلـــيج وناسـه = ولا بـحب أهل العراق . الا ّ.. لـه
له نيةٍ معروفــةٍ *****ـــــه = الله يـقطع نيتــه واشكالـــه
نصّـب بريمـر بالنيابـه حـاكـم = واخذ بريمر حصتـه فـي فالـه
قال اصبروا والمشكلـه معروفـه = عامين ويجيكم خبـر منهـا لـه
يبغى يسوي شي في ذي المـده = وسوى لشارون اليهـودي قالـه
حّول له النفـط العراقـي منحـة = وشعب العراق امن القهر يرثى له
يضحك على السنه وحط اليـاور = ريس يكّشـخ غترتـه واعقالـه
من شان نرضى با احتلال الكافـر = ونقـول هـذا ريـسٍ فزنـا لـه
والا الروافض كل ابوهـم ربعـه= يعدهـم كنهـم هلـه واعيـالـه
لاّنهّـم مثلـه والا العـن مـنـه = وهذا البلاء اللي كلنا نخشـى لـه
صدام سوى فـي حياتـه حاجـه = يعجز بها غيره يسويهـا لـه
كان الروافض في زمانـه خُـدّج = كانه يدوس الرافضي بنعالـــه
رأسه تحت رجليه مثـل البومـه= ومشغـلـه في شغلت الشغالـه
على حسب دينه ودين اجــداده = ماينـعرف اصله ولا مــنزاله
واليوم صار الرافضي لـه هيبـه = كنـه كديشٍ فـالتـين عقالـه
بالله ياللـي كلنـا تحـت امــره = ياواحد مـا خـاب عبـدٍ سالـه
انـك تحـل العقـده المعـقـوده = ا لعقـده اللـي مالهـا حـلالـه
الا أنـت يـارب المـلا سبحانـك = لعبـدك المكـروب فرجهـا لـه
هـوّن مصيبنتـا بـردع الظالـم = الزمـره الحيـالـة المحتـالـه
حنا السبايب فـي ضعـف قوتنـا = اهمالنـا فـي اسلامنـا وافعالـه
ذا موجز الموضوع قبل النشره = غــنى بها خــولان في موالـه
هذا وصلى الله على اشرف خلقه = على محـمد خير رسله والـــه


خولان بن عامر

عبدالله المهداني
13-01-2007, 02:30 AM
خولان بن عامر



وملحمة المسرحيه


صح الله لساااااااااااااااااااااااانك مدد بلا عدد


صح لسانك بلا حدود


ابداع يفوق الوصف والكلام


الحقيقه صورة ما يدور في كل ذهن مسلم غيور


خولان بن عامر

جزاله معنى ابداع سبك حبك



الحقيقه انت غني عن ما اقول ولكن لا يمنعني عن الكلام


بيض الله وجهك بياض على روس الجبال النايفات


اما بالنسبه لقلة مشاركاتك في هذا المجلس فعلي الحرام يا ذا القصيده انها تسوى عندي شي كثير

فلا تحرمنا من تواجدك وابداعك المميز

تحياتي وتقديري



ابو سعود

فيحان بن فالح الخنفري
13-01-2007, 02:38 AM
عزالله انك مبدع يا خووووووولان

خولان مقصر مع نفسه اعلاميا

من كبار الشعراء

شاعر رد من الطراز النادر


صح لسانك على ما كتبت


اخوك : فيحان الخنفري

بحر
13-01-2007, 04:52 AM
الله يبيض وجهك ... ياخولان بياض تشله البل

لامست الجروح بما فيه الكفايه واعدت نقضها

صح لسانك وعلا شانك

شاعر متميز بأطروحاتك وفكرك النقي

مزيد من العطاء ياخولان وبالتوفيق

ولانملك الا حسبنا الله ونعم الوكيل

تقبل من مودك بحر كل الود

سنحان بن عامر
13-01-2007, 01:40 PM
خولان وين أهبك من الموت يا غناتي .... صح لسانك وبنانك
أشهد إنك طوعت القصيد وحطيته في أحسن صورة
من طول الغيبات جاب الغنايم >>>>>>> قصيدة بألف قصيدة
لا عدمناك يا ذيبان ،،

عبدالله بن سحمان
13-01-2007, 01:57 PM
له نية معروفة مدفووووونه !!! @@@@ الله يقطع نيته وأشكاله

صح الله لسانك

وأعتلا شانك

قصيدة وافية يا وافي

تقبل تحياتي

عبدالله بن غفره
13-01-2007, 10:44 PM
إبدااااااااااااع


ياخولان


صح لسااااااانك


قصيده وافيه وجزله


ولا يستغرب منك الجزاله وقوة المعنى


فأنت من الوكلاء والمعتمدين للجزالة والمعنى


بيض الله وجهك ولا قصرت


وننتظر جديدك بفارغ الصبر


أخووووووووووك

محمد بن هتفر
15-01-2007, 01:41 PM
بيض الله وحهك يابو نايف



االحقيقه الشهادة فيك مجروحة وقصيدة جزلة ومن شاعر جزل


وصديق وفي وعزيز عل الجميع واسأل الله ان يصلح احوال الامة





اخوك ومحبك ابو خـــــــــــــــــالد

راع البلها
15-01-2007, 01:46 PM
لاهنت وصح بدنك

هشام الداوود
17-01-2007, 02:59 AM
الله الله


قصيده جميله


استمتعنا بهااااااا


صح لسااانك وفكرك


دمت بوود

سعد القحطاني
18-01-2007, 12:11 AM
خبير وجزل لله درك يابو نايف


وصح لسانك على هذه الرائعه


التي اعجبت بها اشد الأعجاب وشرفني قرائتها


لاعدمناك ،،،،،،،،

.

الوحر
23-01-2007, 02:33 PM
بيض الله وجهك ياخولان بن عامر ونتمنى المزيد

حمد بن عروان
25-01-2007, 03:57 AM
ارررررررررررررررررررررررررررررررررررررررررررررحب



يابو نيف لاهنت وش اقول مبدع شوي



الا امبروطور بيض الله وجهك

سعد بن ناجي
31-01-2007, 08:15 PM
الله الله


صح لساااانك يا خولان ملايين


إبداااااع

سعد المهداني
09-02-2007, 01:40 AM
خولان بن عامر


بيض الله وجهك بياض تشله البل


وفيت وكفيت ولا عدمت ذا الراس


لك مني اجل التحايا



اخووووووك

نسناس الجنوب
10-02-2007, 05:08 PM
صح لسانك ياخولان بن عامر



وهذا اللي حصل





تقبل ودي وتديري