مسابقة إستراحة المجالس الثقافيه [الأرشيف] - شبكة قحطان - مجالس قحطان

منصور العبدالله

06-01-2007, 01:23 PM

السلام عليكم ورحمه الله

وكل عام وانتم بخير

والله وحشتونا ووحشتنا مجالس قحطان واتمنى ان الجميع بخير وصحة وسلامة

العلم سلامتكم

أبي سلف

عفوا أنا عندي فكرة مسابقة وتراني ماسرقت الفكرة من أخوي ال معمر...أبد ماسرقتها

المهم الفكرة هي مسابقة بين فريقين ولجنه تحكيم

دور لجنة التحكيم تعطي أسئله لكل فريق يعني مرة فريق A ومرة فريق B

أقترح لجنة التحكيم يكونون أربعة وهم

ال معمر + أبو ريم + ماجد الخليفي + أبو فراس القحطاني

فريق A:

1- منصور العبدالله
2-
3-
4-
5-

فريق B:

1- الواصل
2-
3-
4-
5-

يعني كل فريق خمسه أشخاص فقط

وصار توزيع للمشرفيين ( علشان نتهاوش)

والحين كل واحد يدخل ويرغب بالمشاركة يسجل في الفريق اللي يبي

وأول مايكتمل العدد خمسه في كل فريق نبدأ بالمسابقة عن طريق لجنة التحكيم

وأنا أقترحت اللجنة لو أحد عندة معارضة منهم يعتذر ونرشح مكانه واحد

طبعا وش الجايزة

الجايزة على الفريق المهزوم خمس بطاقات سوى للفريق الفائز

بطاقات ب 100 ريال

يعني كل عضو من الفريق المهزوم بيدفع بطاقة والحاصل خمس بطاقات ستوزع على الفريق الفائز

وطبعا شرط ثاني مهم المسابقة راح تكون مغلقه مش مفتوحة يعني

10 أسئله لكل فريق على التناوب

طبعا لو أحد عندة فكرة أفضل يقولها ونعدل في المسابقة حسب المقترحات

ونحن بإنتظاركم

وبإمكان لجنة التحكيم وضع الشروط اللي يرونها مناسبه أو يغيرون

واسعد الله أوقاتكم وأنا بثبت الموضوع علشان نبدأ بشكل جدي

( تعالوا بيني وبينكم كنت مرة أكلم ال معمر على الجوال وقعدنا نسولف وقال أنا بحط مسابقة في المجلس

وقلت يا ولد ليش ماتسرق الفكرة على ال معمر وتحطها بإسمك والحمدلله سرقتها وما أحد درى بشيء)

فارس قحطان

06-01-2007, 02:29 PM

السلام عليكم ورحمة الله وبركاته

هلابك يابوعبدالله

وانت اللي وحشتنا :)

يالله حطني في اي فريق وانا جاهز :)

.

سعود الحبابي

06-01-2007, 02:39 PM

مشكور يابو عبدالله
على موضوعك الشيق ولكن انا حبيت
اشكرك ولا تسجلني
ارجو المعذره ولك تحياتي

سعد بن سعيد بن فالح

06-01-2007, 03:48 PM

ياهلا ومرحبا انت اللي وحشتنا
لاتقول ماسألت عنك
اما الفكره مجنونه اقصد المسابقه المسروقه
وانتوا اختاروا مادام انك حددت عدد الفريق
ولا احد يختارني لانه بيروح ملح
ولاهنت

سفير بني بشر

06-01-2007, 05:23 PM

هلاااااااااااااااااااااااااااااا بك منصور

ومن العايدين

المهم أن واحد من الشله قصدي من المجموعه قداااااااااااااام

بنروح لمضاربه مو مسابقه

حطني مع فرقه الأذكياء

سعيد بن محمد بن خريم

06-01-2007, 05:29 PM

وانت بخير وعافية

حطني مع أي مجموعة وارقد من الفوز

الواصل

06-01-2007, 05:48 PM

يالله ياعصابات راسي فريقي ( البطاقات لاتفوت)

الي يبي يسجل اسمة معي

اشكرك ياخي منصور على الموضوع المميز

عبدالله آل عباد

06-01-2007, 09:27 PM

أذا كان فيها فلوس فنا طفران

وتروني أعلمكم من ألحين لا يجي أخر المسابقه وتقولون أبو جابر ما عطانا شحن

وما عن الفريقين

فما أحسن من منصور ألا الواصل والعكس

وأول واحد يختارني بروح معه

نصيحه

لاتتوهقون

عبدالله ابن طرخم

06-01-2007, 09:41 PM

أنا مع الواصــــــــــــــــــــل

والصادق يتحدنا الله الله يالواصــــــــــــــل

للامامــ ...

الفارس الجنوبي

06-01-2007, 09:53 PM

يازين الفكرة والله مدري

فيه أحسن مني؟

دوروا وتشوفون. وان ماعينتوا أحد فأنا حولكم؟

تحيااااااااااااااااااااااتي

عبدالله بن غفره

07-01-2007, 01:23 AM

أنا جاهز باللي تبون

وأي خدمه تبونها غير الفلوس وما شابهها :)

منصور

ارررررررررحب وحشتنا وياهلابك

ومدامك سارقها من آل معمر تراها حلال :)

آل معمر

07-01-2007, 02:14 AM

مشكور أخوي منصور لاهنت

ومادمت أنا الحكم فأبشرو بالعدل :) <<<<< كثر منها خخخخخ

متى ما جهز الفريقين فأنا حاضر

وبالنسبة لك لو تسرق عقلي كله فداك أنت فقط وأما بن غفره فلا

الهيثم

07-01-2007, 02:43 AM

حيا الله ابو عبد الله وماجاب ..

ياكذا الواحد يسرق ولا فلا ..

الفكره رهيييبه ..ومادام فيه عضو انضم لفريق الواصل ..وهو ابن طرخم ..

فانا اول عضو ينضم لفريقك ..

والويل لكم يافريق B مماهو اااات ...

توكل على الله ..

فريق A >>>>>> القوه

المتانه ..

الانسيابيه...

الرشاقه ..(((هذا فريق ولا جمس ؟؟؟))))

معليش يابو عبد الله ..هذي دعايه بسيطه لفريقنا علشان ينضمون لنا الشباب ..

تحياتي لك وللجميع ...

أبو حسين الحبابي

07-01-2007, 02:57 AM

يالله ياعصابات راسي فريقي ( البطاقات لاتفوت)

الي يبي يسجل اسمة معي

اشكرك ياخي منصور على الموضوع المميز

ابد أنا يمناك اللي ما تعصاااك يالغااالي ...

واللي تشووفه طااااال عمرك

ولا هنت يا الغالي منصور على الموضوع الرائع يا رااااائع

تحياااااااااااااتي

أبوفيصل..

07-01-2007, 03:43 AM

من طول الغيبات جب الغنايم.. بصراحه فكرتك رائعه وممتعه في نفس الوقت ..

وأنا جاهز مع فريق الواصل والله يقدرنا على الفوز ..

شدوا حيلكم يالربع لا يهزمونا الرجااااااااااااااال ..

ها أمنعووووووووووووووووووووووني !!!!!!!!!!!!!!!

بن خرصان

07-01-2007, 06:41 AM

السلام عليكم ورحمة الله وبركاته

وكل عام وانت بخير........أسمحلي أذا هي جات متأخره..............بسب الاجازه والسفر اللي كنت مشغول فيه

مشاء الله جاي والفكر صافي بعد العيد هخهخهخهخهخ.........(أربها تدوم)

المسابقة روعه .....ولو أني حاس أن اللطش من ال معمر موذاك اللي هو....خخخخخخخخ

والله أنكم كلكم يالمشرفين (ال معمر ومنصور .....وبعد الواصل) ......كفو ....كفو...كفو

وسجلني في المسابقة.......وانا معك والزمن طويل.......أبشر بالدجه....... أقصد بالجد والاجتهاد.....وأنا من الحين رايح اسخن ...بس علمني متى باطب...داخل ملعب ابو الشباب

وكل عالم وانت بخير .....مره ثانيه

منصور العبدالله

07-01-2007, 08:04 AM

مشكورييييين على هذا التفاعل

الهيثم والله انك رائع أنت والدعايات حقتنا

أنا البارح رحت للخطاط وساويت كم لوحة بعلقها في مجالس قحطان

نحط في كل ركن لوحة أي في كل قرنة

الحين فريق A:
منصور العبدالله - الهيثم - ابن خرصان
(العدد =3)
الفريقb:
الواصل - أبو فيصل - أبو حسين الحبابي - ابن طرخم
(العدد=4)

والباقيين اللي يقولون سجلونا مع أي فريق فياليت يختارون فريق محدد

(فارس قحطان - ابن غفرة - ال معمر: مشكورين على الدعم وعوايدكم العلم الغانم

وأسعدني مروركم وتفاعلكم الرائع)

فريق A:

ترى إجتماعنا يوم الخميس وأنا بحجز لنا إستراحة وبنتعشا على ربع حاشي ونتقهوى ونخطط زين

بس ما أظن بعد الحاشي أحد بيخطط

ال1000000000000000ــــــــف وال10000000000000000000ـــــــــــــــف تحيه

سعيد بن محمد بن خريم

07-01-2007, 10:52 AM

حطني معك يا منصور A
والوعد قدام يا B

ماجد الخليفي

07-01-2007, 10:57 AM

اعلان

للفريق الفايز هدية ((( مجانية ))) من اليابان

علي الفهد

07-01-2007, 04:32 PM

وأنا سجلوني خامسكم يا فريق A
وأبشروا بسعدكم ما دام فيها استراحه وحاشي

العبدي

07-01-2007, 09:26 PM

حطني مع اذكى واحد ؟؟ بس ولا واحد منهم ذكي ...... لا الواصل ولا منصور :confused: :confused:
بصركم سجلوني
ومشكوووووووووووورين
ولا يزعلون الربع

ابن فاران

07-01-2007, 10:16 PM

ارحبوووووووووووا جميعا

مدري ليش فريق B ما عندهم اغراءات

ومادام في A حاشي واستراحة

فأنا انظم له اذا امكن ذلك

وان لم يمكن ذلك فأنا احتياط >>>> ههههههههه

ملاحظه:

سوف أقلل من دخولي على النت وذلك لظروف الدراسة.

تحياتي,,,

ابو فارس الفهري

08-01-2007, 01:40 AM

يا لرررررررررررررررربع انا حطوووني في اي فريق والفريق اللي انا معه يبشرووووووون بشحم اذا فزناااااا والا انهزمناااااااااااااااا

بن خرصان

08-01-2007, 02:46 AM

مشاء الله عليك يالمنصور

من الحين بادي الحرب النفسيه والاعلامية,,,,,,,,,,,,,,,,,,,http://smilies.sofrayt.com/%5E/8/smoke.gif

الزهيري المغترب

08-01-2007, 04:33 AM

انا كنت ناوي انظم لفريق منصور امس بسبب اغراءنا بالحاشي
ولكن عندما شتفت الحاشي امس بالمندي فكرته خروف من صغره وفيه من الجرب اللي يعلم الله
وحتى من ضعفه ,,, طلع انه خالي من الكوليسترول

لذلك اووكد وبشده اني مع الواصل

قلبا وقالبا وجسميا وعقليا والوعد قدام يامنصور <<<<<<<<<<خخخخخخخخخخ صارت مضاربه

منصور العبدالله

08-01-2007, 10:35 AM

الحين خلاص الفرق كملت

أنا براجعها وبفرز كل فريق وأعضاءة

وبعدها تبدأ لجنة التحكيم بطرح الأسئله

وعلى فكرة شيء مهم جدا جدا جدا

عند طرح السؤال من قبل لجنة التحكيم مثلا للفريق A

أول واحد منهم يكتب يرد ويجاوب

يعتبر هذا جواب الفريق والجواب النهائي

لا يجي واحد ويقول لا الجواب عندي وزميله راد من قبله

علشان كذا اللي ما يعرف الجواب مايكتب ولا يرد

وبإمكانه استخدام خاصيه البريد الخاص بين اللأعضاء

المهم أول واحد يجاوب من الفريق تأخذ على أنها الإجابه النهائيه من قبل لجنة التحكيم

الحين لي عودة وبفرز الفرق بعد ما أرجع للردود

تحياتي يافريق A

فريق B لا مافيه تحيه

سعيد بن محمد بن خريم

08-01-2007, 11:16 AM

الحين فريق A:
منصور العبدالله - الهيثم - ابن خرصان- ابن خريم – علي الفهد

الفريق B :
الواصل - أبو فيصل - أبو حسين الحبابي - ابن طرخم-العبدي

الزهيري المغترب

08-01-2007, 11:43 AM

الحين فريق A:
منصور العبدالله - الهيثم - ابن خرصان- ابن خريم – علي الفهد

الفريق B :
الواصل - أبو فيصل - أبو حسين الحبابي - ابن طرخم-العبدي
:017: :017:

ليش نسيتني الله يسامحك

وانا مترزز وكلاني البرد واخر شيء تنساني والله كبيره منك ياابن خريم:cool:

سعيد بن محمد بن خريم

08-01-2007, 01:23 PM

هذي على حسب اخر مشاركة من الشباب بعد مشاركة منصور

ولكن ابشر بالعوض التشكيلة التالية كالتالي

الحين فريق A:
منصور العبدالله - الهيثم - ابن خرصان- الزهيري المغترب – علي الفهد

الفريق B :
الواصل - أبو فيصل - أبو حسين الحبابي - ابن طرخم-العبدي

الفارس الجنوبي

08-01-2007, 01:50 PM

الله يهديك وانا وين رحت سامحكم الله

منصور العبدالله

08-01-2007, 02:30 PM

يابن خريم حست الدنيا

مع تحياتي للعبدي بس هو ماحدد فريق معين

المهم لجنه التحكيم نرجو وضع إستراتيجيتكم لطرح الأسئله

والفرق صايرة شعله .............. مرة جاهزة

الفريق A:

منصور العبدالله - الهيثم - ابن خرصان - ابن خريم - علي الفهد

الفريق B:

الواصل - ابو فيصل - أبو حسين الحبابي - ابن طرخم - الزهيري المغترب

ياليت لجنه التحكيم تسجل الأسماء

وعند طرح السؤال أول إجابه من الفريق من أي عضو تعتبر الجواب النهائي

ويال يال معمر انت وجماعتك

بإنتظاركم

سعيد بن محمد بن خريم

08-01-2007, 02:31 PM

المسابقة سوف تكون متواصله

يا منصور حط حد للمسابقة بحيث انه يكون في فريق خاسر يخرج والفريق الفائز يستمر ويكون فيه فريق مجهز من خمسة اشخاص على خط النار بحيث اذا طلع الفريق الخاسر يأتي الفريق الاخر والهدف الاستمراريه ( ما يهزك ريح)

ويتم اختيار الفريق القادم مثلا الفارس الجنوبي يختار اخوياه من بعد ذلك نرى تفاعله معنا قبل دخول المسابقة

والرأي للجميع اسمحلي يا منصور على تدخلي ووضع قوانبن للمسابقة اذا ما اعجبتك لك الحق بمسحها

منصور العبدالله

08-01-2007, 02:51 PM

فكرة رائعة يابن خريم ليش لا

والفارس الجنوبي لو يبي مكاني وأطلع فعادي يستاهل

وإذا ودة يجهز له فريق فحياه

ابن خريم

انت ماتحط يدك في شيء الا ويزين

فخذ راحتك تدخل بيدينك ورجولك

وأي شيء تقوله يصير أمر علينا ونفذه

تحيااااااااااااتي

سعيد بن محمد بن خريم

08-01-2007, 03:03 PM

يا منصور اقبال الشباب على المسايقة كبير ونبي نجعل الجميع يشاركون

يا رجال علمك الغانم هو اللي يخليني امون عليك ولا يامر عليك عدو

بس حركونا وين الاسئلة

الواصل

08-01-2007, 05:45 PM

بسم الله الرحمن الرحيم

ليش الخوف يافريق A من البداية دعاية وحاشي ............الخ الحاشي عندنا انشالله مع البطاقة

المهم يافريقي الله يبيض وجيهكم ولاهنتوا على الاختيار وابشروا والله بلي يخليكم تكلمون على حساب A

انا جالس اراقب الي يخش معي بدون دعاية

طيب حن جاهزين ياويلكم جاكم الاعصار

ياللة تبدا

سفير بني بشر

08-01-2007, 11:21 PM

الفريق الثالث

1. الفارس الجنوبي

2.سفير بني بشر

ومازال التسجيل مستمر حتى أكتمال العدد

وملاحظة... يمنع منعا باتا الواسطه في التسجيل

عبدالله بن غفره

09-01-2007, 12:17 AM

مسابقة رائعه

وإقبال كبير من الأعضاء

أتمنى التوفيق للجميع

وليتكم تطلعون آل معمر منها عشان تضبط ههههههههههه

الزهيري المغترب

09-01-2007, 01:25 AM

مسابقة رائعه

وإقبال كبير من الأعضاء

أتمنى التوفيق للجميع

وليتكم تطلعون آل معمر منها عشان تضبط ههههههههههه
ابن غفره الله اكبر عليك

كانك تقرأ افكاري هههههههههههههههههههه :rolleyes:

آل معمر

09-01-2007, 01:48 AM

بن غفره والزهيري المغترب

حرااااااااام عليكم بالعكس ما تضبط إلا بي <<<<<< حلوه بي هههههه

المهم خلونا نرتب أمورنا مع الحكام ونضع طريقة الأسئلة وأبشروا بالخير

منصور العبدالله

09-01-2007, 09:03 AM

حرام عليكم ما لقيتوا الا ال معمر يطلع من المسابقة

( ليش مل تطلعونة من الإستراحة كلها)

ما عليك يال معمر ابن غفرة والزهيري حاقدين عليك علشان طالع حلو في الصورة وانت صغير

وانت الخير والبركة يال معمر ( ترى المدح هذا مو لله علشان الأسئله الله يعطيك العافيه)

بن خرصان

09-01-2007, 09:06 AM

يالشباب وش جاكم على ال معمر...........والله أن الحكام أكدع ناس....

الفوووووز مضمون يالفريق A

الحكام وضبطناهم ........والاعلام مسيطريين عليه.....والمكافأت مميزه

وهذي بعد رابطة المشجعين جايين بدري...

:053: :051: :051: :051: :053:

فريق B..:110103_za

منصور العبدالله

09-01-2007, 09:15 AM

شايف يالواصل

شايف الزعامه شلون

فريق B

طاوعوني من الحين ونسحبوا

وأفتحولكم بوفيه واشتغلوا فيها

أحلا يابن خرصان حتى أنا خفت من فريقكم وبعدين تذكرت إني معكم

بن خرصان

09-01-2007, 09:45 AM

منصور مو انت اللي دعست ...ثماُ رجعت...http://smilies.sofrayt.com/%5E/f/scatter.gif

كشفك زعيم الرابطه شفه واقف وراى....................................http://smilies.sofrayt.com/%5E/b/glassesup.gif
:053: :051: :051: :051: :053:

منصور العبدالله

09-01-2007, 09:50 AM

الله يرجك يابن خرصان

والله انك فله

أنت راس الحربه في فريقنا

بن خرصان

09-01-2007, 09:57 AM

تشكرات يالشيخ منصور بعزت الله خخخخخخخخخخ

منصور العبدالله

10-01-2007, 09:20 AM

ابن خرصان

شكل فريق B خاف

واللجنه بعد خافوا

مالهم حس ولا خبر

يعني فزنااااااااااااااااااااااااااااااااااااااااااا وأنسحبوا هم

الواصل

10-01-2007, 10:48 AM

هههههههههههههههههههههههههههههههههه

الوعد قدام والكل يشوف

يالله يفريقي جاهزين معليكم من فريق A والله كل حركاتهن بس من الخوف

سعيد بن محمد بن خريم

10-01-2007, 11:07 AM

فريق A هو الفريق المنافس بلا منازع

بس يا شباب لا حد يشتري لي بطاقة جوالي عام ارسل المية على حسابي الله لايهينكم

منصور العبدالله

10-01-2007, 01:49 PM

الواصل

أخيرا طلع واحد منكم

شوف فريقي من يوم حطينا المسابقة وهم كل يوم في الملعب

حتى ابن خرصان أذاني أقول البس حذيان قال ما أعرف العب الا حافي

ابن خريم

المهم الجايزة 100 ريال ودكم نجمعها وناخذ بها تويس ... فتراها طيبه

تراك المسؤول عن كشف التسلل.... لا أوصيك يا ذيبان

علي الفهد

10-01-2007, 02:20 PM

يا شباب وأين الأسئله

وأين لجنة الحكم ترانا تعبنا من الأنتظار

فريق B أخذوا أكثر من وقتهم لو بدأت المسابقه يمديهم طلعوا

الفريق الثالث خذا لفه حول المضمار الدور جايك

منصور العبدالله

10-01-2007, 02:51 PM

علي الفهد

وين تحب تلعب طال عمرك

ترى إذا جاء فاول مباشر علينا

فتراني طالبك خلني أوقف وراك

ما قلت يالواصل شوف حماسنا وترى الفريق بالكامل مطلوب للإحتراف في أوروبا

سعيد بن محمد بن خريم

10-01-2007, 04:46 PM

فكرة طيبة يا منصور

وفيه رشيدي اعرفه يبيع تيوس بنحجز خمس تيوس والدفع بعد الفوز وبخليه يصوت لنا اذا فيه تصويت

وين الفريق الثاني غيروه

علي الفهد

10-01-2007, 06:31 PM

أبو عبدالله ما طلبت شئ

بس لايهمك فاول وإلا بلنتي

الفوز لنا بإذن الله

أبو حسين الحبابي

10-01-2007, 08:55 PM

يا فريق (A) إسمعووني زيييييييين !!!!!!!!!!!!

ترى حنا الهدوووووء اللي يسبق العاصفة !!!!!!!!!!!!!!!!! فاااااهمين ؟!!!!

http://resized.filevend.com/anon/rtyS7ZQv.jpg

وعز الله بتروحون فيها إذا ما انسحبتوا ... رأيي تنسحبون دام الدعوى فيها عاصفة

وش رايك فيني يالواااصل (ذيبااان) صح ؟؟؟؟

ههههههههههههههههههههههههههههههههههههههههههههههههه

بالتوفيق للجميع

علي الفهد

11-01-2007, 12:41 AM

أبو حسين الحبابي صبحك الله بالخير

إذا أنتم الهدوء الذي يسبق العاصفه فترى فريقنا هو العاصفه نفسها

الواصل

11-01-2007, 12:55 AM

والله يابو حسين انهم صكتوا والله انك كفوا يسنايدي وباقي الشباب جايينكم افتح الطريق ياولد

عطيناكم وجه زيادة وين اللجنة وين الاسئلة والله فيكم الوعد قدام

لا يكثر هرجكم مرة تيس ومرة حاشي والله اتوقع في الاخير برست الله يعز النعمة

اتركوا الملعب لأهلة يـــــــــــــــــــــــــــــــــــــا (a)

علي الفهد

11-01-2007, 01:16 AM

الوعد قدام يالواصل

ماجد الخليفي

11-01-2007, 01:30 AM

يا شباب لا تستعجلون اللجنة في اجتماع
لسه ما اتفقوا من يكون رئيس ومن النايب ومن السكرتير ومن المحاسب ومن الفراش ..
اقرحت اكون المحاسب حتى الطش شيء من الهدايا بس الله يهديه ال معمر معارض ..
صبر شوي ونجيكم

منصور العبدالله

11-01-2007, 02:04 AM

أخوي ابو عصام

خذوا وقتكم وحطوا شروطكم وحن معاكم

ماورانا شيء بالعكس فاضين

المهم حن مثل الجبل يا العاصفة

وما اظن يحرك الجبال الا اللي حطها

وعلى فكرة ترى ممكن ما نلعب يا خمسه مع بعض

بنحط لكم وااااااحد يالواصل يا صاحب البروستد

وتشوف اذا مانخليكم زي اللي تدرون لبوفيه

والوعد قدام والسيف هو الحكم

آل معمر

11-01-2007, 02:04 AM

تــكـفــأ يا ماجـــد بــدون فــضــايـــح

منصور العبدالله

11-01-2007, 02:07 AM

شكلنا يال معمر بنطلع من المسابقة والفايز والمهزوم مديون

وتأخذونها يا أهل اللجنه

الله يستر

الهيثم

12-01-2007, 04:28 AM

السلام علييييييييييكم
والرحمه ..

والرز واللحمه ..

لاااااا اله الا الله ..

رحت وقعدت لي ثلاثه مدري اربعة ايام وعودت عادكم كماكم ..

قد بديت اتحفش قبل لا ادخل ..احسب اني باجي قد الاسئله والمنافسه وقد الدميان نثار ..خخخخخخ

ماشفت الا ((الهدوء والعاصفه والوعد قدام والوعد يمين ..ومن ذا الكلام ))

يالجنة التحكيم لاتبطون علانا الله يعطيكم العافيه ويوفقكم ويحفظكم بحفظه ويخليكم ذخر لنا وللاسلام والمسلمين ((كيف دهن الزبده يامنصور ...شي ؟؟؟))

ماجد الخليفي

12-01-2007, 05:42 AM

سيادة رئيس اللجنة كاشت وما نبغى نزعجه
اصبرو شوي يا شباب

أبو حسين الحبابي

12-01-2007, 10:42 AM

يا فريق (A) إسمعوني زين مرة ثانية !!!!!!!!!!!!!!!!!!!

إذا أنتوا صرتوا العاصفة فترى حنا (البركاااان) !!!!!!!!!!!!!!! فاهمين !!!!!!!!!

وترى بدينا ندخن !!! من الحاشي والتيس

http://www.ead.ae/TacSoft/images/news/active%20volcano.jpg

http://www.ead.ae/TacSoft/images/news/IndonisiaVolcano.bmp

فأحسن لكم إنكم تنسبحون ( كالعادة ) بدل ما نذوبكم (كالعادة) !!!!!!!!!

http://www.islamonline.net/Arabic/Science/2002/01/images/pic33.jpg

وترى بركان الواصل ما هوب سهل !!!!!

ما تحسون إني صرت مهايطي ؟؟

أقول يا فريق الذيابة والأشناب يا فريق (B) ,,, وش رايكم فيني ؟؟؟ شنب .. صح ؟؟

هههههههههههههههههههههههههههههههههههههههه

تحياااااااااااتي للجميع

أبو حسين الحبابي

12-01-2007, 10:54 AM

يا عزوتي !!!!!!!!!

يا فريق (B) !!!! ترى هذا شعارنا (طبعا بعد إذن الكابتن الواصل)

http://www.abunawaf.com/members/nayem/Lion2.jpg

إذا رأيت ضروس الأسد فلا تحسبن أنه يضحك

ويا فريق (A) !!!

إتقوا شر الحلماء إذا غضبوا

الواصل

12-01-2007, 02:03 PM

يا فريق( A) انشالله تسيرون مثل حركة فتح وحماس ما يتفقون في شي

بس ابوا حسين خوفكم تصوروا لو باقي الفريق يجيكم

نصيحة يا منصور لاحد يسمع:

غير فريقك اذا تبي تفوز

الزهيري المغترب

12-01-2007, 09:32 PM

منصور

وايش رايكم بلا مسابقة وبلا ثقافةة

احسن من هذا كله

نتواعد عند محطة قديمة
وكل معه مشعاب وجنبيه

ونشوف كيف فريق الواصل بيفوز اسف اقصد نشوف من اللي بيفوز

بانتظار ردكم يافريق A

الواصل

12-01-2007, 09:51 PM

منصور اقتراح

نأجل المسابقة لانة يوجد اعظاء عندهم اختبارات انا منهم اذا امكن وبعد الاختبارات نراويكم

الهيثم

13-01-2007, 12:25 AM

اشوف اعضاء الفريقbبدؤا يتسحبون واحد واحد ..كلن يقول عنده اختبارات ..

عالعموم حنا جاهزين ..ومسخنين ..ومجهزين المشاعيب والمناطيب وبغينا نجيب جنابي بس عيا راعي المحطه ..

جاهزين لكم في اي وقت ..

الحين , بعد الاختبارات , بعد الدور الثاني للي بيكون عنده دور ثاني .ههههههههه

ابد ..ذاكروا واختبروا وخذوا راحتكم ..والله يوفقكم في اختباراتكم ويوفقنا عليكم بعد الاختبارات ..((شفتوا الروح الرياضيه كيف ))خخخخخخ

على فكره يابو حسين .ترى حقوق الطبع محفوظه ..شفت صورة الاسد اللي حاطها ذي ...هذي صورتي وانا توني صاحي من النوم ..وكنت مروق ذاك اليوم وخاطري وسيع ..الله لا يوريكم اذا قدهي قافله معي ..وتروني اطيب واحد في فريقنا ..فانما هو ..عيدوا حساباتكم ..واذا ودكم تنسحبون وتاخذونها باولها من الحين فتروه بيكون احسن شي تسوونه ..

آل معمر

13-01-2007, 01:03 AM

أنا موافق يالزهيري

وبالنسبة لي أبقى حكم حتى في المضاربة خخخخ

منصور العبدالله

13-01-2007, 07:40 AM

منصور اقتراح

نأجل المسابقة لانة يوجد اعظاء عندهم اختبارات انا منهم اذا امكن وبعد الاختبارات نراويكم

الواصل يعني لو أجلتوها بتفوزون

أخواني في اللجنه لا مانع من التأجيل حتى نهايه الإختبارات وأنتم تأخذون راحتكم في وضع الشرط والأسئله

بالرغم من أن الفوز واضح جدا لصالحنا بس خلونا نكمل بطريقه شرعيه

الواصل

( أدري تبيني أغير فريقي علشان تأخذهم....العب غيرها

قلت لك فريقك مو حق ثقافه أسمع الزهيري يدرس بأمريكا ويبيها جنابي ومشاعيب عند المحطة

بالله هذا فريق............................أسمع هاليومين أنكم تجتمعون في حراج بن قاسم عند اللي يبيعون الإسطوانات )

الواصل

13-01-2007, 02:42 PM

لاهنت يامشرفنا الغالي على قبول الاقتراح

سجل عندك فريق B فايز

أبو حسين الحبابي

13-01-2007, 08:03 PM

لا حوووووووووووووووووول ... تراكم زودتوها !!!!

بنتهاوش ولا لا ؟؟؟؟

خلصوا ...

وعلى فكرة ترى حنا جاهزين للحرب

http://www.basrahnews.net/ws_images/lebanon_army_tanks.jpg

http://www.factjo.com/ImgFolder/News_Img/3976.jpg

http://www.knntv.net/arabic/wene/tayara.jpg

يا فريق (B) خلوكم جاهزين ...

ويا فريق (A) رأيي أنكم تتشهدون

وبالله كل واحد يختار له واحد من الفريق الثاني ويرسله صواريخ

أما أنا فأبي ((((( الهيثم )))))) !!!!!!!

الهيثم

13-01-2007, 10:08 PM

يالبيه ..

حد دعا ..؟؟؟

تحت امرك يابو حسين ..بغيت شي ..؟؟

اشوفك تناديني ..

:050103lv_

:rolleyes:

أبو حسين الحبابي

14-01-2007, 01:04 AM

يالبيه ..

حد دعا ..؟؟؟

تحت امرك يابو حسين ..بغيت شي ..؟؟

اشوفك تناديني ..

:050103lv_

:rolleyes:

الله أكبر على البرااءة

اترك عنك البراءة الفاضية

على العموم الوعد قدام !!!

بن خرصان

14-01-2007, 07:05 AM

منصور العبدالله

14-01-2007, 07:58 AM

يعطيك العافيه يابن خرصان كفيت ووفيت

وبصراحة طالت لسنهم يوم عطيناهم هدنه

تلقاهم الحين قاعدين يذاكرووون علشان المسابقة

( فريق A ترى العشاء في الإستراحة يوم الخميس نتعشى ونشوف مباراة المنتخب

وعلى العموم توي راجع من القنص وصت لكم غزاليين بنتعشى عليها)......شفت نفسي فاضي أمس قلت ياولد روح تمقنص شوي

بن خرصان

14-01-2007, 10:22 AM

هههههههههههههههههههههه

الله يرجك يامنصور............

غزالين ..........يالشيخ منصور.....

تتمقنص أجل........ههههههههههههههههه
هههههههههه

عجزت امسك نفسي من الضحك

الله يسعد أيامك

سعيد بن محمد بن خريم

14-01-2007, 10:50 AM

يسعد صباحكم جميعا

شوف يالخصم كثر الكلام ما يجدي نفعا لنرى وقعك في الميادين

منصور موقع الاستراحة الله لا يهينك <<<<< يمشي على قانون ما حدن ضربكم على ايديكم

أبو حسين الحبابي

14-01-2007, 08:26 PM

يافريق B

لاتخلونا نطلع أسلحتنا السريه

وترانا مستعدين منذ مبطي

لكن تراكم أنتم اللي طلبتم هدنة...

وحنا وافقنا على الهدنة عشان ...ملتزمين بكلمة القائد الاعلى للقوات المسلحة....الشيخ بطــــــاح(منصوووووروف)

وماأبي أطلع الخطط الاستراتيجيه واللوجستيه اللي وضعناها......في مقر القيادة (شرق غرب جنوب شمال المحطة)

وأفضل أن تنسحبون من الحين ...ولا تكثرون الهدن والاجتماعات التفاوضيه.....اللي تبونها .....عشان تعطلون هجومنا الكاسح

الى الامام سر يالفريق A

ويييييييييييييييييييييييييييش !!!!!!!!!!!!!!!!!!!!!

هدنة !!!!!!!!!!!!!!!!!!

هين يا بن خرصان .. أنت ومنصور والهيثم

وانا حطيتكم في راااسي !!!!!!!!! وا ويلكم ويا سوااد ليلكم !!!!!!!!!

ويا فريق (B) وينكم ؟؟؟؟

افزعوا لي !!!!!!!!!!!!!!

الزهيري المغترب

14-01-2007, 08:55 PM

يافريق B

لاتخلونا نطلع أسلحتنا السريه

وترانا مستعدين منذ مبطي

لكن تراكم أنتم اللي طلبتم هدنة...

وحنا وافقنا على الهدنة عشان ...ملتزمين بكلمة القائد الاعلى للقوات المسلحة....الشيخ بطــــــاح(منصوووووروف)

وماأبي أطلع الخطط الاستراتيجيه واللوجستيه اللي وضعناها......في مقر القيادة (شرق غرب جنوب شمال المحطة)

وأفضل أن تنسحبون من الحين ...ولا تكثرون الهدن والاجتماعات التفاوضيه.....اللي تبونها .....عشان تعطلون هجومنا الكاسح

الى الامام سر يالفريق A
ابن خرصان عندي سؤال
هل الاستراتيجية واللوجستية تؤكل؟؟؟

عبدالله ابن طرخم

14-01-2007, 09:14 PM

أي يارجـــــــــال

وش ذا التحدي وش ذا الحركاتــ

يابني عمي ودكمــ تكلمون ودكمــ تتمنونــ

الفوز لنا تبوني احلفــ ؟

تبون الصراحـــه غيرو مجموعتنا

عشان يكون فيه حماس وتحدي من الفريق a

لأن المجموعه بهذا الشكلــ حديديه

يعني أكيد الفوز لنا

تحياتي ...

بن خرصان

15-01-2007, 07:38 AM

الزهيري هي توكل................بس ماتنبلع....

ماتشوف كانه هاطولت اللعبه...

الا متي يعني؟؟؟

احترقنا من كثر مانسخن...http://smilies.sofrayt.com/%5E/g/blobfir.gifhttp://smilies.sofrayt.com/%5E/g/blobfir.gifhttp://smilies.sofrayt.com/%5E/g/blobfir.gifhttp://smilies.sofrayt.com/%5E/g/blobfir.gif

ابن فاران

15-01-2007, 04:40 PM

هــدوا اللعــب هـــدوا اللعــب

خلــوا الأنانيــة وناولــوا

نصيــحة ::

تجنبا لنكبــات أتبــع الآتـــي :

- خلــوا الزهيــري حارس

- خلــوا ابن طرخــم احتيــاط

ههههههه

((( مشــجع متعـــصب )))

منصور العبدالله

15-01-2007, 11:18 PM

فريق B كل شوي لهم عذر وما أدري ليش كل هالخوف

ترى إحتمال مانلعب معكم الا بالرديف

ول ماتوقعتكم كذا يالواصل انت وفريقك

ابن خرصان

شوف الشباب اللي بيجون على العشاء علشان نزود كم نفر غزال (شيخ هندي طلعت)

بن خرصان

19-01-2007, 06:11 PM

الله يسعد أيامك يالمنصور

والله انك زااااااااااااحف من جد

بس في خاطري

غزال من اللي في بالي وبالك............بس لا تكثر البهار خخخخخخخخ

منصور العبدالله

20-01-2007, 07:50 AM

والله يابن خرصان حتى نفسي فيه

( اتوقع قصدك الغزلان اللي جبتهم مرة ولازم لها تأشيرة ومكتب استقدام وسالفة

هذا قصدك ولا أنا رحت بعيد )

إذا كان قصدك الغزلان هاذي فعز الله انها تجمل الضيف والمضيف

والبلا ذبحونا بالغزلان السريلانكيه

ترى لا أحد يمر من المراقبيين وتوهقنا يابن خرصان بيقول وش ذا المشرف الداج

تحياتي لك والله يسعدك

صقر آل عابس

22-01-2007, 08:58 PM

وش السالفة ... من دخلت الموضوع وأشوف فرق وجماعات ... وحرب وهدن ... الله يستر بس ...

على العموم هذه نصيحة لوجه الله : لا تكررون ذا الشيء ولا لأبلغ عنكم كوني في الاستخبارات لكني راحمنكم لأنكم عيال عم لي ...

تحياتي ...

بن خرصان

22-01-2007, 09:15 PM

ماشاء الله عليك ...يامنصور .......

قلبك دليلك مثل مايقولون

لكن ماتخلي رجتك......مانيب قايل لك ......لا تكثر بهار

لكن أعذرك .....

لان ذا الغزلان غير شكل.........ولا أش رايك خييووووووو

أنت بس ماعليك ألا تشد حيلك.........ونروح نتمقنص في ذيك الديار.......

ومني لاأشوي لك اللحم كل يوم...................تمويه:rolleyes:

أسعد الله أيامك ياصاحب المكتب المثالي.....(البضاعة حسب الطلب)

أبوشداد

25-01-2007, 11:47 AM

السلام عليكم ورحمة الله وبركاته

والله ماصارت هذي مسابقه مدري هل هي الخوف أو الأختبارات اللي جعلتكم تتهاوشون على المسابقه وهي

ما قد بدت والحرب اللي بقوم وشغلات هذي ما شاء الله عليكم بس مدام المسابقه كذا حرب بحرب

سجلوني معكم في الفريق الثالث الله يعين

أبوشداد

25-01-2007, 11:49 AM

إذا في أحد سحب من الفريق (b) أنا مكانه لانه في دفاع أرضي وجوي أتوقع أنه قوي

بس الله يعينا عليهم

منصور العبدالله

27-01-2007, 07:36 AM

المراجل لها دور

تبي فريق B

طاوعني أقعد تفرق ولا كون فريق ثالث ولا تقرد حظك معاهم

يا جماعة أحد عرف شيء عن أبو حسين الحبابي ... ياليت تطمنوني

أبوشداد

27-01-2007, 11:26 AM

ليتك توضح كلامك بس تصدق أكون في فريق B

أو قصدك غير

منصور العبدالله

27-01-2007, 12:11 PM

قصدي حالتهم حالة يا المراجل لها دور ولا تتوهق معاهم بيوهقونك

هذا قصدي ولاهنت على مرورك يا ذيبان

أبوشداد

27-01-2007, 04:00 PM

أها فهمتك يعطيك العافيه

لازم تكونون فريق ثالث

الله يعينكم

منصور العبدالله

28-01-2007, 09:28 AM

ياهلابك يا المراجل لها دور

وبإمكانكم تكونون فريق ثالث وتلعبون مع الفائز

لاهنت

أبو حسين الحبابي

29-01-2007, 04:19 AM

المراجل لها دور

تبي فريق B

طاوعني أقعد تفرق ولا كون فريق ثالث ولا تقرد حظك معاهم

يا جماعة أحد عرف شيء عن أبو حسين الحبابي ... ياليت تطمنوني

أرررررررررررررحب يا الغالي .. أنا موجود نفداك

وبخير جعلك بخير

والحمد لله جاهز لتهزيء فريق A ,, خهخهخهخهخهخه

لا تخاف يا الغالي منصور ما زلت على مهايطتي الاولة . خهخخهخهخهخهخه

والوعد قداااااااااااااااااااااااااام

ولا هنت على سؤالك يالغالي

منصور العبدالله

29-01-2007, 09:30 AM

الف الحمدلله على سلامتك يابو حسين الحبابي

ومرحبا الف

وقفنا المسابقة حتى رجوعك لنا بالسلامة

والحين بنكمل

تحياتي

أبو حسين الحبابي

19-05-2007, 04:40 PM

السلااااااااام عليكم جميع

أولا : أعتذر يا اخوان لأني كنت السبب في ايقاف المسابقة ,, وهذا يدل على طيبتك ,, لا عدمتكم

وثانيا : أحس انه في برود في الاستراااحة ,, لأنها ما عاد هي زي أول ,, واخاف انه يكون ذنبي انا

فعلشان كذا ,,

طالبكم طلبة ,,

ان ترجعون المسابقة مرة ثااانية

وسلاااااامتكم نفداااكم