أبو حسين الحبابي
27-12-2006, 06:14 PM
هذه قصيدة مؤثرة كتبها الشيخ سعد بن صالح المسند قبيل وفاته يوم الخميس الموافق الأول من ذي الحجة من هذا العام
وكأنه يعلم دنو أجله من غير مرض أو سقم. رحم الله أبو سلطان وأسكنه فسيح جناته.
قالوا علامك يا سعد سارح البال=تقفي وتقبل ما تجيب المنادي
هو معجبك ريم من البيض قتال=شوفة جنبه تشبه البدر بادي
أول ظهوره تسلب العقل والحال=بعيون خرس مكحلات ودادي
أو قلنا عليك من الدين مثقال=حمله ثقيل ما تعرف الرقادي؟
أو أنت مقهور من الوقت ورجال؟=هذا زمان زاد فيه الأعادي
أو أنت مرضان وبالصدر سلال؟ =تكتم وتخفي والمرض بزديادي
أو أنت هزك شوق أو أطربك موال=أو أنت فيك الحزن هدك هدادي
فإن كان صايبك الهوى من هوى البال=تنشد عليها يا سعد بالبلادي
يرخص علينا العمر والوقت والمال=أما تجي بالسلم ولا الطرادي
وإن كان حدك دين من بعض الأنذال =نوفيه لو إنه كثير العدادي
وان كان جار الوقت والوقت ميال=فحنا عيال العم وحنا السنادي
ناقف معك في كل حال على الحال=ونجيك لو دنك بحور وبوادي
وإن كنت مرضان وبالصدر سلال=فهات الجواز إنفيزه للعدادي
ننصا ديار الشرق والغرب تجوال=لين الشفا يجيك والله هادي
حنا لها يا سعد بالقول وأفعال=ننشر الساعد بوقت الجدادي
قلت اصبروا ما شاق لي كل الأزوال=حتى ولا لي بالهوى من مرادي
أيضًا ولا في ذمتي دين وعيال =يبكون طول الليل من قل زادي
حتى ولا مضيوم من وقت ميال=كل يقاسي من ليالي شدادي
وأنا أحمد الله المرض ما ترى جال=يمي ولا شكيت علم وكادي
لا بي مرض ولا بي حزن ولا بي إعلال=لا بي هوى لا دين لا شوق حادي
بي خوف من يوم به الموت نزال=يا رب سله خفة من فؤادي
جابوا نعش وطيب وبدوا بالأغسال=صبوا علي الماء بفرك الأيادي
دنو لي الأكفان سريع وعجال=لفوا على جسمي ثلاث إعدادي
شالون للمسجد ورجاجيل وعيال=وصلوا علىّ تكبير أربع اردادي
ثم احملوني أربعة بالزوي شال=واثنين بالعرضين نهض الزنادي
راحوا وحطوني بحفرة بها جال=في جنبها الغربي فكوا امهادي
حطوا لبن طموا عليّ والثرى هال=هالوا عليّ من كل جانب اردادي
حتى تواسى والنصايل على العال=ركزن على قبري وأنا فيه رادي
راحوا وخلوني وحيد بلا إعيال=ولا أهل قريب يرحم بعادي
إلا أنت يا رحمن يا عز من قال =تغفر لي الزلة بوقت الحصادي
وتلقنن إجابتك عند الإزلال =وتونسن في وحشتي يا جوادي
ذنبي كبير وأنت عالم بالأعمال=برحمتك يا رب يا خير هادي
قولوا لمن بعدي قرابه أو عيال=يدعون لي في كل وقت أورادي
ويحللون وهم في ألف حلال=سامحتهم من قلب عرف الرشادي
الله يحشرني مع خير الأجيال =والله يدخلني جنان برادي
وصلاة ربي عد وابل وهطال=على النبي الهاشمي يا عبادي
اللهم ارحمه وارحم موتى المسلمين .. آآمين
وكأنه يعلم دنو أجله من غير مرض أو سقم. رحم الله أبو سلطان وأسكنه فسيح جناته.
قالوا علامك يا سعد سارح البال=تقفي وتقبل ما تجيب المنادي
هو معجبك ريم من البيض قتال=شوفة جنبه تشبه البدر بادي
أول ظهوره تسلب العقل والحال=بعيون خرس مكحلات ودادي
أو قلنا عليك من الدين مثقال=حمله ثقيل ما تعرف الرقادي؟
أو أنت مقهور من الوقت ورجال؟=هذا زمان زاد فيه الأعادي
أو أنت مرضان وبالصدر سلال؟ =تكتم وتخفي والمرض بزديادي
أو أنت هزك شوق أو أطربك موال=أو أنت فيك الحزن هدك هدادي
فإن كان صايبك الهوى من هوى البال=تنشد عليها يا سعد بالبلادي
يرخص علينا العمر والوقت والمال=أما تجي بالسلم ولا الطرادي
وإن كان حدك دين من بعض الأنذال =نوفيه لو إنه كثير العدادي
وان كان جار الوقت والوقت ميال=فحنا عيال العم وحنا السنادي
ناقف معك في كل حال على الحال=ونجيك لو دنك بحور وبوادي
وإن كنت مرضان وبالصدر سلال=فهات الجواز إنفيزه للعدادي
ننصا ديار الشرق والغرب تجوال=لين الشفا يجيك والله هادي
حنا لها يا سعد بالقول وأفعال=ننشر الساعد بوقت الجدادي
قلت اصبروا ما شاق لي كل الأزوال=حتى ولا لي بالهوى من مرادي
أيضًا ولا في ذمتي دين وعيال =يبكون طول الليل من قل زادي
حتى ولا مضيوم من وقت ميال=كل يقاسي من ليالي شدادي
وأنا أحمد الله المرض ما ترى جال=يمي ولا شكيت علم وكادي
لا بي مرض ولا بي حزن ولا بي إعلال=لا بي هوى لا دين لا شوق حادي
بي خوف من يوم به الموت نزال=يا رب سله خفة من فؤادي
جابوا نعش وطيب وبدوا بالأغسال=صبوا علي الماء بفرك الأيادي
دنو لي الأكفان سريع وعجال=لفوا على جسمي ثلاث إعدادي
شالون للمسجد ورجاجيل وعيال=وصلوا علىّ تكبير أربع اردادي
ثم احملوني أربعة بالزوي شال=واثنين بالعرضين نهض الزنادي
راحوا وحطوني بحفرة بها جال=في جنبها الغربي فكوا امهادي
حطوا لبن طموا عليّ والثرى هال=هالوا عليّ من كل جانب اردادي
حتى تواسى والنصايل على العال=ركزن على قبري وأنا فيه رادي
راحوا وخلوني وحيد بلا إعيال=ولا أهل قريب يرحم بعادي
إلا أنت يا رحمن يا عز من قال =تغفر لي الزلة بوقت الحصادي
وتلقنن إجابتك عند الإزلال =وتونسن في وحشتي يا جوادي
ذنبي كبير وأنت عالم بالأعمال=برحمتك يا رب يا خير هادي
قولوا لمن بعدي قرابه أو عيال=يدعون لي في كل وقت أورادي
ويحللون وهم في ألف حلال=سامحتهم من قلب عرف الرشادي
الله يحشرني مع خير الأجيال =والله يدخلني جنان برادي
وصلاة ربي عد وابل وهطال=على النبي الهاشمي يا عبادي
اللهم ارحمه وارحم موتى المسلمين .. آآمين