اقرررب يا فلاح آل مخلص [الأرشيف] - شبكة قحطان - مجالس قحطان

عبدالله بن عايض الفهري

25-12-2006, 05:04 PM

سلام الله سلام(ن) فيه حب خشوم =ويطبع فوق راسك يا ولد بوسه

الا يا مرحبا بك يا فلاح اليوم =وعميلك حاضر(ن) ومجهز(ن) موسه

محمد القويفل

25-12-2006, 05:14 PM

سلام الله سلام(ن) فيه حب خشـوم
ويطبع فوق راسك يـا ولـد بوسـه

الا يا مرحبا بـك يـا فـلاح اليـوم
وعميلك حاضر(ن) ومجهز(ن) موسه

الله الله

يا ابو عايض

صح السانك وصح السان ابو سالم مقدما

عبدالله بن عايض الفهري

25-12-2006, 05:27 PM

يا مرحبا يا ابومسفر واليوم يوم عيد اللي جاب ابوسالم فلاح بيينا

فلاح آل مخلص

25-12-2006, 05:28 PM

يدوم بك البقى والقوم ضد القوم = امثل يام والافكار مدروسه

قبل ماتدخل المضمار صح النوم=تسوق الذود والاوضاع محيو سه

؟؟؟؟؟؟؟؟؟؟؟؟؟؟؟؟؟؟؟

محمد القويفل

25-12-2006, 05:32 PM

يامرحبا بك يا ابو سالم في محلك

صح السانك

واصلو

فلاح آل مخلص

25-12-2006, 05:35 PM

القويفل

البقى وهذا مكاني

ووالله ما اشوف الا اني بين اخواني وربعي

فارس قحطان

25-12-2006, 05:37 PM

السلام عليكم ورحمة الله وبركاته

ارحبوووووووووو يارجال

سجلوووني متااااابع

.

عبدالله بن عايض الفهري

25-12-2006, 05:39 PM

تفضل واشرب الدله مع المقسوم = ولا تسمع كلام العاذل السوسه
انا ما ارخصك للي يفرقون السوم = ولا للتاجر اللي يكنز فلوسه

عبدالله بن عايض الفهري

25-12-2006, 05:40 PM

ارحب يا فارس قحطان ووجودك شرف

فلاح آل مخلص

25-12-2006, 05:46 PM

شربة الدله ام بهار قبل تقوم = وشمت وقمت وام قرين مفروسه

انا بعت وشريت ومقصدي مفهوم = وناب العود جر عداه لضروسه

فلاح آل مخلص

25-12-2006, 05:51 PM

فارس قحطان

الله لايهينك

متابعتك شرف لنا طال عمرك

عبدالله بن عايض الفهري

25-12-2006, 05:57 PM

جملنا العام غفل وذا السنه موسوم = واشوفه له هدير وكثرت تعوسه
بدقه بالقياد وبالرسن مخطوم = واعسفه واعزله عن كل منحوسه

فلاح آل مخلص

26-12-2006, 12:07 AM

تقوله وانت لامعطى ولامحروم = تمشيها وهي بالحظ محروسه

وانا عن ماحصل يالاجودي محشوم = رح اتبع شايب مافك فانوسه

سعد القحطاني

26-12-2006, 12:50 AM

ياسلااااااااااااااااااااام

ابو عايض وآل مخلص

وش ذالطاروق الحماسي

صحت السنكم وبيض الله وجيهكم

واصلو واصلو لاهنتو وانا متابع ولو إني متأخر شوي

لاعدمناكم

.

عبدالله بن عايض الفهري

26-12-2006, 12:52 AM

ذبحنا ذيب يام ويا عسى مرحوم = وشلفا ذياب بين كلاه مغروسه
نصحتك لا تهوز العود يا مفطوم = وشيخك لا تهاون واحضر دروسه

مسفر بن حسين بن نومه

26-12-2006, 12:56 AM

السلام عليكم ورحمة الله وبركاته

مساكم الله بالخير

والمعذره على التاخير في الحضور

صح لسانك يا بو عايض وصح لسانك يا فلاح

شعار لهم وزنهم ومحاوره قمه

سجلوا حضوري ومتابعتي

تقديري للجميع

عبدالله بن عايض الفهري

26-12-2006, 01:07 AM

ابو عبدالله ابوحسين

تواجدكم فخر ومكسب لنا

والله لا يهينكم

عبدالله المهداني

26-12-2006, 01:08 AM

الله الله

الكباااااااااااار هنا وحنا يا غافلين لكم الله

صح لساااااااااااااانك يابوعابد

صح لساااااااااااانك يا فلاح

واسفين على التأخير

عبدالله بن عايض الفهري

26-12-2006, 01:36 AM

نعتذر من الاخوان المتابعين عن عدم مواصلة المحاوره وذلك لظروف الشعار

فنرجو منكم العذر والسموح وابشرو بالعوض ونعدكم بمحاوره ثانيه في وقت مناسب للجميع

وتصبحون على خير

فلاح آل مخلص

08-01-2010, 05:45 PM

الله الله يعطيك العافيه يابو عايض

الظور

08-01-2010, 08:41 PM

ارحب بالجميع والله لايهينكم

وارحب بك ياخوي فلاح ال مخلص وانت يابو مطلق شاعر جزل ونترقب مشاركاتك ومايقنعنا منك الا المشاركات المستمره جعلك سالم لا عاد تبطي علينا

وارحب برفيقي الغالي وكاتبنا المميز وشاعرنا الجزل مسفر ابن حسين

ويامرحبا ويامسهلا