المساعد الشخصي الرقمي

مشاهدة النسخة كاملة : اذا نزل السهم عن قيمه الاكتتاب وهذا هو المتوقع فمن المسؤل؟


الواصل
22-12-2006, 10:40 PM
اذا نزل السهم عن قيمه الاكتتاب وهذا هو المتوقع فمن المسؤل؟

المفروض ان الذي حدد قيمتة يتحمل شي من هذه الخساره لان دراسته غير مجديه ومضلله للمكتتبين00واذكر في وقت الاكتتاب ان اكثر الاقتصاديين تكلم عن علاوة الاصدار وقال ان الاعلاوه مبالغن فيها 00ولكن لا حياة لمن تنادي000الحكير اخذ مليار و200 مليون من المكتتبين وتحقق هدفه والمكتتب هو المخطي في نظري 00ودمتم

محمد بن مشبب البشري
23-12-2006, 12:41 AM
الله يستر ويعدي الحكير على خير

وينه وين اسعار السوق الآن

حسبنا الله ونعم الوكيل

خالد العاصمي
23-12-2006, 07:12 PM
والله انك صادق يالواصل

أكيد يتحمل المسوؤلية كاملة المكتتب الطماع

اللي ماعاد يميز بين الغث والسمين هذا أن كان عاد به سمين

والله يستر من أكتتابات 2007 بتدمر السوق وبتكمل الناقص

@ابوريان@
23-12-2006, 08:12 PM
تحياتي لك يالغالي وبصراحه السوق لايشجع في الاستثمار بل الواحد المفروض يجلس وينتظر الين يتعدى مرحله الخطر

والحكير اعتقد انه مبالغ فيه اكثر من الازم

عبدالله بن غفره
23-12-2006, 08:15 PM
إذا فيه إكتتاب بـ 10 ريال أكتتبنا ما فيه ماهوب لازم ما حنا ميتين من الجوع :)

مسفر بن حسين بن نومه
23-12-2006, 08:26 PM
إذا فيه إكتتاب بـ 10 ريال أكتتبنا ما فيه ماهوب لازم ما حنا ميتين من الجوع :)


هههههههههههههههههههه

يخسى الجوع ابشر بالشبب

ابشرك ربحت في الحكير 22ريال وخذها البنك عموله يعني دراهمي مربوطه من رمضان للحين والنهايه الربح 22ريال

تقديري

عبدالله بن غفره
23-12-2006, 08:45 PM
هههههههههههههههههههه

يخسى الجوع ابشر بالشبب

ابشرك ربحت في الحكير 22ريال وخذها البنك عموله يعني دراهمي مربوطه من رمضان للحين والنهايه الربح 22ريال

تقديري


والله الشارب اللي مايستاهل الخساره 22 ريال الله يخلف


أبشر بالسعد يابو حسين لو تبني أبيع اللاب توب >>>>>>>>> رأس ماله هههههههههه

الواصل
23-12-2006, 11:34 PM
لاهنتوا على المرور يالربع

والله السوق الي يبي يستثمر والله ما يحصل الا الخسارة

اما الي محترف مضاربة ممكن يحصل خير وممكن لا

السهم المشعلي
01-01-2007, 11:36 PM
مشرفنا الغالي الوا صل كثر الله من أمثالك0 ملا ك الشركة يدورون الربح والمكتتب يبحث عن الربح . ولكن هناك قاعدة تقول أي تجارة لابد أن يكون فيها رابحين وخاسرين ولو بعد زمن طويل . وخير مثال سدافكو والمراعي وأتحاد أتصالات وغيرها . ولكن لابد من رابحين قادمين متى وكيف الله أعلم0

أبوسالم
02-01-2007, 02:42 PM
أخي الواصل
شكرك لك على طرحك لهذا النقطة الهامة

ولكن كما هو معمول به بالنظام حالياً

حيث أن الشركات ومن خلال مستشارين (هي من تجلبهم ) هم من يحددون علاوة الإصدار

عموماً هذا شي راجع لهم

تبي تكتتب حياك الله ماتبي ودعناك الله في غيرك

إلا أن رئيس الهيئة أوضح أنه لن يحدث هذا مستقبلاً وسيتم تحديد علاوة الإصدار بالتنسيق بين الشركة والهيئة ووزارة التجارة

وشكراً