المساعد الشخصي الرقمي

مشاهدة النسخة كاملة : قصيدة بعنوان : مفاهيم جديده .. للواسطه !!


عبيد عوض
21-12-2006, 10:26 PM
بسم الله الرحمن الرحيم
قصيدة بعنوان : مفاهيم جديده .. للواسطه !!


بغيت لي واسطة عند المديرْ=قالوا .. ادحيمَّ رفاء .. خلاّتنا

واصبح سكرتيرْ في شغله شطير=وهو الذي يرسم اعلاقاتنا !!

مرّيت دحمان ..لا.. كنّه مُشير=قلت المراكز .. سبب علاتنا

* * *
شرحت وضعي لـ.. أبو عبد القدير =قال أنت منته بمن شلاتنا !

قلت اعرفك وانت مسئولٍ صغير =ويامانفعناك .. في جولاتنا

ثم قال وين انت في الحفل الكبير ؟=وين أنت لا دندنت .. حفلاتنا ؟

وين القصائد .. ومدْحك في المدير؟=وين أنت ماجيت .. في رحلاتنا ؟

وين المقالات والمدح الكثير ؟=حتى تغطي بعض .. خلاتنا ؟

* * *
قلت أنت عايش نفاقك والهدير!!=والعولمهْ . غـيّرت حالاتنا !

المدح مرهون .. بالفعل الجدير=ومحدْ ايهفّي حقوق .. اغلاتنا

ماني امهرّج ولا مادح قصير=ولــ .. أفعال ما تنتظر .. حيلاتنا

ومدح المقاصد سلاح للحقير=ورعى المقاصد .. خذل جزلاتنا

والله لو .. تاصل إلى منصب وزير=ما تكسب العز .. من هالاتنا!!

وبكره تقاعد .. ومنصبكم يطير=والذم حاصل .. وخذ صولاتنا

قال أنت ناشف .. ومفهومك مرير!!=اللي بعَدْكم خذوا.. غلاّتنا .

قلت الذي خالقي .. ربّ بصير=والنصب والذل لـ .. احثالاتنا !!

* * *
الله أكبر على موت الضمير !!=وموت القوانين وامغالاتنا

معروف ، محسوب يأخذ حق غير =مجهول ، مسكين له . لآتنا !!!

والوقت ضايع وياطول المسير =اليوم كالعام .. يا ويلاتنا !

ومديرهم نام بأكثر الشخير =والعذر ما يقْدر .. املاقاتنا

وبسْم اجتماعات في الوقت العسير!!=ويفرح إلى كثّروا .. زلاتنا.


شعر / عبيـــْد عوض القحطاني .
كاتب / شاعـر ، وقاص .
حرر في 27/10/1427 - 19 / 11/2006م