الحـــــــــــــــــــــــــيا

[عبدالوهاب آل راضي]

بسم الله الرحمن الرحيم
السلام عليكم ورحمة الله وبركاته
يالربع نبي من كل واحد منكم ان يخبرنا بالحيا اللي جاه في ديرته اللي هو فيها ويوصفه لنا
وهذا مثل ما تدرون من علوم شيبانا انهم اذا جاهم حد من برى ديرتهم ينشدونه عن الحيا
وسلامتكم...

[سعيد بن على]

بسم الله الرحمن الرحيم
السلام عليكم ورحمة الله وبركاته
والله سلامتك وسلامه الاخوان القارئين والله إحنا في الرياض هذا الاسبوع وكان يوم السبت من طلعنا من البيت في الصباح ما عودنا للبيت إلا الساعة 12 في الليل وكان ولله الحمد مطر مستمر منهمر
جعلها الله سقيا خير ورحمة
وسلامة الجميع

[عبدالوهاب آل راضي]

سلمت يابو علي والله يطرح فيها البركه

[عبدالله بن غفره]

الف شكر لك يالفهري على الموضوع والفكره الرائعه



بالنسبة لي أنا

الأسبوع الماضي كنت في رضة التنهات والحمد لله الفيضة مليانه من المطر والباذر طالع على أوله

وبشرى أن شاء الله بمناطق ربيعية هذه السنه وأجواء جمليه


تقبل وافر تحياتي

وفي أنتظار مداخلات الأعضاء وأثراء الموضوع

[عبدالوهاب آل راضي]

الله لا يهينك يابن غفره ويجمل حالك
وترى دامك مدحت لنا التنهات بنزوركم ان شاء الله

[خالد بن فيصل]

الله يجيب الحيا ما جانا في الجنوب الا البرد الضرير

[عبدالوهاب آل راضي]

الله يجيب الخير ياخالد.
وتبي الصراحه المطر موهب بنازل باذن الله الا اذا تصافت القلوب وزانت الخطر.
وسلامتكم

[ياسر الكاسر]

ذكر الحيا والطيبين يبين
الله يرزق البلاد والعباد

[ابن سينا]

يجعلها ربي امطار خير ونماء
حنا بديارنا جانا مطر مستمر لمدة اربعة ايام بلياليها
والارض اخضرت والعشب طلع
الله يزيد لنا ولكم

[الزهيري المغترب]

والله ابشركم مطر عندنا في ولاية ميزوري ههههههههههه

اسف يالربع ولكن الموضوع صحيح


الله يجعلها امطار خير وبركة

[عبدالله آل عباد]

الله يوسع خيره

الله يرحم البلاد والعباد

[موسى بن محمد آل شاهر]

السلام عليكم ورحمة الله
وصلنا في رحلة قنص للمناطق الشمالية من الشعبة وحتى حزم الجلاميد واعتقد ان الشمال من أبا القور وأم خنصر (60 كيلو ) شرق عرعر وحتى حزم الجلاميد والحماد والوديان بتربع ربيع طيب بالحيل لكثرة الامطار وسوف يزداد الربيع مع انتهاء المربعانية وانشاء الله يتبع لها الله بالمطر حيث ان الفقع الآن يلقطونه ولكن يبي له شوي

دمتم في حفظ الله

موسى بن محمـد آل شاهر البشري