أفضل موقع بالبر للنزهه في اجازة العيد

[وطن]

بسم الله الرحمن الرحيم

السلام عليكم ورحمة الله وبركاته : اما بعد
اخواني اعضاء المنتدى انا جهزت الموتور والعزبة والقربة والسمن والعسل البر البلدي والأهم من ذلك النشاما من صبياان قحطان وعددنا اربعة رجال نريد الخروج من ضوضاء المدينة والتجول في صحاري بلادي ولكن مانستغني من مشورتكم يا ابناء العم اين افضل مكان ولا نعذر احد كل يعطينا الموقع المناسب بكل صدق وأمانه حيث سوف نقرر بناء على عدد الاصوات لأفضل مكان 00000لاعدمناكم

[أبو عساف]

أرحب ياوطن

المكان المضبوط طال عمرك عندي في هجرة سعد تبعد عن الرياض 150 كلم باتجاه الشرقيه وأنت طالع من الرياض

تآكلون واجبكم عندي ثم نتخاوى طال عمرك ((( واحد يعزم نفسه )) بعدين نآخذ الأرض قطوع لين نوصل روضة التنهات

ثم نزل مناك على جوف بني هاجر 0 قل تم

على فكره الأرض عندنا مربعه ودك تمشي فيها رجلي 0 طعس حمر وعشب خضر ورجال شقرديه

تقبل تحياتي وتقديري

[صالح ابو مريحة البشري]

الله يعينك يا وطن وراى ما تقلبها للحج انت والنشاما ان كان ما بعد حجيتوا وترتاحون من غثى البر والصيد والمشاكل وتخليها اهدى ورضوان وطاعة رحمان 0

[الفارس الجنوبي]

وطن الله يعطيك العااااافية وبعدين انت مصمل على رأيك ؟ من جد ؟ والله؟

يمدحون المنطقة الشرقية مثل النعيرية والخفجي والا روضة التنهات والا روضة خريم


تدري أنت حر اللي تبي تسويه سوه ؟ ويمكن أخاويكم ؟ تحياااااااااتي

[قحطان]

التنهاة قريبه وحلوه

ولا فيه اماكن ازين بس بعيييده

[ابوقحط]

افضل مكان هو القعايد بالربع الخالي او حول حفر الباطن

[فارس قحطان]

السلام عليكم ورحمة الله وبركاته



والله المناطق كثيره


عندك التنهاة وعندك تمير وروضة خريم


بس بتمتلي من هالعالم في الاجازه :(



.

[عبدالله بن غفره]

التنهاة

تبعد عن الرياض بمسافة 180 كم كحد أعلى


وأنا جيتها الأسبوع الماضي والباذر بادي في الظهور والفيضه مليانه من المطر والجو فيها عالي العال


التنهات أفضل من خريم من وجهة نظري :)



المعذره على التأخير يالغالي

وشكلك طلعت أنت وخوياك وخلصتو لكن حبينا نشارك مع الربع

[وطن]

بسم الله الرحمن الرحيم
اخواني جميعاً كل من تكرم وشارك وادلى برايه
السلام عليكم ورحمة الله وبركاته امابعد
اسعدني مروركم جميعاًَ والخيرة فيما اختاره الله لقد استخرت الله وتحولت الرحلة لمكة المكرمة لاداء الحج دعواتكم لي ولوالدي وصلاح ابنائي ونفسي ومالي 00000 مرى اخرى استودعكم الله الذي لاتضيع ودائعة
000

[فارس قحطان]

الله يحفظك ان شالله



ويسهل عليك الحج



.

[ابوتركي العبيدي]

الله يستر عليك ياوطن والحج ابرك لك ،،،، والله يسهل عليك ولاتنسى دعائك لاخوانك المسلمين في مشارق الاض ومغاربها

[عبدالله بن غفره]

الله يستر عليك ياوطن


وحج مبرور وسعي مشكور بأذن الله

وتعود لنا بالسلامة

[سعيد بن سلطان]

اقووووووووول ارحبوا كلكم تعالو عندنا بالشرقيه وبالخصوص حفر الباطن (الصمان واعفاكم) الارض ممطوره والصيد واجد من خير ربي كل شي حووووووووووووووووووووولك