المساعد الشخصي الرقمي

مشاهدة النسخة كاملة : دام ابن عمي فاز وش عاد احتري ؟!


فيحان بن فالح الخنفري
14-12-2006, 02:11 AM
بمناسبة حصول ( فحل ) بداح بن زنيفر الملغ في مزاين الخرج على المركز الثاني قلت هذه القصيده


اليوم في الساحة سمعت افضل خبر= عبر القناه الفوز باسم الخنفري
قلت الله الله يا هواجيس الشعر= دام ابن عمي فاز وش عاد احتري
ابن زنيفر فاز وابعيره ظهر= في المركز الثاني ماهوب الآخري
الحاكم اللي في المزاين ماقصر= حاكم وفي المظهر يسر الناظري
جاب الجوايز يوم للجنه حضر= واللي قنى مثله فلا هو خاسري
عساه يسلم في الزمن من كل شر= بمشيئة المولى الكريم القادري
بعير ابن عمي بداح المعتبر= اللي على كسب المراجل شاطري
الله يجيره من صواديف الدهر= ويا جعل بيته بالمعزه عامري
جوه اقحطان افواج من كل الدير= مشجعه ومباركه للنادري
من يوم شفت اسمه طلع جاني سطر= رميت بشماغي وقمت اعبري
من دون ربعي محزمي مالي عذر= والرجل لاجا واجبه ما يعذري
والله لا اجيهم ولو طال السفر= والمدح في ربعي يشوّق خاطري
افخر بهم في موقفي ولي الفخر= وكل اقحطان بفعل ربعي تفخري
خنافر تارد على الموت الحمر= بفعولهم وامجادهم كلن دري
فعل الخنافر ثابت طول العمر= اهل المراجل واهل الفعل الطري
هم عزوتي لي لين والا في عسر= اكتب مواقف عزوتي وانا جري
كسابة الطاله بعيدنين النظر= هذا الكلام الصدق ماني مفتري
يشهد لهم تاريخهم بين البشر= وديوانهم بين القبايل ينقري
وكل اقحطان إلهم فعايل تنذكر = سوى عبيدي فاز والا جحدري
قبيلة وقفاتهم ما تنحصر= احباب فزعتنا مع ابناء الهاجري
تعرف عزاويهم لاجا يوم القشر= لاصار في الميدان وارد صادري
وساس العرب قحطان قول معتبر= قد قال هذا القول كم من شاعري
وكل القبايل والنعم بدو وحضر= الغائب من القوم والا الحاضري
لهم معزه عندنا وإلهم قدر= والكل منهم وافي وامقدري
والله يديم اهل الوفا واهل الظفر= آل السعود مطولين القاصري
حكامنا اللي مايهابون الخطر= في ظلهم كل البلاد امطوري
يعيش ابو متعب لنا طول الدهر= والعبقري طول الليالي عبقري
صقر العروبه والصقر سمي صقر= ويعيش سلطان العضيد الماهري
واختامها قول الكلام المختصر= الحمدلله يوم فاز الخنفري
وسلامتكم

حسن بن جعده
14-12-2006, 02:13 AM
صح لسانك وقصيدة ذربه من لسان ذرب
الله يعطيك العافيه

محمد القويفل
14-12-2006, 02:23 AM
ابو فالح


صح السانك وعلا شانك


قصيده وافيه من وافي


وألف مبروك لــ أبو فيصل ... ويستاهل الفوز القحطاني


الحقيقه انا ما حضرت الحفل لكن سمعت من الناس ان الحفل كان من افضل احتفلات قحطان لهذا العام

الله يبيض وجه راعي الحفل ابو فيصل بداح الملغ على حسن التنظيم وهذا الاحتفال المشرف

أبو عساف
14-12-2006, 03:01 AM
يستاهل القحطاني العلم الغانم

وصح لسانك على القصيده وبيض الله وجهك

تقبلوا تحياتي وتقديري

أبن عيفان
14-12-2006, 03:38 AM
صح لسانك و الله يبيض وجهك

عبدالله بن غفره
14-12-2006, 01:47 PM
صح لسانك يابو فالح وبيض الله وجهك على القصيدة الذربه والجزله


والملخ يستاهل العلوم الغانمه وفعله طيب وموقفه يشرف قبيلة قحطان كافه



أهنينك على هذه القصيدة وعلى حضورك الرائع الذي سمعت عنه كل خير

بركان
15-12-2006, 01:32 AM
صح لسانك يا ابوفالح وتحياتي لك

ابوتركي العبيدي
15-12-2006, 02:17 AM
صح لسانك يافيحان ويستاهل الناموس بداح

الفارس الجنوبي
15-12-2006, 02:33 PM
مبروك للفائز ويتاهل الفوز وصح لسانك يالشاعر

فيحان بن فالح الخنفري
22-12-2006, 01:04 AM
حسن بن جعده

لاخلا ولاعدم

تقبل التحيه

مهدي بن مسفر الحبابي
22-12-2006, 08:18 AM
أخوي فيحان بن فالح

صح لسانك وبيض الله وجهك

قصيده جزله من راس جزل

وافيه من وافي وفي وافي

الف مبرووووك الفوز ويستأهل

لك فاائق احترامي وتقديري

عبدالله بن عايض الفهري
22-12-2006, 02:36 PM
صح لسانك ولا عثر حصانك والله لا يهينك

راعي المصنه
13-01-2007, 01:11 AM
السلام عليكم
اررررررررررررررحب يابو فالح
صح لسانك ياكحيلان
وبيض الله وجهك
قصيده جزله من شاعر جزل
وابو زنيفر يستاهل