الى الجميع.....موقف مر عليك يكون غريب او مضحك ممكن مشاركة !!!

[السعيدان]

السلام عليكم ورحمة الله وبركاته
....اخواني ....
...المواقف كثيره التي تمر على الانسان خلال حياته .
( مواقف حياتيه وليست مواقف سيارات) ..
..ارجو من كل اخ المشاركة بتدوين اغرب موقف يكون مضحك او غريب مستبعد الحدوث .....
....ويالله نبدأ بمين ....
....ويكون ترشيح على احسن مشاركه تاخذ هديه من شبكتنا العزيزة ( توريطه للاداره )...

[منصور العبدالله]

السعيدان

الله يحييك ويعطيك العافيه

أنا بقول لك موقف وأنا صغير

كان الوقت برد من جد المهم أبوي صحاني لصلاه الفجر وطلع

وهو صلى ورجع ولقاني نايم قال قم صل ويصيح علي

أنا ممكن عمري 12 سنه أو 13 المهم قمت ورحت أوضي

الا المويه من جد باردة ماقدرت أوضي فقعدت شوي ورجعت كأني وضيت وأنا ما وضيت

المهم أبوي رجع لفراشه وأنا جاي قال وضيت قلت ايه قال الله يهديك صل

قلت طيب وكان وقتها جالس في فراشه وكنت نايم في الغرفه مقابل للمجلس وهو نايم في المجلس

المهم يسمع صوتي وأنا أصلي قلت براسي أدخل في البطانيه وساوي كأنك تصلي علشان

يسمعك وانت تصلي ودخلت وغطيت راسي من البرد وأجيك أقرأ الفاتحة وأنا منسدح بالفراش

وهو على بالي نايم في المجلس المهم

وصلت عند ولا الضاليين الا أبوي أسمعه يرد ويقول آميين وحسيت كأن صوته قريب

وأفتح البطانيه الا وهو واقف على راسي ...طالع فيني قال عسى ماشر

عاد صرفتها وقلت اني صليت بس قاعد أستغفر وأقرأ قران

قال أقول قم صل ورح توضى شكلك ما وضيت المهم كليت خابوور مع البرد



مشكور أخوي السعيدان والله يعطيك العافيه

[السعيدان]

مشرفنا العزيز

منصور العبدالله

والله أني أضحك من الموقف واتخيله كاملاً لاهنت بيض الله وجهك

وفي انتضار المزيد من المواقف المضحكة من كافة الأعضاء ولاتنسى فيه إنشاء الله جائزة لأقوى موقف ,,,,,,,,,,,

[منصور العبدالله]

عاد لا أوصيك على الجايزة يالسعيدان

بس وين الشباب مالهم حس ولا خبر

[ماجد الخليفي]

قبل حوالي 8 سنوات كنت في رحلة مع ولدي الذي كان في ثاني متوسط الى محمية كروغر في جنوب افريقيا وكنا في شاص مكشوف بدون غمارة مع السائق والدليل في جولة بالمحمية وبعد جولة حوالي 3 ساعات توقفنا في الغابة ونزلوا البراد من السيارة لناكل الافطار ... انا والدليل ابعدنا عن السيارة حوالي 10 متر يشرح لي عن احد الاشجار الغريبة وعصام قرب السيارة مع السائق .. واذا بعصام يصرخ ... اسود .. اسود ... والتفت واذا هناك مجموعة اسود متجهة نحونا ... وبسرعة صعدنا السيارة ..طبعا السيارة مكشوفة وبكل سهولة يمكن للاسد ان يطمر ويقطعنا ... طبعا الدليل مسلح فقال لا احد يتحرك او يقف فقط هدوا اعصابكم ... فاذا ب 9 اسود احاطوا بالسيارة واثنان منهم جلسوا امام وخلف السيارة فلا يمكننا التحرك وبقينا ننتظر حوالي ساعة فتركونا ومشوا ...
الولد كان مستانس بس ابوه بس ابوه ما بقى عظم بجسمه ما رجف من الخوف.

[سعيد بن مذي]

أنا كنت أكلم واحد من الشيبان وأنا في السيارة وأحاول إني أنتبه لنفسي لا تطلع كلمة منا ولامنا المهم كنت مسرع شوي (( 140 )) وعرقت وأنا أكلمه (( مستحي )) فتحت الدرج اللي حولي وأخذت منديل مسحت العرق فتحت طاقة السيارة أبغى أرمي المنديل رميت الجوال وأفرمل فرملة (( لصق وجهي في المراية )) وأسفط عالجنب أبغا أخذ الجوال ما قدرت سيارات ما توقف (( تعرفون زحمة الرياض )) لين فضا الشارع (( تقريبا )) ورحت مسرع وأخذت الجوال ورجعت السيارة ودقيت عالشايب وصرفته (( :) ))

..............................

مشكور عالموضوع الرائع

[الواصل]

والله يمكن يكون احرج موقف صار لي بالشليهات في منتجع شاطي الشقيق

كنت اسبح في البحر وعندما ذهبت الى الشلية كلها سوى دخلت في الحوش حق جاري وتروشت لا واغني ومبسوط

وبعد مانتهيت ذهبت للباب حق الشلية ابي افتحة ويطلع علي رجال وقال ياولد انت غلطان والله انحن نطالع فيك

من ورى القزاز العاكس وانت تتروش في حوشنا وعرفنا انك غلطان انتبة لرقم الشلية ثاني مرة نفداك وترى الاغاني حرام والله يستر عليك

[عبدالله بن غفره]

الواصل


من زين علومك تعلم بها هههههههههه


منصور العبدالله

موقف لا تحسد عليه ودك أن الشايب توطى في بطنك ههههههههه



بدون زعل ياشباب:)

[منصور العبدالله]

أفا يابن غفرة ليش نزعل

ودك إنه توطا بطني مادام ماصليت وأستاهل أكثر

بس والله كل المواقف رهيبه

الواصل


هههههههه شافوك وانت تتروش وما عليك شيء

[الفارس الجنوبي]

والله أحد المواقف الطريفة لدي هو عندما ودعت مجموعة من الزملاء في المطار وكنت أريد ان أودعهم

واريد ان أقول مع السلامة . الله يستر عليكم . خانني التعبير فقلت لهم كيف الحال طيبين ههههه

وشوف ذاك الضحك ..............؟

عسى اعجبكم

[بن دغيم]

والله يا شباب جيت يوم وأنا جالس على التلفزيون على فلم مرعب الساعه حدود 2 ليلا وكانت غرفة أبوي جنب الغرفه اللي أنا فيها على طوووووول ، وكان جارنا عنده حرمه عليها مس الله يجيرنا وياكم ، أثاري الحرمه طلعت من البيت ، ومشت حتى وصلت تحت دريشة الغرفه اللي أنا جالس بها ، وأنا ووجهي أتابع في ظلااااااام ، وفجأه إلا وصاحت هالحرمه تحت الدريشه ، عاد أنا قمت وصحت معها أقوى ما في صوتي ، الا وابوي داخل علي بذاك المشعاب ، ومدخني إلين قلت للعنز يا خاله، وبعدها تبت ما يجي الساعه 12 إلا وأنا نايم .

[آل معمر]

خخخخخخخخخخخخخخخخخ

الله يرجك يابن دغيم

والله ضحكت عليك من قلب تخيلتك وانت تصيح معها

هخهخهخهخهخهخهخهخهخهه

والله من الضحك ما عاد قدرت اكتب اللي عندي بارجع مره اخرى

خخخخخخخخخخخخخخخ

منصور حلوه

نصاب من صغرك

[ظافر القحطاني]

عبدالله بن غفره


ماعلكتنا بموقف لك الله يبااااااااااارك فيك \




شكرالك اخي الكريم على هذه المشااااركه




تحياااااااااااااااااااااااتي

[السعيدان]

أشكر الجميع على هالمواقف الحلوه

وننتظر المزيد من المواقف الدسمه والتي ترسم الإبتسامه على محيا الجميع

وتطلع الضحك الأنجليزي اللي مبطين منه,,,,,,

[العبدي]

والله المواقف واجد بس اللي طرا على بالي
كان لي خوي منصوري (((المناصير )))
وانقطعت منه ايام
ولما جا يوم بعد عيد الفطر باسبوع علمني واحد ان عندهم عزا __توفت جدته الله يرحمها )))
وجيت لحالي والمجلس مليان من الشيبان ومن شباب وسلمت على ابوه والمتوفية امه وابغى اقوله احسن الله عزاكم ..
وزليت وقلت من العايدين .. ضحك كل من في المجلس وغدا وجهي يتغير من لون الى لون قعدت دقيقة وطلعت وحرمت اجيهم مرة ثانية

[ناصر بن هذال ال شري]

مره اودع احد اقاربي
,,
وبدل مايقول لي مع السلامه.
,
صافحني وقال:كيف حالك!!!
,
الرجال تفشل ومشيناها

[أبوشداد]

بس تبينا نشارك أبشر

بسم الله الرحمن الرحيم

أما بعد :

نقول لأعزائنا الفضلاء كل شهر ونتو طيبين وشرايكم مو كذا احسن وسلامتكم

[السعيدان]

أشكر الجميع على مشاركتهم

وننتظر المزيد من المواقف الطريفه فنحن بحاجة الى توسيع الخاطر.......

ودمتم