المساعد الشخصي الرقمي

مشاهدة النسخة كاملة : &&& رديه ... بيني وبين الوالد الله يحفظه ...&&&

محمد بن زميع البشري
10-12-2006, 10:51 AM
بسم الله الرحمن الرحيم

السلام عليكم ورحمة الله وبركاته

أعزائي أعضاء ومشرفين منتديات مجالس قحطان صبحكم الله بالخير جميع

أحب أن أضع أمام أنظاركم هذه الرديه التي حصلت بيني وبين والدي عندما غبت عنه لمدة 3 أيام وذلك بسبب ضرووف العمل الصعبه التي تجبرني بالأبتعاد عن الأهل وعن تقريبا الناس ,,, فأرسل لي الوالد هذه الرساله على الجوال ,, الوالد ليس شاعر ولكني أعتبر هذه الأبيات من قلبه ومن خاطره .. ويقول في الرساله ::




ياطير ياخفاق ود المراسيل=وأحمل سلامي في جناحك وشله
أمانتك لاجيت ذيب الرجاجيل=في مجلسن كل النشامل تدله
حب الخشم ثم قبل الراس تقبيل=حبة غلا واخلاص من والدٍٍ له


فقمت بالرد عليه بهذه الأبيات البسيطه ::




ياهاجسي وين الشعر والمواويل؟=أنا أشهد إن القاف قد حان تله
هات القصايد والليالي مقابيل=ولاتظهره لامن غدا فيه خله
جاوبني الهاجس وفي تالي الليل=قرب لك أقلامن ودفترك فله!!
قلت أبشر وفزيت وأقول ياويل=ياويل حرفن يبتعد عن محله!
يامرحبا واعداد وبلن هماليل=وأعداد ماكتبت حروف المجله
يامرحبا فيها من البن والهيل=أسوقها دله ودله ودله
أسوقها سوق الأجاويد للخيل=للي علوم المرجله غايتن له
حلحيل نسله من سلالة حلاحيل=رجله على دروب المراجل تدله
ياطير بدل بالمراسيل تبديل=وأحمل كلامي فوق سحبن مطله
وأحمل معاه الطيب ميلن بعد ميل=قله الا ياجعل راسي فدن له

وسلامتكم جميع
عبدالله المهداني
10-12-2006, 01:47 PM
اررررررررررررررررررحب يابويعن الله



صح والله لساااااااااااااانك


والله يخليك لشايبك ويخليه لك



وافيه



ولك تحياتي
عبدالله بن سحمان
10-12-2006, 07:14 PM
صح الله ألسنتكم

والله يخليكم لبعض

تقبل تحياتي
عبدالله بن سعيد البشري
16-12-2006, 07:16 PM
صح لساااااااااااااااااااااااااااااااااااااانك ملياااااااااااااااااااار


ولسان شايبك ترررررررررررررررررررررررليون


انت مبدع وشاعر جزل يتعامل مع الحرف بكل ثقه وتمكن


سجلني متااااااااااااااابع

معجب و مستمتع

تقبل تحياااااااااااااااااااااااااااااتي
سعد بن مناحي بن شفلوت
16-12-2006, 10:30 PM
صحت السنتكم

وافين والقصايد وافيه

لاهنتوا جميع

تحياتي
عبيد عوض
21-12-2006, 10:03 PM
صح لسانك وابيض وجه وننتظر المزيد من جديدك...........
محمد بن زميع البشري
26-12-2006, 03:26 PM
اررررررررررررررررررحب يابويعن الله



صح والله لساااااااااااااانك


والله يخليك لشايبك ويخليه لك



وافيه



ولك تحياتي



الله يبقيك يابو سعود ,,, ويطول عمرك


وصح بدنك يالوافي من كل باس ولاهنت على المرور اللي أسعدني وشرفني


تحياتي لك وتقديري
محمد بن زميع البشري
26-12-2006, 03:27 PM
الغالي //



عبد الله بن سحمان ....


صح بدنك يالوافي من كل باس والله لايهينك على المرور اللي أسعدني وشرفني تحياتي لك وتقديري
محمد بن زميع البشري
26-12-2006, 03:29 PM
اررررررررررررحب يابو سعيد تراحيب المطر ,,,

وصح بدنك يالغالي من كل باس وشر والله يطول عمرك ولايهنيك على هذا التشريف والمرور الرااائع ,,, تحياتي لك يالغالي ,, وتراك مسجل في القلب ماهو في قائمه

تحياتي لك
محمد بن زميع البشري
26-12-2006, 03:30 PM
الغالي والرائع //

سعد بن حبشان ,,, صح بدنك من كل باس والله لايهنيك على المرور اللي أسعدني وشرفني

تحياتي لك يالغالي ,,,
محمد بن زميع البشري
26-12-2006, 03:31 PM
اررررررررررحب ياعبيد تراحيب المطر ,,, والله يحييك بين اخوانك

وصح بدنك من كل باس ولاهنت على المرور اللي أسعدني وشرفني


تحياتي لك
هايل سعيدان الزهيري
26-12-2006, 09:16 PM
الأخ : محمد

صح لسانك والله لايهينك

والمناسبه تجبرك أن تبدع كما أبدعت

وأسأل الله أن يعينك على بر هذا الوالد الذي لم يتحمل فراق ثلاثه أيام .

ولولا برك به وحبه لك لما أرسل لك أشواقه وحبه الصادق مع خياله الذي تشاركه فيه في حضورك وغيابك .

أسأل الله أن يرزقك منه بدعوه صادقه تعيش بها في هذه الدنيا سعيدا معافى .

وأن يرزقنا برهم والجهاد فيهم . آمين يارب العالمين

تقبل تقديري لحسن إختيارك لهذا الموضوع .

وإجلالي لقصيدتك ومعانيها وهدفها السامي.
محمد بن زميع البشري
05-01-2007, 01:29 AM
الأخ : محمد

صح لسانك والله لايهينك

والمناسبه تجبرك أن تبدع كما أبدعت

وأسأل الله أن يعينك على بر هذا الوالد الذي لم يتحمل فراق ثلاثه أيام .

ولولا برك به وحبه لك لما أرسل لك أشواقه وحبه الصادق مع خياله الذي تشاركه فيه في حضورك وغيابك .

أسأل الله أن يرزقك منه بدعوه صادقه تعيش بها في هذه الدنيا سعيدا معافى .

وأن يرزقنا برهم والجهاد فيهم . آمين يارب العالمين

تقبل تقديري لحسن إختيارك لهذا الموضوع .

وإجلالي لقصيدتك ومعانيها وهدفها السامي.





الله يطول عمرك ياهايل ويبيض وجهك وكلامك على الراس والعين وصح بدنك يالغالي من كل باس


تحياتي لك يالغالي
سعد المهداني
01-02-2007, 03:39 PM
صح لسانك

وبيضا الله وجهك


الله خليك لشايبك وخليك له



سجل عندك اعجابي
عاشق الليل
01-02-2007, 10:55 PM
وش ذالابداع

صح لسا نك وابيض وجه

يا رايـــــــــــــــــــــــــــــــــــــــــــــق
مسفر بن سوداء
30-12-2007, 10:08 PM
صح لسانك يا الوااااااااااااااااااافي
ناصر بن محمد
31-12-2007, 01:05 AM
صح الله لسآنك ولسآن شآيبك



والله يطوّل في عمره ويخليه لك ذخر ويخليك له



تقبل فآئق الود والتقدير
يحي بن محمد ابوديه
01-01-2008, 07:51 PM
ارررررررررررررررررحب يا محمد البشري
صح لسانك ولسان ابوك
لاهنت على الرديه الرئعه
تحياتي
فلاح آل راكان
01-01-2008, 08:10 PM
صحت السنتكم

والله يطول عمر الشايب ويطرح منفعتك له وللربعك كلهم يا الذيب


تقبل مروري
حسين أبوعيبه
01-01-2008, 10:28 PM
ارررررررررررررررحب يا ابن زميع

الله يحييك ويحيي ما جيت به من ابيات جزله

وما اقول الا صح الله لسان شايبك ولسانك

والله يحفظه لك ,,,ويحفظك له

ولك تحياتي

أخوك /
حســـين بن علي أبوعيبه البشري
عبدالله بن غفره
03-01-2008, 10:36 PM
ياطير بدل بالمراسيل تبديل
وأحمل كلامي فوق سحبن مطله
وأحمل معاه الطيب ميلن بعد ميل
قله الا ياجعل راسي فدن له



صوت وصدى في غاية الجمال والروعه


وبيض الله وجهك على هذه النصوص الراقيه
ابومشرف
03-01-2008, 11:48 PM
الله يطول عمر ابوك ....وعمرك ....شاعر من شاعر .....ووافى من وافى..


ابيات جميلة ....من ناس طيبين وحكيمين ...!!


الذيب ما ياتى الامن كان ابوه ذيب ..............والحصينى ما يخلف ولده الصيب

العرف لاهل العرف ياتى صح ومصيب ............والزلات تاتى لا هلها مكاسيب


مع تحيات اخوك / ابو مشرف البشرى
نواف الحبابي
28-08-2008, 05:57 AM
الله يعطيك العااافيه ,,,,, رديت رد وافي ,,

وقصيدة جــزلة ,,,,,, وصح لساااااااااانكـ
عبااااادي
28-08-2008, 09:37 PM
صح لسانك يا ابو زميع ولسان شايبك انا اشهد انكم وافين ولا فيكم قصور

تقبل مروري اخوك

عبدالله البشري
زيد بن جعدنه
29-08-2008, 03:53 AM
صحت السنتكم

الله يخليكم لبعض ويبعد بينكم اعوال وبنات الحرام
شامانـ العاطفي
03-09-2008, 02:22 AM
صح لسانك مساجلة اكثر من رايعة