المساعد الشخصي الرقمي

مشاهدة النسخة كاملة : الشاعر والمراقب سعد القحطاني تفضل هنا

مسفر بن حسين بن نومه
08-12-2006, 05:34 PM
السلام عليكم ورحمة الله وبركاته

اخوي سعد وقفه للاستفاده منك طال عمرك



في المنتدى المعتمد باسم القبيله=سلام تسليمة(ن)يطرب لها البال
قم يا سعد واحتزم دون الكحيله=وليل الشتاء لازم تسريه لو طال
سعد القحطاني
08-12-2006, 06:47 PM
يامرحبا عد ودان المخيله=في منتدى عزوتك ماظين الأفعال
تدري إني مجودٍ حبل الأصيله=اصيلةٍ ما كسبها كل خيال
خولان بن عامر
08-12-2006, 06:51 PM
السلام عليكم ورحمة الله وبركاته


مسفر بن حسين


سعد القحطاني


صحت اللسنتكم وبدايه موفقة وجزالة متوقعة

وسجلوا متابعتي
خالد العاصمي
08-12-2006, 07:01 PM
الأخوة شعار المحاورة الأكارم

مسفر بن حسين
و
سعد القحطاني


السلام عليكم ورحمة الله وبركاته


الله يعطيكم الف عافية وبداية رائعة

سجلوا حضوري من ضمن جمهور المستمعين


وبالتوفيق للجميع
مسفر بن حسين بن نومه
08-12-2006, 07:11 PM
الله الله



دام البقا يا سعد راعي الجميله=ترحيبتك بعدها من الكيف فنجال
لي ذاهبه روحت بسهل وسيله=وعزوتك عزوت فحل يا طيب الفال
مسفر بن حسين بن نومه
08-12-2006, 07:14 PM
استاذنا الكبير والقدير

خولان بن عامر

نتشرف بحضورك وتواجدتك


استاذي محترى السيل

ارحب وحياك الله وشعار المحاوره يفرحون بهل المال والاقتصاد الله يحيك

تواجدك ومتابعتك شرف

تقديري للجميع
سعد القحطاني
08-12-2006, 07:40 PM
الأخ الشاعر الكبير / خولان بن عامر

صح بدنك وحظورك معنا شرف كبير

الأخ محتري السيل حظورك يشرفنا لاعدمناك


.
سعد القحطاني
08-12-2006, 07:51 PM
انته دليله ولا تبغى دليله=والشك زايل وفعل الطيب مازال
تقول راحت ولا فيها عقيله=وآقول خيره وقول الحق ينقال
مسفر بن حسين بن نومه
08-12-2006, 08:29 PM
الله الله



ما اجيب يا صاحبي غير الثقيله=والذاهبه يا سعد بالطيب تختال
اشره على راعي اليمنى الطويله=عذربها ياصاحبي ان كنت تحتال
سعد القحطاني
08-12-2006, 08:36 PM
اشره على راعي اليمنى الطويلـه
عذرب بها ياصحبي ان كنت تحتال

اشك إن فيه خطأ إملائي والصحيح كذا

اشره على راعي اليمنى الطويلـه
عذربها ياصاحبي ان كنت تحتال

والله اعلم
مسفر بن حسين بن نومه
08-12-2006, 08:39 PM
صح لسانك


ولا هنت على التعديل


حي العارف

تقديري لك
سعد القحطاني
08-12-2006, 08:51 PM
العلم يفرق جزيله من هزيله=امجار ياصاحبي ماحاصل إشكال
وليا اقبل الغيث وهل وسال سيله=خل المحانيب واجنح لك على جال
سعد القحطاني
08-12-2006, 08:57 PM
صح بدنك والقايل مايهون


لكن استأذنك انا معزوم ولا ودك يفوتني الشحم :confused:


إن كانك قريب فضيف الأجواد يعزم والله يحييك


وإن كانك بعيد فابشر بالعوض


والوعد الساعه 11 الليله نواصل الطاروق


وخل الصفوف يشيلون لين نجيهم الله لايهينهم :)

.
مسفر بن حسين بن نومه
08-12-2006, 09:04 PM
الله الله


بان الكلام وعرفنا ويش حصيله= اجنيه بجنيه ولا ريال بريال
وافي ومدتك ما هي بالبخيله=ولا بد تلقا لها مخرج ومدخال


ابو عبدالله تشرف بالعب معك


والختام عندك


تقديري للجميع
سعد القحطاني
09-12-2006, 12:01 AM
العارف اللي عرفها ياحليله=اهم شي ماسمع للقيل والقال
كم من قصيره تسد إعن الطويله=ف الهرج كله وخصٍ بدع الأمثال
مرعي بن دواس الحبابي
09-12-2006, 01:16 AM
الاخوان ابن نومه وسعد القحطاني

انقول لكل واحد منكم صح اللسانه

اخوكم
سحمي الهاجري
09-12-2006, 02:25 AM
السلام عليكم



الله يعطيكم العافيه ولاهنتو ياشعار


أطيب التحايا والتقدير
عبدالله بن غفره
11-12-2006, 12:02 AM
صحت السنتكم وبيض الله وجيهكم على المحراف الطيب




شعار كبار وطرق رائع