المساعد الشخصي الرقمي

مشاهدة النسخة كاملة : قصيدة ترحيبية بالأمير/مشعل بن عبدالعزيز.............بأم رقيبة 1427هـ


حامد الجذع
05-12-2006, 08:11 PM
بسم الله الرحمن الرحيم

قصيدة ترحيبية بصاحب السمو الملكي الأمير/ مشعل بن عبد العزيز آل سعود
بمناسبة زيارته لقبيلة قحطان في مقر الشيخ عمير بن فهد القحطاني بمزاين أم رقيبة لعام 1427هـ

لا إله إلا أنت يالواحد الفرد البصير=مرسل طه بنور الهدايه للأنام
رحمتك عمت بلدنا وجاء خير كثير=ما لها الاّالشكر يا كاسي بيض العظام
مرحباً مليون واهلاً هلابك يا الأمير=عدما هلت مزون المطر وانشاء الغمام
مرحبا يا أمير مشعل باسم خونا عمير=والتحايا لك تقدم ومردود السلام
وباسم قحطان هل المجد والفعل الشهير=مع موحد مملكتنا لتثبيت النظام
كل عام في المزاين يجينا منك خير=مهرجان شجع البادية في كل عام
الوطن حقه علينا ومعروفه كبير=ما توفيه القصايد ولا نظم الكلام
يا وطن حنالك نسوق نفحات العبير=والمليك أبو متعب يستحق أعلا وسام
تحت حكمه عمنّا العدل وارتاح الضمير=والفقر ولاّ ولا عاد له فينا مهام
من وطنا شعشع النور واوحي للبشير=وانطلق نور الهدايه من البيت الحرام
حي قصر المصمك اللي بدا من المسير=وانطلق عبد العزيز الإمام بن الإمام
وحّد ديار بها الفقر والجوع الضرير=والحروب اللي رحاها تدور ولا تنام
مالها أسباب سوى وردت الماء والصدير=والمراعي والخلافات من بين العوام
طافت الهجن الصحاري لتقرير المصير=واستتب الأمن في المملكة والحظ قام
تم توحيد الجزيرة بعد حرب مرير=واستعاد الحق راعيه والوضع استقام
واكتشفنا النفط والغاز بير بعد بير=والذهب والماس حتى تعلينا السنام
وانتهجنا منهج البحث والعلم الغزير=بعد ذاك الجهل صرنا دعاة للسلام
بعد ما كنا نسافر على ظهر البعير=والبيوت من الشعر والحجر ولاّ الخيــام
أصبح الفكسار مركوبنا ماله نظير=والبيوت من العمارات واصناف الرخام
احتفظنا بالأصالة وبالنهج المنير=كل ماضينا نجدده في شرق وشام
شعب واحد كلنا من كبير ومن صغير=الهدف واحد وسامي ولا فيه انقسام
المواطن رجل الأمن الملك ولاّ الوزير=كلنا لك يا وطن كلنا درع وحزام
واجب نحمي بلدنا وننصح للغرير=الوطن حقه علينا ويلزمنا الزام
المكارم عندنا طبعنا نحمي القصير=جارنا ما نهتني النوم ما دامه يضام
ولو سلب حقه نوقف تحت صالي السعير=لين يرجع في مكانه ويلبس للعمام
يا وطن حنالك ألين من سلوك الحرير=ومن يقصر في حقوقك عليه الطير حام
مع ولاة الأمر ولهم نطيع ونستشير=جعل يبطي حي شيخ حمل عنا الجسام
وقبح الله وجه الإرهاب والوجه الحقير=وسود الله وجه من خان داره والذمام
يا مروج للقلاقل وللشر الشرير=تختفي في النور وتسير في جنح الظلام
لو معك نور من الله بنت وصرت غير=لكن وانت مهما قلت داخل دواير الاتهام
كل يوم في بلدنا على ربعك تغير=الشيطان مغويك واوردك الحمام
والله انك ما تحصل عوين ولا نصير=كون لعنة خالق الكون وتروح عدام
ما زرعت اليوم تجنيه داخل زمهرير=من عصى الله ما لقى خير في ذاك المقام
انعمي يا دار الإسلام بالخير الكثير=دام شرع الله يطبق ويحميه الحسام
مرحبا مليون وأهلا هلاً بك يالأمير=عدما هلت مزون المطر وانشاء الغمام[/poem][/poem]

الشاعر/ حامد بن غانم بن سعيد الجذع القحطاني[/QUOTE]

خليل المطيري
05-12-2006, 08:24 PM
بسم الله الرحمن الرحيم

حامد الجذع

السلام عليكم ورحمة الله وبركاته


صح الله لسانك
قصيده ترحيبيه رائعه
بارك الله فيك وفي حروفك


اخوك
حسام الشعر

عبدالله المهداني
05-12-2006, 11:48 PM
الشاعر والمؤلف /حامد الجذع آل سليمان


ارحب الله يحييك يا وجه ولد الحارث



الحقيقه ان من كان بوصف حامد بن الجذع يعجز السان عن مدحة


صح والله لساااااااااااااااااااااااانك



والحقيقه انك غني عن كلامي


اتمنى لك مزيد من التوفيق


تحياتي

وحيد قحطان
06-12-2006, 11:54 AM
حامد الجذع



صح لسانك ملايييييييييييييييييييييييييين

سعيد بن مسعود آل مهدي
06-12-2006, 11:56 AM
حامد الجذع

أرحب أرحب أرحب

بيض الله وجهك على هذه القصيدة رائعه من الروايع المميزه

لاهنت

تقبل تحياتي

مهدي بن مسفر الحبابي
07-12-2006, 06:48 AM
الاخ حامد الجذع

ارحب تراحيب المطر والله يحييك بين بني عمك

شرفنا انظمام علم من اعلام شعراء قبيلة قحطان العريقه معنا

صح لسانك وبيض الله وجهك

قصيده وافيه من راس وافي

لك فائق احترامي وتقديري