واخير منها ركعتين(ن) بالاسحار ...؟!

[غتار]

السلام عليكم ورحمة اله وبركاته ..
اليكم هذه القصيده ارجو ان نتال اعجابكم
وهي للامير الراحل تركي بن حميد ينصح إبنه " عبـــيـــد " بمكارم الأخلاق والحرص على الدين والعبادة .
وهي من أروع ماقيل في شعر الحكمة والزهد والنصيحة في الشعر النبطي قـــــــــاطــــــــبــــــــــه .
_والبيت المقصود في هذه القصيده هو : ( واخير منها ركعتين(ن) بالاسحار ....... لا طاب نوم اللي حياته خسارة ) .


يــامــا حـلا ياعـبـيـد فـي وقت الاسفار =جـــذب الـفــراش وشــبّ ضـــوّ المــنارة

مع دلــة(ن) تجــذا على واهـــج النار= ونـجـــر إلـى حــرّك تـــزايــــد عـــبــــاره

في ربعة(ن) ماهيب تحجب عن الجار = لا مـنّ خـطــو الــلاش مــا شــبّ نـــــاره

الــنـــــجـر دقّ وجــاوبــه كــل مـــرّار = مــالــفـّـــه الـمــلـفـوف مـن دون جـــاره

وأخـــيـر مـنـهـا ركعتين(ن) بالاسحار = لاطـــاب نــوم الـلــي حــيـاتــه خـســـاره

تـلــقاه في يوم(ن) يضيعن(ن) الافكار = يـوم(ن) عـلـى المخلوق ما اطول نهاره

وقـم فـي قـصـير البيت حشمه ومقدار = لــــو جــــار فــادمــح له ولو به خساره

تـرى النــبي وصّى على الجار لو جار = خـــــذ الـحـــذر يـاعـبـيـد عـقــب النذاره

رافـق قـويّ الــديـن حـفّــاظ الاســرار= يـنـفـعـــك فــي يـوم(ن) يـجـي به كراره

تـرى الـهـوى والغيّ هن شرّ الاشرار = ومــن داس عـار الـنـاس داسـوا لعاره

جــنـّب رديّ الــكــار مــافـيــه تـعـبــار = مــافـيـه مــن فــعـل الـمـنـاعـيــر شاره

جــنـّب عـنـه خـلــّه لـقـصّـاف الاعمار = واحـفـظ وصــتـاتـي يــارفـيــع الــمناره

واسـلـم ودم بـالـخـيـر يا طـيـر غـيمار = وصــلـّـوا عـلــى المختار ما غار غاره

[أبا الذموم]

أرررررررررررررررررررحب يا غتار
الله يعطيك العافيه يا ذيبان على هذه القصيدة للشيخ الفارس المشهور تركي بن صنهات بن حميد شيخ عتيبه.
تسلم اياديك على هذا الابداع.
## ملاحظه ترى نسقت لك القصيده عشان تطلع بشكل أفضل .

[معيض بن صميع]

الأخ / غتار


قصيدة تستحق أن تقرأ مرات عديده


هذه القصيده قديمه ولكنها من القصائد المتجدده والغير ممله



لك الشكر الجزيل على هذه المشاركه وبإنتظار عذب مشاركاتك


تقبل خالص التحيه والتقدير،،