هجران مجلس......................

[محمد بن سيف الجروي]

هذه مشاركة متواضعة أرجو ان تحوز على رضاء الجميع
والهدف واضح بالأبيات :-



ياللي لنقل السوالف دايمٍ جاهز = ماأنت بثقة تأخذ العلم وتـوديـه
خلك لنقل النمايم بالكذب فايز = وعلم النشاما ترى مانته براعيه
العلم دونه مية باب ومية حاجز = سهلٍ أخفيه وصعب مني أبديه
أبديه للي لعلوم المرجله حايز = اللي تنومس فعوله يوم أطـريه
والحمد لله تراني ماعلي عايز = واللاش بأموت لاجاني ولا أجيه
هجران مجلس هل النمات جايز= لا صار مافيه إلا ذنوب ومشاريه


((محمد بن سيف بن مرزوق))

[الفارس الجنوبي]

شكرا لك ياسفير الخير على القصيدة الطيبة والمتواضعة وكانت ابيات رائعة جدا وتتكلم عن شريحة من المجتمع وهي قليلة بحق ذاتها
ولهذه القصيدة الصدأ الكبير لمن يقرأها بتمعن وينظر ألى مايقدمونه هؤلاء الناس من نقل السواليف



وهذا البيت اللذي ذكرته هو من نصيب مجالس قحطان

(أبديه للي لعلوم المرجله حايز *********************** اللي تنومس فعوله يوم أطريه )


تحياتي وبالتوفيق

[محمد بن سيف الجروي]

الف شكر لك يالفارس الجنوبي
وهذا مثل ماذكرت ليس الا محاولة وتعبير عن خواطر وليست قصيدة
شرفنا مرورك وتوقيعك أكبر شرف لي
اما بالنسبة لنصيب مجالس قحطان
فهم يستحقون البيت الذي أشرت اليه واكثر ونوعدهم ان شاء الله بقصيدة تخص مجالس قحطان
ويكرمون عن مضمون الابيات لأنها تخص شريحة من المجتمع اشرت اليها بردك .




تحيــــــــــــــــــــــــــــــــــاتـــــــــــ ــــــي’’’’’’’’’’’’,,,,,,,,,,,,,,,,,,

[المنافس]

أبيض وجه ياسفير الخير ونأمل المواصلة مع هذا المجلس ونتعشم فيك الخير وهذه بداية ممتازه ونأمل في المزيد