فرصة إبتعاث لبريطانيااااااااا

[زابن العاني]

السلام عليكم جميع
ماجورين والسلامه

في تقديم في شركة فيلا البحرية العالميه وهي شركة تابعة لآرامكو والتقديم ماهوب أكيد انه ألحين بس هو يكون بين فتره وفتره

وشي هالشركه ؟؟

مثل ماقلت هي كانت تابعة 100% لرامكو حيث كان مكتبها في الظهران داخل آرامكو بس ألحين أنفصلت وانتقل مكتبها الرئيسي لدبي بس تبقى تابعة لرامكو
الشركة شغلتها نقل البترول عن طريق السفن لأمريكا وهولندا وشرق آسيا

من تقبل ؟؟
معك شهادة ثانويه حيااااااااك

كيف الشغل ؟؟
بيبعثونك طال عمرك لبريطانيا وتدرس هناك هندسة بحريه , أو هندسة كهربائية , أو ملاحة هذا إذا كانت نسبتك في الثانويه 80 % وفوق أما إن كانت تحتها فبتدرس دورات تقريبا تأخذ سنه في بريطانيا طبعا ثم تشتغل سنتين بعدها يرجعونك تدرس هندسة

وبعد ما اتخرج كيف بيكون الوضع ؟؟
نظام الشغل في الشركة 4 شهور بحر وبتسلتم راتب إذا كنت مهندس تقريبا 20000 ريال على أدنا تقدير ثم 4 شهور مجاز أبد عند هلك وفوقها راتبك الأساسي 11500

كيف أقدم ؟؟
Vela International Marine Limited

P.O. Box 26373

7th Floor, City Tower 2,
Sheikh Zayed Rd

Dubai, United Arab Emirates

Tel: 00971 4 312 3100
Fax: 00971 4 331 5675

www.vela-international.com

أبد لاتفكهم غثهم :075:



تحيااااااااااااااااااااتي وتكغون ا :rolleyes: دعونا بالتوفيق

[سعد القحطاني]

والله فرصه ممتازه ورواتب مغريه واجازات احلى واحلى


تكفون ياشباب لاتفوتكم


لاهنت يازابن العاني على المعلومه


لكن هل الخبر من مصدر معتمد ؟


دمت بخير يالغالي

.

[عبدالله ابن طرخم]

زابنـ العانيـ


ياليت توضوح طريقة التسجيل يالغاليــ

تبي الصراحه والله انها ممتازهــ


ومشكور يالغاليــ

[الفارس الجنوبي]

مشكور يالغالي والله أن تخصصي قريب من وظايفهم

[الزهيري المغترب]

فرصة لاخواني

الابتعاث شيء جميل يطور مواهبك وتستفيد شيء كثير


مشكور اخي الكريم وجزاك الله خير

[ناصر بن هذال ال شري]

جزاك الله خيرا.

[ناصر المعمري]

إن ماخاب ظني إن الدراسة فيها مستويات بحيث تدرس هناك فإذا رسبت في مستوى معين أكثر من مره ترجع حيث ماكنت وتدفع اللي تم صرفه عليك طوال المده .. وهذا توقعي ولكن ليس بأكيد ..

ولكن ثق أن لكل مجتهد نصيب

تسلم ياغالي على الموضوع

[أبن عيفان]

4 أشهر بحر !!!

الله يعين و يستاهلون الــ20 الف ريال

[ابوتركي العبيدي]

لاهنت يازابن العاني والله يرزق شباب المسلمين بالوظايف اللي تستر حالهم

[سالم الخنفري]

وظيفه ممتازه و لو ان فيها بعد عن الاهل و غربه ...

الله يوفق شباب المسلمين و يزرقهم بالوظايف الطيبه ...

جزاك الله خير زابن العاني

[سعيد بن مذي]

جزاك الله ألف خير

ووالله إنها فرصة ما تتعوض

[عبدالله آل عباد]

4 شهور بحر

كيف بيتزوج ذا ألي بيشتغل عندهم

[زابن العاني]

يالربع الشركة تبي السعوديين لان الأجانب دجوها وراحو لشركات خليجية ثانيه المهم أنك إذا قدمت بيسونلك إختبار أنجليزي في معهد الحصان
اللي في الدمام الأختبار ذا أقولك على بلاطه سهل ولا يعتمدون عليه أهم شي أنك تكلمهم وتبين انك تبي الوظيفة هم
بيكرهونك فيها بس معليك مالها إلا رجالها ....
أما من ناحيه الدراسه إنت بتستلم راتب 1000 باوند يعني 7000 ريال والدراسة لا تفكر انها صعبه سهله بالحيل
المشكله التسجبل بالضبط ماادري متى بالضبط بس هو اكيد في الأيام هاذي
أنت بس أسال أي واحد من ربعك في آرامكو عن شركة فيلا وحاول انه يجيب تلفوناتهم
وللعم مدير التسجيل واحد زبيري يقاله عزام المشري حاول أنك تجيب إيميله وتراسله
وأتمنى أن الشركة تمتلي من عيال العود
تحياتي الكلام ذا من واحد من الربع يشتغل فيها

[الزهيري المغترب]

يالربع الشركة تبي السعوديين لان الأجانب دجوها وراحو لشركات خليجية ثانيه المهم أنك إذا قدمت بيسونلك إختبار أنجليزي في معهد الحصان
اللي في الدمام الأختبار ذا أقولك على بلاطه سهل ولا يعتمدون عليه أهم شي أنك تكلمهم وتبين انك تبي الوظيفة هم
بيكرهونك فيها بس معليك مالها إلا رجالها ....
أما من ناحيه الدراسه إنت بتستلم راتب 1000 باوند يعني 7000 ريال والدراسة لا تفكر انها صعبه سهله بالحيل
المشكله التسجبل بالضبط ماادري متى بالضبط بس هو اكيد في الأيام هاذي
أنت بس أسال أي واحد من ربعك في آرامكو عن شركة فيلا وحاول انه يجيب تلفوناتهم
وللعم مدير التسجيل واحد زبيري يقاله عزام المشري حاول أنك تجيب إيميله وتراسله
وأتمنى أن الشركة تمتلي من عيال العود
تحياتي الكلام ذا من واحد من الربع يشتغل فيها
اسال الله ان يبارك فيك


واين الشباب هذي اكبر فرصة

[سفير بني بشر]

الله يعطيك العافية واذا جاءت اول راتب لك

انا قصرت

[الصقر الجارح للصحاري]

فيه امكانيه لموظفي شركة الكهرباء

[زابن العاني]

فيه امكانيه لموظفي شركة الكهرباء


أي نعم انت قدم بس .... ولاتنسى إن الدعوه فيها 4 شهور بحر

[معلاوي]

الله يوفق الجميع