المساعد الشخصي الرقمي

مشاهدة النسخة كاملة : يالله سترك من تقلب ها لأزمان ..ونتاج ماتفرز علينا الحضاره


وحيد المملكه
29-11-2006, 11:43 PM
قرأت هذه القصيدة في أحد المنتديات لشاعر يقاله / أسامة سعد
وأعجبتني مارأيكم فيها ؟؟؟؟؟؟؟؟؟؟؟؟؟؟


بديت ذكـر الله و لانـي بخسـران= ومن لا ذكر ربـه حياتـه خسـاره
يالله سترك مـن تقلـب هالازمـان= ونتاج ما تفـرز علينـا الحضـاره
ابختصر يكفي عن النـص عنـوان= اخير من كثـر الكـلام اختصـاره
لقيت في كثر السواليـف نقصـان= ولقيت فـي قـل الكـلام اعتبـاره
ماني بلا مزري و لانـي بعجـزان= عندي على فتل البيـوت اقتـداره
اليا دعيتـك يالقوافـي و الالحـان=عندي تعالـي حضـري بالاشـاره
سر يا قلم واكتب بعد خاطـري زان= اكتب وانا بامليـك جـزل العبـاره
مثايـلً فيهـا مواعـظ لـلاخـوان= وين اللبيب اللـي يحـدد مسـاره
اما نعيـمً يـودع القلـب فرحـان= و لا جحيـمً فيـه شـر وشـراره
يالي تبى الجنـة تقـوى بالايمـان= طاعة ولي الكـون هـي التجـاره
الفرض صله واد حقـه ليـا حـان= ما يقبل الموضوع منـك انتظـاره
ما ينظـر الله للوجيـه و للابـدان= عند الولي قلبـك تكشـف ستـاره
اخذ النصيحة واسمع العلم يا فـلان= ما دمت بالمهلـه وجتـك النـذاره
للنـار وقـاده و للنـار خِــزان= وامـر الولـي منفذينـن قــراره
اهون هل النار بعذابـه يالاخـوان= يوضع تحت رجيله شعلـة جمـاره
يغلي دماغ الراس من هول ما كـان= ويضن ما احـدً ذاق مثلـه مـراره
نارً بها ضلمـه وشـوكً وحقـران= يا ويـل مـن هـذا مكانـه وداره
يا وامن الدنياء ترى مالهـا امـان=يقطعك يادنيـاء الفنـى والدمـاره
تقبل وتقفـي هاليالـي بالانسـان= حيـل و بعضهنـه تبيـن عشـاره
عيني تعاف من النظر بعض الاحيان= اهل المعاصي بالمعاصـي جهـاره
يالي تجر الثـوب بالكبـر غلطـان= ما ينظر الله لـك و لا لـك وقـاره
ويالي بمالك تشري الموت فسقـان= ترخص حياتك ليـه لجـل الزقـاره
مالله خلقنا نتبـع النفـس شيطـان= الله يزيد اهـل العقـول استنـاره

سعد القحطاني
30-11-2006, 06:18 PM
لاهنت على النقل ياوحيد المملكه


قصيده رائعه وجزله صح لسان شاعرها


مشكور والله يعطيك العافيه


لاعدمنا تواصلك



.

@تركي السنحاني@
01-12-2006, 06:41 PM
لاهنت وبيض الله وجهك وصح لسان الشاعر

عبدالله آل عباد
01-12-2006, 09:47 PM
وحيد المملكه


صيده جميله

ولاهنت على النقل


واللغ يغفر الذنب

معيض بن صميع
03-12-2006, 10:22 AM
وحيد المملكه



شكرا جزيلا لك


إختيار رائع يدل على ذائقه شعريه من الطراز الرفيع


صح لسان الشاعر


وبإنتظار عذب مشاركاتك

ملاحظه /قمت بإعادة تنسيق القصيده فقط.
تقبل وافر التحيه والتقدير،،،

المنار
03-12-2006, 10:16 PM
السلام عليكم ورحمة الله وبركاته :
مشكور اخي العزيز وحيد المملكه
وصح لسان الشاعر .

عبدالله الوهابي
03-12-2006, 10:46 PM
وحيد المملكة مشكور يالغالي على النقل الطيب
والطيب لا يأتي إلا طيباً

علي بن مسفرالحبابي
04-12-2006, 08:34 AM
وحيد المملكه



شكرا جزيلا لك


إختيار رائع يدل علي ذوقك الرفيع


صح لسان الشاعر وسلمت ودمت يالغالي


وبإنتظار عذب مشاركاتك