المساعد الشخصي الرقمي

مشاهدة النسخة كاملة : من حصل خولان ابن عامر فيسلم لي عليه


مسفر بن حسين بن نومه
27-11-2006, 05:53 PM
اخوي خولان اسمح لي بهذا الطاروق



خولان ابن عامر صار يزعل من الشيب=وانا اقول له شايب ثمانين مره

عدو العرب يرسل عليك المناديب=ودربه يا ابن عامر لزوم تمره

مسري الشعار
27-11-2006, 09:28 PM
ارحب يا مسفر وفي انتظار خولان
وانتظار طاروق بحجم شعاره
سجلو اعجابي ومتابعتي

مسفر بن حسين بن نومه
27-11-2006, 09:31 PM
اررررررحب يا بو محسن حضورك واعجابك شرف لنا طال عمرك


وانشاء الله يجي خولان ومايكون مشغول


نزلت الطاروق ما كلمته ولا ادري عن ضروفه


تقديري للجميع

خولان بن عامر
27-11-2006, 10:35 PM
ارررحب يابو حسين




ياطيب الولد طيباه ويموت في الطيب=عسى الله يبارك فيه ولا يضره
لو الشيب عيبٍ كان يامكثر العيب=مع اللي لهم في قمة المجد جره

أبو صقر
27-11-2006, 10:37 PM
مشكورين جميعا

خولان بن عامر
27-11-2006, 10:37 PM
هلا وغلا يابو محمد


مرورك وحرصك على الطاروق يحملنا مسئولية اللعب النظيف اللي مافيه كروت:)

خولان بن عامر
27-11-2006, 10:50 PM
هلا وغلا يابو صقر

لاهنت على التشريف

معيض بن دشن
27-11-2006, 11:04 PM
أسعد الله أوقاتكم بكل خير ياسلام على المحاورة الجميله وأطيب ما فيها مبداها وأقول صح لسانك مليون وأنا أقول زود على الثمانين شايب ميتين مرره. تحياتي لكم والليل الليل


خولان ابن عامر صار يزعل من الشيب=وانا اقول له شايب ثمانين مره

عدو العرب يرسل عليك المناديب=ودربه يا ابن عامر لزوم تمره

مسفر بن حسين بن نومه
27-11-2006, 11:09 PM
ارحبو يا وصااااااااله


والمعذره



ياخولان هرجك ما يوفي المواجيب=ولا هو بخافي بين حلوه ومره

ولكن علامك ضقت يا بو تراحيب=وانا خابر(ن)صدرك بكبر المجره

مسفر بن حسين بن نومه
27-11-2006, 11:11 PM
جميع الاخوان اللي شرفونا بالحضور


ارحبووووووووو ومرحبا ومسهلا


وتشرفنا بحضوركم

تقديري

مسفر بن حسين بن نومه
27-11-2006, 11:12 PM
اخوي خولان المعذره منك ومن الربع


احسب ان طاروقك انت وابو مبارك خلص البارح

كم معه وانا وانت متلاحقين على خير انشاء الله


الا اذا لك راي ثاني
تقديري

خولان بن عامر
27-11-2006, 11:42 PM
عادي خذ راحتك عاد فيه محاوره صوتيه اخرى ومحاوره مع واحد في الكنود:)


يامسفر وراك تزيد شد الاطانيب=ترى الشد واجد قد يسبب تشّره
انا شاعر واحب لعب اللواعيب=وبعض العرب ماجاب مثقال ذره

خولان بن عامر
28-11-2006, 12:36 AM
ميض بن دشن


المشكله الل يزعل من المزح ما المشكله اللي زعل من الشيب:)


اقول احسن لك لا اطلع صورتك وتاريخ ميلادك هنيا تراك حاضر حفاد الوالد ذاك الليل


يوم بغى السيل يشل البعير:)

****




ابو حسين انت وين رحت تراني انتظرك

مسفر بن حسين بن نومه
28-11-2006, 09:15 PM
اخوي خولان

المعذره من الله ثم منك


البارح شفت انشغلت مع ابو مبارك

ولا حبيت اقطع عليكم

وطلعت ولا شفت ردك الا الحين

اذا كان لك هوى نكمل كملنا وان تشوف انها طالت فراسك العوض

تقديري للجميع

عبدالله بن غفره
28-11-2006, 11:07 PM
أنا معارض :) واصلو واصلو


مساكم الله بالخير يالربع وصح السنتكم وننتظر التكمله إذا لكم شف

عبدالله المهداني
28-11-2006, 11:32 PM
أنا معارض :) واصلو واصلو


مساكم الله بالخير يالربع وصح السنتكم وننتظر التكمله إذا لكم شف


وانا بعد





كملوا



لاهنتوا