يازين العرس زيناه

[خالد العاصمي]

السلام عليكم ومساكم الله بالخير


يمدحون العرس ويقولون انه زين وستر للشاب وعفه للفتاة وأفراغ للطاقة الجنسية فيما يرضي الله :1107953448:

طيب وش هي المشاكل اللي تواجه المقبلين على الزواج ؟

وهل المشكلة في المعرس نفسه ؟ على أساس انه المفروض يكون رجال وعاقل وعنده نظر :52_asmilies-com:

لأني لاحظت في السنين الأخيرة أن بعض العرسان الجدد صار البلى فيهم ويحبون الخساير والمصاريف والمباهاة

قصر أفراح وفرق رقص وشعار بالأيجار وسفريات خارج المملكة وغيره من المظاهر المزيفة

طيب وش حادك توافق على وحده مهرها غالي واهلها يبون واعمامها يبون وخوالها يبون .... يعني تحبها يالوح :cool:

أنسى موضوع الحب قبل الزواج وفكر في مستقبلك وسعادتك وأختر أقلهن مهرا وأظفر بذات الدين تربت يداك



أخوكم محتري السيل


نسيت أقول لكم ترى الموضوع للمشاركة وأبداء الرأي من الجميع يعني فريق عمل ليستفيد الجميع :1107953627:

أستودعكم الله على أمل اللقاء بكم في القريب العاجل

[عبدالله آل عباد]

حلوه


تحبها يالوح



لاتعليق على الموظوع

لين يخلص الظحك

[خالد العاصمي]

مرحبابك يابو جابر

وننتظر تعليقك على الموضوع لاهنت

والأمر يهم الجميع وظاهرة تستحق التعقيب ولو بكلمة موجزة

[@تركي السنحاني@]

انا اضم صوتي للاخ : محترى السيل هذا اذا كان دخله محدود او متوسط واما اذا كان ربي معطيه فلا يبخل على نفسه وانا اخوك وعلى قولتهم ( احرق الروح قبل لاتروح ) ولازلنا في انتظار تعليقك يا ابو جابر والسلام ختام مع تحيات اخوكم (( الجعدني السنحاني ))

[الفارس الجنوبي]

أنا أنتظر الرد للاستفادة

يالله أنك تعيين .........!!!!!!!!!:applaudit:

[خالد العاصمي]

الله يعطيكم الف عافية على المشاركات

لاكن ننتظر آراء المقبلين على الزواج

ماهي وجهات نظرهم تجاه المباهات في الزواج وغلاء المهور والشروط التعجيزية والمجحفه في حق العريس

[المدى البعيد]

يا محتري السيل بعض الناس مجنونة

همه رضا الناس وهمة نظرة عيونه

ولايستمع للعرب لا جوه ينهونه


يمشي يتبختر يبي العالم يشوفونه

وبعد الزواج يجلس ويحاسب ديونه

----------------------------------------------------------------------------
((( أبركهن أقلهن مؤنة )))

[عبدالله بن غفره]

مشرفنا الغالي / محتري السيل

اشكرك على الموضوع الرائع والغير مستغرب منك لانك دائماً تتحفنا بمواضيع ننجبر على متابعة قلمك الرائع

ومن وجهة نظري اني اشوف ان المعرس هو نفسه اللي يفرض على نفسه كل هالتكاليف والخرابيط اللي مالها سنع أولها الحلا اللي عقب العشاء وأخرها الشعار في تالي الليل :)


وأتوقع انه قليل جداًَ من اهل المعرسه هم اللي يفرضون هالاشياء


تحياتي

[@ابوريان@]

تسلم والله

[خالد العاصمي]

المدى البعيد
و
أبن غفرة
و
أبو ريان


مشاركاتكم وردودكم أعطت لموضوعي طابع مميز
وآرائكم وأقتراحاتكم ستجد الأهتمام من الجميع

[ابو طلحه]

يعطيك العافيه ع الموضوع
لي عوده فيما بعد أن شاء الله

[مرتاح البال]

والله با ابن الحلال ----- حدونا الرجاجيل --- حتى خضعنا ---- واستلوحنا --- وكسينا كل من ذكرتهم

ولم يبقى الا مؤذن المسجد --- وهو باكستاني --- وراعي الغنم يماني --- قلنا خافوا الله

فرد علي اخي الاكبر واللي المفروض في صفي -- قال -- ذب الريع وخلك رجال

والمشكله لا قالوا شكرا ولا حتى دعوا لنا ---- طبعا هذا حصل في زواجي -- بالثا لثه

تحياتي

[ابو طلحه]

عوده من جديد

بنسبه لي فتمنيت قبل زواجي امنيه والحمد لله انها تحققت وهي ان يكون الزواج جماعي وبالفعل فقد كنا اربعه عرسان واقمنا الزواج في صاله إيجارها 24000 وبنسبه للذبائح فختلفو الشيبان بين 30 و20 ورست على 20 ولله الحمد تم مسح الصحون بالعافية قام الوالد بدفع التكاليف كلها ثم قسمها على سته اسهم وطلع على الواحد 9600 ريال ولله الحمد والمنه.

أخواني هذي دعوه للتكاتف وإقامت زواجات جماعية للتوفير على الشباب وليوم اصبحت الجمعيات الخيريه تدعم هذة الزواجات فتقوم بستإجار الصاله وإعانت الشباب بمبالغ ماليه واحيان يدفعون تكلفة العشاء .

اما بنسبه للمهور فيذكر لي احد الاصدقاء انه خطب ابنت عمه وطلبو منه مهر 60000 من غير الذهب ليس تعجيز بل يقول ان هذه عاداتهم . امحق من عاده تحمل الشاب ديون وبعضهم ماتزوج وسبب هذي العاده

[سعيد بن مذي]

أنا أضم صوتي لـ صوتك يا محتري السيل

والمشكلة هي مثل ماتفضل أخوي أبو طلحة إن بعض الناس عندهم رفع قيمة المهر عادة !!!

وهذا خطأ وخطأ كبير جداً لكن ولله الحمد هم فئة قليلة جداً وإن شاء الله ما يبقى منهم حد على هالعادة

مشكووووور يا محتري وإلى الأمأم

[خالد العاصمي]

الأخ العزيز صادق الوعد بيض الله وجهك ولاهنت

تعجبني صراحتك.... وتجربتك فعلا كانت مريرة ..............

ولكن ادعوا لك بالتوفيق في الدنيا والآخرة
وان يرزقك الله الزوجة والذرية الصالحة

[خالد العاصمي]

أبو طلحة

زين ماسويت والله يبارك لكم فيما سعيتوا فيه

فكره رائعة ولاتحتاج لأي تفكير المهم العزم والأتكال على الله

وكل شيء قسمه ونصيب

[خالد العاصمي]

بن مذي

كلامك صحيح

والعادات المذمومة صارت تتلاشى مع الوقت بعد أقتناع الناس بفشلها

ومن يسر شيء يسر الله عليه خصوصا في النكاح

وقد أفرغ الله عز وجل سورة كاملة للنساء


وبالتوفيق للجميع