غزوات أل عاطف مع شيوخهم من ال سعيدان

[ابن سعيدان]

في عام1336هجري جاءوا ال سعيدان وقبيلتهم ال عاطف مسلمين على الملك عبدالعزيز رحمه الله وقال لهم ياأل سعيدان ماعاد أبغيكم تروحون للجنوب أريدكم تنزلون عندي في نجد وقال لهم بعطيكم (السهباء)الواقعه الآن في الخرج فرفضوا وقال لهم بعطيكم الرين فنزلوا في الرين وقد شاركوا مع الملك عبدالعزيز في توحيد المملكه في عدة غزوات منها غزوة السبله و الطائف والرغامه والخبت عام 1351 هجري والذي توفي فيه الأمير هذال بن مسفر بن سعيدان واخيه حزام ومعهم ناسآ كثير من أل عاطف وقد أنشد الشاعر/جبران بن رويشد المشعلي (رثاءآ فيهم...

الصبي المشعلي هاض سالفه=سوالف تمضي حضور شهودها
واللي مهيضني ومقارب حضايري=وقعة تهامه الله لايعودها
لاجيت بكن عبرة جاء مثلها=قدور تغش وزللوها حدودها
ياكم غدى من نادر يذكرونه=خويه على نفسه ذلوله يقودها
سعيدانيه تثني الذاري فيدون جارها=والاجواد ما تجعل ذراها وقودها
سعيدانيه تدري بكبارها وصغارها=تدري على حزن الظفر من قرودها
عشق حجاب البيت في كل سابق= له لطمة سو البلاء في زنودها
حلوآ لبغى ومرآ لبغى=له لطمة لبغى جاد جودها
ان كان في الحيلات فلافيه حيله= الا أن تحول تهامه من حيودها
تفرح به الرملاء لمن غاب سترها=هو سترها لمن غاب منها شدودها
وتفرح به العثوا لمن تزعزعت=أمعشر تسمع عوى مفرودهل
يارب لاتقطع للأجواد تالي=ويا الله تبقى في الشجر من فنودها
أنا لاصافيت صافيت صميدع=صبور عاى عسر الليالي وجودها
ماني لاصافيت صافيت رمه=مثل المعايا ماتسر جلودها

وعشق الذي جاء ذكره في القصيده هو عشق بن مسف بن سعيدان اخ هذال بن مسفر بن سعيدان وحزام بن مسفر ولم يعود منهم في غزوة تهامه الاهو وقد أخذ محل أخيه هذال بن مسفر في امارة ال عاطف حتى توفي عام 1377 هجري وجاء بعده الأمير سلامه بن ملهي بن مسفر بن سعيدان حتى توفي في يوم 10/12/1399 هجري ثم جاء بعده ابنه الأمير ناصر بن سلامه بن ملهي بن مسفر بن سعيدان وتوفي بعد ابيه سلامه بستة شهور ومن ثم جاء أخيه الأمير سعد بن سلامه بن ملهي بن مسفر وهو شيخ أل عاطف الحالي وقد أنشد الشاعر / ظافر بن شارع العاطفي عندما توفي هذال بن مسفر بن سعيدان وأخيه حزام والذي معهم من ال عاطف في غزوة الخبت في تهامه

يابري حالي بري عود رعاه الدود=على لابة فنيت ولاني بناسيها
أنا أبكي شيوخآراحوا يقودون أجرود=على ظمرآ كن التهامي يباريها
مابشروا بهذال فزعة المضهود=ولا بشروا بحزام حامي تواليها
ولاياوجودي وبينهم فزعة المضهود=ياوين ستر الدار مارجعوا فيها
وأن أحمد الله الأسود مرثة أفهود= طيور الحرار اللي صعبات مجانيها______________________________________
وفي أحد المعارك هو ان الشيخ هذال بن فهيد الشيباني وأبا العلا شيخ العصمه قد أغاروا على أبل الخنافر من قحطان في وادي المسمى وادي (الركاء)جنوب حصاة قحطان وأخذوها وفي هذي الأثناء قام سطام بن جراد بالذهاب لأعاطف ونخاهم وطلب فزعتهم في استرجاع أبل الخنافر فأجابوا ال عاطف بأبشروا بسعدكم وقاموا بالاغاره على ابن فهيد الشيباني وأبا العلا العصمه والذي معهم من عتيبه ودارت المعركه واسترجعةا آل عاطف أبل الخنافر وقد قتل في هذي المعركه مصلح بن فهيد الشيباني واخوه هذال وابنه سلطان بن هذال والذي قتلهم هوشيخ آل عاطف ملهي بن مسفر وقد ردوا أبا العلاء منيع عند آل عاطف في هذه الأثناء قد قام الشيباني بربط جاره أبن فتنان آل روق قحطان وهو جار له خوفا أن يحذر قحطان منه وعند رجوع ابن فهيد له أخبره بالذي حصل في هذه المعركه وقد أنشد ابن فتنان آل روق قحطان قائلآ فيها*******

ياطول ماني صابر كن مابيش=من عقب ذودآ في مفاليه زيعي
بعتوا عليهم بيعة ياقريويش=ترثة دخين مع مورث سريعي
مضرابكم ما هو يهوز وتريش=واردينهم ورد القطا لشريعي
عواطف في اللقاء أظفرمن أيش=كم يتموا في دقلهم من رضيعي
اللي ضربه ملهي جعله يعيش=يستاهل اللي لحبته مايبيعي
مصلح ينكس عليه خافق الريش= وأبا العلا ردوه قده منيعي
وقفى جهز يقول ماعاد مني أيش=من عقب ماهو لركايب وديعي
وأنا من أل محمد الهشاهيش=عزي لمنه من حسبهم يضيعي

[السيف النادر]

ابن سعيدان / كفو والله بآل عاطف ، ونعم والله
وآل عاطف معروفين ولا يحتاج اعيد واكرر فعولهم لأنها معروفة

لكن عندي ملاحظات ارجو انك تتقبلها بصدر رحب

ذكرت في السالفة الثانية ان هذال بن فهيد قُتل في المعركة وقتله شيخ آل عاطف ملهي بن مسفر ، وذكرت في نهاية القصة أن ابن فهيد قد ربط ابن فتنان الروقي عنده قبل ذهابه للمعركة لكي لا يحذر قحطان ، وأن ابن فهيد رجع واخبره بالقصة .
++ هنا يوجد تناقض كيف يُقتل هذال بن فهيد ويرجع يخبر ابن فتنان ؟؟ ارجو التوضيح

والصحيح أن الذي قتل هذال الشيباني هو عبد الله بن مفلح ال كليفيخ الخنافر والقصة معروفة ، وسأسردها في وقت لاحق بإذن الله .

اكرر شكري وتقديري يابن سعيدان

اخوك/السيف النادر

[ابن عاصم]

ووووووووونعم بالاد عاطف

واشكررر اخووووي السيف النادر على التوووضيح

اخووووووووووك

ابن عاااااصم

[ابن سعيدان]

أخوي السيف النادرررررررر
مشكور على الملاحظه والذي قتل ليس هذال بن فهيد بل أخوه مصلح بن فهيد الشيباني وأبن هذال سلطان وأأأأأأأأن أأأأسف لأهل النتدى كلهم على الغلط في اللبس بين مصلح وهذال وهو عندما رجع هذال لبن فتنان ال روق ومصلح أخو هذال في قيمة عند الشيابين كافه ومقتل مصلح ليس بالسهل عندهم والدليل
اللي ضربه ملهي جعله يعيش
يستاهل اللي لحبته ماتبيعي

[هاوي نجد]

لاهنت اخوي ابن سعيدان على ايراد هذا السوالف التي بحاجتها الجميع ويفتخر بها كل قحطاني


وفخر للجميع وهذا من طيبك يا لجزل0



اولا////// لي بعض الملاحظات الى وهي السالفه الثانيه التي فيها هذال بن فهيد


اير ا دك لسالفه قلت ان هذال رابط جاره ابن فتنان لكي لا يخبر قحطان


وذكرت ان هذ ال بن فهيد واخيه مصلح قتلوا في نفس المعركه فكيف يخبر هذا ل الشيباني


قصير ه ابن فتنان 0

***********قصـــــــــه العا طف والخنا فر والشيابين على راس هذا ل الشيباني ****************

وهي ان الخنا فر كانوا في الدحي وال عاطف في لرمض وقام احد العاطف بالذها ب الى القنص


فايذا باثر قوم ركب متجهين الى الخنافر غياب الشمس وعندما رجع الى جماعته اخبرهم بالذي


راى وارسلوا رسول الى الخنا فر ينذرهم وعندما اخبر الخنا فر قاموا بتجهيز خيولهم


وعندما بزغت الشمس فارسلوا القوم واحد منهم يراقب الابل وهل هي سرحت ام لم تسرح

فعندما راها فايذا الابل بمباركها والخنا فر متواجدين جميعا فرجع الى قومه الشيابين واخبرهم بالذي

راى فقال هذال الشيباني اليوم ما هوب لنا فنكسوا ورجعو ا فايذا با حد الخنافر يراهم وا خبر جماعته

وكروا وراهم وقاموا بالرمي وهم يلا حقونهم فسمعوا العاطف الرمي وقاموا بعون جماعتهم وعندما لحقوا


ال عاطف فايذا بالخنا فر يلحقون الشيابي وقاموا بالطرد معهم فبدات المعركه وقام ملهي بن مسفر بن سعيدان

جعل يمينه في الجنه بقتل

مصلح بن فهيد وسلطان بن هذال اما بالنسبه لهذال بن فهيد فلم يقتل ذالك اليوم

ملاحظه////// ايراد هذه السالفه لاثبات ان هذال لم يقتله ابن سعيدان بل عبدالله ابن مفلح ولكم من باذن الله

ايرادها



معا العلم ان الخنا فر والعاطف كلهم عضد لثاني ويدلك عليهم هذا السالفه وفعلهم فخر للجميع


وتقبل تحياتي اخوي بن سعيدان

[إبن الأروق]

كفو والله بالخنافر وآل عاطف

والنعم مليارات

لاهنت يابن سعيدان انت وجميع المشاركين واصحاب الاضافات

[ابن سعيدان]

أخوي هاوي نجد أنا رجعت وأضفت وأوضحت بأن ملهي بن مسفر بن سعيدان قتل مصلح بن فهيد ووووووسلطان بن هذال بن فهيد وأرجو منك أن تتمعن في قراءتي الثانيه جيدآآآآآ لأني رجعت وأستثنيت ذالك الخطأ في الكتابه للأستعجال ولكم الشكر أحبائي على التوضيح

[ابن سعيدان]

أخواني المشاركين في المنتدى التوضيح وأبداء الرأي ليس في الخطر منه اي شيئ بل نستنير منه ونعرف مانجهله وكذالك أنتم تستنيرون منه لان الكامل هو الله سبحانه وتعالى

[ناقد خطير]

هل تقاتل المسلمون..هكذا!!!!!!!!!!!!!!

[هاوي نجد]

اخوي ابن سعيدان لاهنت وبيض الله وجهك

ولاكن ما عليش انا قريت الموضوع ورحت ارد عليه

واول ما نزلت الموضوع الى ردك قدامي

ولاقصرت يا بن عمي والمنتديات كلها للاستفاده

والغلط كلن ايغلط ما فيه انسان معصوم من الغلط

وهذا شيء معروف واحتمال انه غلط املائي ولا يجي في خاطرك علي شيئ والمنتديات ايحصل اغلاط
ويصير فيه توضيح لكي تصبح السالفه موثوقه و يستفيد منها الجميع

وال عاطف كفوا والله ما فيهم اقصور ومعروفه افعالهم وغنيين عن التعريف

وملهي بن مسفر ما يحتاج اني اعد افعوله او مواقفه لانه غني عن تعريف الجميع

فارس معروف يعني ويش اقول اللي بقوله انه فخر الكل قحطاني 0


وتقبل تحيات اخوك بصدر رحب 0000

[ابن سعيدان]

هاوي نجد أولآ هوايتك لنجد من طيبك
ثانيآ ذكرت سابقآ بأن الخطر ليس فيها شيء
ثالثآ كلكم بني عمي وغالين
رابعآ سلامتكم هي المطمع

[الضويري]

بيض الله وجيهكم وكفو الخنافر وال عاطف وقحطان كلهم

[خالد آل مطرف العاطفي]

ابن سعيدان
يعطيك العافيه على ايراد مثل ذا السوالف اللي تشرف القبيله واللي تعد فعول الفرسان والشيوخ اللي لهم تاريخ
حافل باالبطولات وتاريخ مشرف يجب الا يندثر ....
اما السالفه فااعتقد ان الربع اشبعوها طرح ويعطيهم العافيه على اسلوب نقاشهم الهادىء
والهادف ..واتمنى ان تكون جميع المداخلآت في بقية المواضيع بهذه الطريقه وبهذا الأسلوب الراقي ...
اشكر اخوي ابن سعيدان واشكر جميع من شارك وعلق على الموضوع ..ولاعلى الجميع زود ..ولاعلى الجميع زود ..
اخوكم
خالد

[مسلط بن سعيدان]

بيض الله وجهك مليون ياابن سعيدان ولاهنت

[عايض العاطفي]

بيض الله وجهك يابن سعيدان


على هالمشاركه الرائعه

علومك ترفع الراس

ننتظر المزيد من مشاركاتك

[المعمري]

لا هنت يا ابن سعيدان وبيض الله وجهك

[العريدي]

مسااااااااكم الله بالخير يالربع ..

لا هنت يالذيب على ذا الموضوع .. وان كان لي مداخله فهي فيما أعرف ان سطام بن جراد من آل علي السحمه ..
وهو فارس معروف .. يمكن يكون هناك تشابه الله اعلم ..
وسلامتك يا ابن سعيدان ..

[محمد بن سعود العبيدي]

بيض الله وجهك ولاهنت وبيض الله وجه الخنافر وال عاطف وقحطان كلهم

[ابن سابره]

لا هنت ياااااذيباااان وبض الله وجهك



قل امين




دندن
مصيرها تروق وتحلى

[نداوي]

لاهنت يالذيب
وسطام بن جراد الفارس المعروف الذي قال
ابوي من الادنين دور خوالي ماتاه رايت في ملقط الاجانيب
خذا من اللي يمنعون التوالي حوافة الغدرا رماة معاطيب الخ
اعرف انه من السحمه

[الصقر الخنفري]

الأخوه اعضاء شبكة قحطان الأعزاء من مشرفين ومشاركين معكم أخوكم ( الصقر الخنفري ) يطيب لي المشاركة وبكل شرف في شبكة قحطان على امل ان افيد واستفيد وهذه مشاركتي الاولى وارغب التوضيح بشأن غزو عتيبه على الخنافر وقد ذكر الاخوان ان ابل الخنافر قد اخذت وهذا الكلام غير صحيح الابل لم تأخذها عتيبه وربما لو استمرت المعركة يمكن أخذها وفعلا آل عاطف فزعوا لسببين اولا فزعة لبني عمهم ثانيا لو أخذت ابل الخنافر فالدورعلى آل عاطف ستوخذ ابلهم ولكن آل عاطف والخنافر عينين في راس وفزعتهم ليست بمستغربه ولا لهم فخر فيها 000000 علما انه سبق ان فزعوا الخنافر لآل عاطف في معركة السكك بالمريبخ ضد عتيبه وقد قال شاعر آل دهيم في هذه المناسبة مادحا جعمل بن سفران : 0000

تكفون يا آل دهيم هدوا جعمل 00 0 0 حتى عياله يحتمون شرارها
البل عقب ضرب عاموده 00000 خليت ترعى السكك ماعادحي زارها


هذا ما احببت ايضاحه ولكم اطيب تحياتي اخوكم / الصقر الخنفري

[محمد العرجي]

بيض الله وجهيكم على هذه السوالف الي تنومس كل قحطاني الله يتسامح عنهم ويرحمهم برحمته ويرحم اموت اخوانا العتبان واموات المسلمين انه سميع مجيب الدعاء





انا من العرجان ساسي وراسي





عبايد عند الجزيره خبرها

[آبن فهم ال عبدان العاطفي]

بيض الله وجهك يابن سعيدان


على هالمشاركه الرائعه

علومك ترفع الراس

ننتظر المزيد من مشاركاتك