المساعد الشخصي الرقمي

مشاهدة النسخة كاملة : قصيدة وقصه " فخر واعتزاز "


النهدي
25-11-2006, 12:08 AM
مناسبة القصيده :-
هذه القصيده قديمه للشاعر بدر بن مبارك العتور أبن بدر النهدي وكانت رد لاحد الاشخاص تكلم على قبيلة نهد فى احد المجالس ونقلها نقال كلام للشاعر وقال له فلان قال على نهد كذا وكذا كلام ليس قصيد وكتب شاعرنا هذه الابيات وسلمها لناقل الكلام ليوصلها بدوره للمتحدث وتم ذلك بالفعل مما حدا بالاخر للاعتذار اليكم القصيده0




يالله ياعـالـم خفـيـات الاســرار = ياخالـق الدنيـا وفيـهـا العجـايـب
البارحه وانا علـى احـر مـن نـار = لابـة علـى خاطـرى عـدة لوايـب
من طارف العربان قـد جتنـى اخبـار = والحيـد ماهزتـه نــود الهبـايـب
لكن ودى يعـرف الوقـت لـى سـار = وينشـد الحـذاق حاضـر وغـايـب
ينشـد علـى تاريخنـا فـوق لصبـار = تاريخنـا صافـى ولابــه شـوايـب
الضيف نهلي به علـى شحـم لبكـار = والملتجـى نأمنـه يـوم الحـرايـب
والخصم فى عينه نحط الـف مسمـار = ولانعـول بــه نـهـار النشـايـب
ويامـا غزيناهـا بحمشـات لـوبـار = الهجـن كـل مبعـد عليهـا قرايـب
غرنا الجبل لخضر وغرنا فـى اظفـار = وغرنا الشعف والجوف من خلف مارب
وذودنـا نحمـاه بالساخـى الـحـار = ماحـد تجلـب بـه بسـوق الجلايـب
واحنـا بنـى قحطـان ياطيـر طيـار = حماتـهـا بالـحـق والاغصـايـب
واحنـا قبيلـة نهـد ياضايـع الـدار = ديارنـا مـن عسـهـا رد خـايـب
ونطعم الجايع ونعطـف علـى الجـار = ونرغـم التاجـر يـمـد الضـرايـب
من عندنـا تصـدر قوانيـن واشـوار = من عند بـن ثابـت عقيـد الركايـب
وخلف لنا غلمه لهم صيـت واخبـار = ذرى ال ثابـت معقلـيـن الذهـايـب
والشيخ بـن عجـاج حاكـم وجبـار = بالحق يحكـم بيـن مخطـى وصايـب
مولى التقـا مايخلـط الحلـو بالقـار = ولايقلـط فـى مجالـسـه عـايـب
وبن منيف الى علـى الجِمـل صبـار = جيـد سليـل اجـواد جـد ونسـايـب
هو ذخرنا هـو كفـو للحمـل لاجـار = ذخر القبيله فى الضـروف الصعايـب
وعـاد مـن روس الرجاجيـل تذكـار = ابن المقصـف فـى المهمـات نايـب
شيخـاً محنـك لـه معـزه ومقـدار = نعمـك بهـا لحيـه وصنديـد شايـب
وعادنـى مانسـاك ياذيـب مـغـوار = منصـور يبـدى عاليـات الرقـايـب
منصور فى الهـدات مسبتـه قنطـار = ماحد وصـل حيثـه وصـل يالذنايـب
ذولا مـن الاجـواد واجوادنـا كثـار = عـد الزواهـر والمطـر والسحايـب
والفسـل مالـه فـى مقاطينـنـا دار = لا لـه ولا النمـام مولـى السبايـب
وهـذا حذركـم ياعمييـن لبـصـار = وفنـدوا بيـن الخطـاء والصـوايـب



تلميحات :-
بن ثابت = الحكم علي بن صالح بن ثابت النهدي ( حكم قبايل نهد ) عرف عنه التقاء والقوه في البأس ، شديد على الأحتلال الشيوعي على جنوب الجزيره ..

بن عجاج = الحكم مبارك بن محمد بن عجاج ( حكم قبايل نهد ) وعرف عنه أنه يحكم بين أغلب القبائل بحكم " طاب وعاب "
أي أن العايب يطهر بعد حكم بن عجاج .. عرف عنه التدين فقد طرد المستشرق مبارك بن لندن من أراضي نهد كافه ومنعه من دخولها ..
أبن المقصف = الشيخ سالم بن حمد ابن المقصف النهدي ( معرف قبايل نهد ) وهو معرف للقبيلة عرف عنه التدين والخدمه الشريفه لقبيلة نهد

منصور = منصور بن خميس أبن ثابت النهدي .. عرف عنه قوت بأسه فقد قاد كتائب قبايل نهد لأسقاط الأحتلال الشيوعي وكان أسمه يرعب الأحتلال كثيراًَ ..
حارب بقبائل نهد حتى اسقط الأحتلال الشيوعي في جنوب الجزيره العربيه وقتل من قتل من رجالات نهد في حرب الوديعه بقيادة منصور بن خميس بن ثابت

الوديعه = منطقة تبعد عن شرورة 40 كلم تحت حكم السلطه السعوديه ..

أراضي قبائل نهد من شرورة حتى داخل بلاد اليمن ..
لازالت نهد تحكم بلادها بحكمها بشرع الله وسنة رسوله المصطفى - صلى الله عليه وسلم -
يقال أن هناك مخطوطات تثبت بوجود وادي لنهد بتثليث ولا نعلم ما مدى صحة هذه المقوله ..


أخيراً ...

حكمان نهد وهم أكبر شيوخها فنحن لا نطلق مسمى شيخ ولكن نطلق أسم حكم يعني يحكم كافة القبيلة
حكمان نهد هم ( أبن ثابت و أبن عجاج )

معيض بن صميع
25-11-2006, 11:48 AM
الأخ النهدي


شكرا على هذا التواصل الرائع


قصه وقصيده جميله للغايه

ومعلومات جديده بالنسبه لي ومفيده


لاهنت على النقل والمشاركه ونعم بك وبربعك وصح لسان القائل


تقبل أطيب التحيات.

سعود الحبابي
25-11-2006, 10:49 PM
يعطيك العافيه يا النهدي
ابيض وجه

النهدي
06-12-2006, 02:13 PM
ما عليكم زود ... يا بيضان الوجيه ..

أرحبوا ..

أنرتم صفحتي ومتصفحي ..


للمعلوميه الشاعر متواجد وفي حين تودون أن يكون هناك تواصل بينكم وبين الشاعر سوف أطرح له الموضوع ...

@ابوريان@
06-12-2006, 08:15 PM
يعطيك العافيه يا النهدي

محمد الحياني
06-12-2006, 08:36 PM
الله يعطيك العافية

قصيدة رائعة وصح لسان شاعرها

وقصة جميلة


وايضاح راااااااااائع


دمت

علي بن مسفرالحبابي
09-12-2006, 02:18 PM
الأخ النهدي


شكرا على هذا التواصل الرائع


قصه وقصيده جميله للغايه

ومعلومات جديده بالنسبه لي ومفيده

وسبعين نعم بك وبربعك وصح لسان الشاعر

وسلمت يمين الناقل وله الشكر

نهيد النهدي القحطاني
05-01-2009, 12:29 PM
والله ونعم يالعتور انا اشهد انك شاعر جزل وما تجيب الا الثمين

نايف راكان
06-01-2009, 07:51 PM
قصيده طيبه يالنهدي

وبيض الله وجهك

عبدالله الوهابي
06-01-2009, 11:38 PM
يعطيك العافية

ولا هنت على القصة والقصيدة

خالد الجروي
07-01-2009, 02:11 AM
الأخ النهدي


شكرا على هذا التواصل الرائع


قصه وقصيده جميله للغايه

ومعلومات جديده بالنسبه لي ومفيده


لاهنت على النقل والمشاركه ونعم بك وبربعك وصح لسان القائل


تقبل أطيب التحيات.