الليل الليل ياشعار........

[الرويشد]

السلام وعليكم ورحمة الله وبركاته

مابه الا سلامتكم نبي نسرّي الليل \ من ربعي قحطان أو غيرهم




من هجوس الشاعر اللي يفيد ويستفيد = ياسلام الله سلام(ن) يزلزل قاعها

وين أبلقي شاعر(ن) لاهرج شبحه بعيد = والسفينه مبحره بالبحر بشراعها

[الرويشد]

تصبحون علي خير يالربع

والجايات أكثر

[عبيدي الدمام/ابوزياد]

وراك عجل !!
تو الناس الليل طويل ..
اصبر بالرد من الشعار يالرويشد ..

[الهاوى]

من قال سالم وغانم واستلم يالغالي


مرحبا بالشاعر اللي يصاد ولا يصيد = وانت صيده يالرويشد مابين اسباعها
فالحقيقه يالرويشد ترى الهاوي عنيد = طوع الشعار قبلك لكن ما طاعها
ترى الدعوى يااخي الرويشد حماس ومنافسه شريفه

قال تعالي:
(يقولون ما لايفعلون) صدق الله العظيم

[الرويشد]

يامرحبا فيك أخوي الهاوي

ومثل ما قلت الدعوي سعة صدر




البقا ياللي ترحب عسي عمرك مديد = أنت ودك والنشاما طويلن باعها

لا تمدّح والرسايل مع ساعي البريد = مير علمني علوم العرب وأوضاعها

[الهاوى]

ياطـويل العـمر مـادام ضلعـك من حديد = فأفزع لدولة فلسطين يافزاعها
العرب في تالي الوقت في حال(ن) زهيد = بنتهم في كل ساعه تطش اقناعها

[الرويشد]

طيع شوري وأسمع العلم والراي السديد = خل ليلي لا تنـّـقض عليها أوجاعها

قالها الأول وأنا ودي أكرر وأعيد = كل شاة معلّـــــقه يالخوي بكراعها

[خالد آل مطرف العاطفي]

ارحبو ارحبو
يعيشون ...والله يعيشون ...محاوره ...جدآ رائعه ..ليت والله تستمرون ..
ويعطيكم العافيه
اخوكم
خالد

[الهاوى]

الله الله


شورمطلق بس ياطير شلوى لاتزيد=هكذا طبع العرب ماجهلت اطباعها
ادري انه مايفك الحديد الا الحديد=وادري ان الاغبياءمستحيل اقناعها

[الهاوى]

الاخ خالد شكرا علي مرورك الكريم
وعلي تشجيعك المستمر

[الرويشد]

ياخوي الجنب بعض التمني مايفيد = كود منهو قسـّـم أنصافها وأرباعها


قلتها لك وأنت هاوي تسـّـوي ماتريد = عانها قدمك تمشــّـا بروس أصباعها

[الرويشد]

أخــــــــــــوي

خالــــــد مرحبـــــا ومسهــــلا

واللــــــــــه يحييـــــــــــك