المساعد الشخصي الرقمي

مشاهدة النسخة كاملة : محاورة رجا الهاجري و سلطان بن سعيدان بدون ردود


محمد القويفل
11-11-2006, 01:05 AM
سلطان بن سعيدان
عبر موقع بني قحطان بين اقحطان = منبع المجد كله والمقـام الكبيـر

يارجا كلنا شفنا ضروف الزمـان = روحت بالكبير وروحت بالصغيـر




رجا الهاجري
انت مادمت ياسلطان راعي مكان =واجب انك ترحب جعل في الامر خير
واحمد الله على نعمة لمن والامان =والمخاليـق تفناوالرحا يستـديـر




سلطان بن سعيدان

انت تستاهل الترحيب حشمة وشان = في الزمان القديم وفي الزمان الاخير

يارجا حول الفارس وضاع الحصان = مثل ذاك القعود ومثـل ذاك البعيـر





رجا الهاجري

ياعزاز النفوس وياطـوال اليمـان =صارشئٍ وأناماكـان اظنّـه يصيـر
قدرة الله على الانسان ياابن أسعدان =مالك الملك بين أيديه العمر والمصير






سلطان بن سعيدان

تـدري ان الليالـي ماعليهـا ضمـان = يمكن الصبح يطلع لك حصـان مغيـر

حل شهر ارمضان وراح شهر ارمضان = ماوصلنا بشارة عقب مـوت البشيـر







رجا الهاجري

عقب راح المهلهل غنّ ياليل دان =أعرف انّه ماعقب الزيريالقرم زير
أرقد ارقدوحط اوسادتـك فالكنـان =وانتبه لا تشاخر مانحب الشّخيـر










سلطان بن سعيدان
احذر الشلة اللي يعلجون اللبـان = لوتسلم لك اكنوزالذهب والحريـر

ياهل العود واهل الهيل والزعفران= الشكر للجميع وخيرربـي كثيـر








رجا الهاجري


أترك التّرجمه يبلش بها التّرجمان =ماانت مكلوف فيهاياجناب الاميـر
يكرم المرء والا يهان في الامتحان =تصهل الحصن ويكمل نهيق الحمير

عبدالله بن غفره
11-11-2006, 10:25 PM
لاهنت يابو مسفر على الأختصار


وبيض الله وجهك على التنسيق والتنظيم الرائع



الشعار كبار وغنيين عن التعريف

وبيض الله وجيهم على المحراف الطيب


أخوووكم

هايل سعيدان الزهيري
11-12-2006, 07:19 PM
نشكرك ياالقويفل على هذا العرض

والشعار كبار ولا يحتاج

والمعاني وافيه ونزيهه " وكثروا منها "

تقبل تحياتي يالقويفل