قالو هبيل وجايز لي هبالي (مسلط بن شعيفان ابو ثنين)

[سعد القحطاني]

قالو هبيل وجايز لي هبالي ... هبال طيب ولا صحاوة رخامه

هذا البيت الشهير الذي نسمع ترديده على السن الكثير من متذوقي ومتابعي الشعر

والحقيقه انه بيت مليان ومحبوك بطريقة نادره

ومن خلال البحث عنه إتضح انه من ضمن قصيده لـ مسلط بن شعيفان ابو ثنين السبيعي

وحسب بعض الروايات ان القصيده موجهه للأمير الوليد بن طلال

وفيما يلي القصيده واتمنى ان قد وفقت في البحث والنقل :
.

يا أمير أنـا عنـدك حشيـم وغالـي=ولا احب انا شيٍ يمـس الكرامـه
نفسي تـروم المرجلـه والعوالـي= هـذا هـدف نفسـي وهـذا مـرامـه
تاجرت في بـاب الشكالـه بمالـي= بعت الرخامه وأشتريت القرامـه
قالو هـبـيل وجايـزٍ لـي هـبـالـي=هبال طيـب ولا صحـاوة رخامـه
هـذي تفاصيلـي وهـذي خصالـي = يقوله اللي مـا زهـد فـي كلامـه
أن جزت لك فأنا الرفيق الموالي= وأن عفتني مسموح ومع السلامه
دور وتلـقـا لـك رفــيــق بــدالــي= وكـلٍ يبـي رفقتـك تـرفـع مقـامـه

[آل سبعان]

السلام عليكم ورحمة الله وبركاته

لاهنت اخوي سعد
وانا سمعت ان البيت المذكور هو ماقال ابن شعيفان فقط وبعد ذلك اكملت القصيده وقد سئل الشاعر/ ضيدان بن قضعان
عن قصيده سمعها وتمنى انه قائلها فذكر هذا البيت واكد انه بيت واحد بقصيده

الله يعطيك العافيه وماقصرت

[سعد بن دعروم]

ارررحب يالسمي




القصيده رائعه وهذا اذا دل يدل على ذوقك الرفيع..




القصيده حسب ما اعلم لها مناسبه وهي ان مسلط كان مسؤول عن اعمال الوليد في لبنان وقام مسلط بإهدار الكثير من المال في الملاهي فغضب عليه الوليد..



الحقيقه القصيده رائعه لكن عندما تعرف سبب القصيده تشمئز نفسك منها :)






لاهنت لاهنت




تقبل تحياتي,,

[علي بن مسفرالحبابي]

ارررررررررررررحب تراحيب المطر ياسعد

تصدق من زمان اسمع هذا البيت هبال طيب ولاصحاوه رخامه

ولادري لمن لاهنت لاهنت ياسعد وبيض الله وجهك