يام .يام..ياقحطان

[سيد القصر]

اخواني الاعزاء راينا قبايل يام وجيه محلف والموروث الشعبي اللي يرفع الراس مداقيل وزامل وعرضات فيها الحماس والشجاعه والرجوله ..احتفال الشجعان لقائدهم بعيدا عن رقصات الموسيقي والتراقص الناعم لقد كانو مثالا للرجوله والشجاعه فشكرا لهم ويستاهل ابومتعب

[القحطاني النجدي]

والنعم والله بيام وجيه محلف

[عبدالله آل عباد]

سيد القصر


وش الترابط بين الموظوع والعنوان

[أبن عيفان]

والله و السبعة انعام بوجيه محلف

بيضوا بالوجه و يليت الاحتفال عندنا بتقديم الموروث الشعبي و العرضات بدون موسيقى و اغاني

[ناصر المعمري]

كنت اقول عسى مايحطونه اوبريت لأن الموروث الشعبي إذا دخلت عليه الموسيقى افسدت حلاوته
ولكن كفو برجال يام عزالله إنه حفلهم يبيض بالوجه ونقلوا الموروث كما هو حتى اللبس
ماهو بعض الحفلات الشعبيه يكشخ الواحد ويحط الكوابر في العرضه او القزوعي وكأنه داخل الفيصليه
وهذا اكثر ماعجبني

الأصاله لها معنى

لاهنتوا لاهنتوا

[آل معمر]

ونعم بوجيه محلف

وحفلهم كان طيب بدون أغاني وبدون تراقص وأوبريت

[فارس السروات]

حفل رااائع

للأسباب التاليه:-

حضور جماهيري كثيف

تنسيق الفقرات الشعبيه من حيث الدخول والخروج

الاداء الشعبي الاصيل الخالي من الاضافات


ولقد اعجبني الزامل بقوة كلماته وروعة ادائه وجماعية مؤديه

[الشايب وازع]

بيض الله وجيه آل محلف

[الهيثم]

والله والنعم ..

حفل فعلا رائع ..ولا زاد من روعته الا استخدام الطرق الاصيله للترحيب والاحتفاء بالضيف بدون اي تغيير او اضافات وهي والله علوم تبيض الوجه وماهي محتاجه لاي زيادات او تغيير ..

والله ياليت ربعنا هنا يسوون مثله بدون اورغ وموسيقى وسخافات ما انزل الله بها من سلطان ..

مشكور ياخوي سيد القصر ..

[أبو عساف]

أبومتعب يستاهل العلم الغانم

ومحلف كفو ولا هو غريب عليهم الطيب

شكرا على الموضوع

[محمد ال الضريره]

صبيان قحطان سلاطين العرب

ماعليكم زود

وجيهكم بيض يامحلف

واللي بيننا وبينكم ليس حلف بل جد وعوايد ترفع الراس

خالص تقديري

اخوكم / محمد ال الضريره

نجران

[أبو زيد]

ادعوا لأبو متعب بالتوفيق والسداد، هو من منع الأوبريتات والموسيقى في كل المناطق.
أبو زيد

[المنار]

السلام عليكم ورحمة الله وبركاته :
مشكور اخي العزيز سيد القصر
ومليون نعم في صبيان محلف
انشهد انه حفل يجمل المنطقه الجنوبيه
وان شاء الله يكون حفل منطقة عسير رائع بعيد عن التراقص اللي ماله داعي والابريتات والموسقى .