المساعد الشخصي الرقمي

مشاهدة النسخة كاملة : نصــــــيحــــه/نصــــــيحــــه


ابن سعيدان
03-02-2005, 12:01 AM
ابدي بذكر الله على نظم الاشعار=علام مستقبل زماني وماضيه
علام مكتوم الضمير والاســــــرار=رب الملا تخشى عذابه وترجيه
وخلاف ذا ياللي تطيعون الاشوار=خوذو كلام من ضميرى مسويه
خوذو نصيحة حاير الفكر محتار=عاش الزمان وذاق مره وحاليه
لاتامنون الوقت فالوقت غدار=كم واحد خانت حياته لياليه
دنياه تزرع له بختري ونوار=اليوم تضحك له وبكره تبكيه
ترى الفخر من قبل قصاف الاعمار=للي ستر عرضه وفرضه مصليه
وترى الفخر لمكرم الضيف والجار=واللي يعرض الروح من دون عانيه
وترى الفخر للي اليا جاه محتار=ماراح منه مفلسات اياديــــــــه
وترى الفخر للي على الوقت صبار=لاخانت الدنيا بعيد (مناصيـــــه)
وترى الفخرللي ركب على قحص الامهار=لاجا نهار كاثرات عزاويه
هذي تماثيلي وفي الناس شعار=والحق كل ياخذه ثم يعطيه
وبيت بليا ساس تراه منهار=لو كان من فوق الثريا مبانيه
وتمت وصلى الله على سيد الابرار=صفوة قريش اللي تبعنا مماشيه


,,,,,,,,,,,,,,,,,الشاعر فهد بن حمود المحيشير,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,

آبن فهم ال عبدان العاطفي
29-09-2009, 02:08 PM
ارررررررررررحب يالقرم بيض الله وجهك على القصيده الرائعه
للشاعر فهد المحيشير رحمة الله
لاهنت
تقديري لشخصك العزيز
http://www.d1m3.com/vb/images/smilies/zmnn201436.gifhttp://www.d1m3.com/vb/images/smilies/zmnn201436.gifhttp://www.d1m3.com/vb/images/smilies/zmnn201436.gif

سفر بن مبارك
29-09-2009, 02:52 PM
صح لسانك لاهنت......................

عايض الفهري ابوبندر
29-09-2009, 05:08 PM
صح لسانك





لاهنت



يعطيك العافيه



تحياتي

أبن مهذل
29-09-2009, 05:44 PM
ارحب وصح لسانك

والله يجمل حالك

قصيدة جزله وتطرب

لاهنت

بس عندي ملاحظه القصيده لها 5 سنين وتزكم تردون اليوم

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!

هادي فارس السنحاني
04-10-2009, 11:05 AM
ابن سعيدان الله يعطيك العافيه وقصيدة جزلة من رجل وافي

مشاري بن نملان الحبابي
04-10-2009, 06:13 PM
بيض الله وجهك على النقل ..

ورحم الله الشاعر فهد المحيشير ..