المرجلة ماتجيك بلاش // جمرة على كف قاضبها

[القهره]

قائلها هو احد الدوشان من مطير في سعد بن محمد بن حصين من ال حلفة ال سعدالجحادر حيث كان على بئر في سديره بالجلة وكان كريما لدرجه انه لا احد يمر بالقرب من الجله الا مايمر علية ويستضيفة وترك محلة وشد لمكان اخر فلما اتا الدويش وجد رجل اخر اسمه قطاش حالين في مكانه فلاحض الدويش الفرق بينهم وقال هذه الابيات

ليت الحصين بدل قطاش #يعطى الركايب مواجبها

ويحط الحيل وتحتها فراش # والهيل والبن جايبها

والمرجلة ماتجيك بلاش #جمره على كف قاضبها

قطاش لارحم ابو قطاش # قفى وخلا مواجبها


وســـــــــــــــلامـــــتكم

[سعد القحطاني]

لاهنت يالقهره


سالفه جميله وترفع الراس


رحم الله الدويش وبن حصين


لاتذخر علينا مثل هذه السوالف لاعدمناك

.

[أبا الذموم]

الأخ القهرة أرررررررررررررررررررررررررررحب يا ذيبان
لاهنت على هذه القصة والقصيدة والله ونعم ٍ بك وبآل سعد وبالدوشان قروم وفرسان في الجهل والإسلام.
بيّض الله وجهك ولك مني خالص الشكر والتقدير .
أخوك أبا الذموم.

[جبل بن زيد]

لاهنت يالقهره


سالفه جميله وترفع الراس


رحم الله الدويش وبن حصين


لاتذخر علينا مثل هذه السوالف لاعدمناك

[خالد العاصمي]

أجل خربها قطاش

كفو والله وكريم يابن حصين

ولاهنت يالقهرة على السالفة والقصيدة اللي ترفع الراس لكل من يبحث عن المراجل وسواياها

[متعب الهاجري]

ماهي غرييييييبه على صبيان القحاطين علوووم الطيب

لاهنت يالسنافي

[سفير بني بشر]

لا هنت يا الغالي

[عطيب الضرايب]

السلام عليكم ورحمة الله وبركاته

تشكر اخي القهره على القصه والقصيده الطيبه
اللي تنومس .
وهذا بيت من قصيده طويله والعالم الله ان لها قصه
ولا اعرف منهو قائلها . تفضل

المراجل ماتهيا هاسويا **************** كود من عض النواجذ في سنونه
ياجماعه كيف ما فيكم حميا ***************** كيف صيا ح الضحى ماتسمعونه

تقبل تحياتي

[متعب الهاجري]

عطيب الضرايب

الي قايل الابيات الي انت كاتبها

هو واحد من مطييييير اشتهر بالكرم

[عطيب الضرايب]

بني هاجر . جز وانعم !!!

( لاتصير مثل الحيد المحناه )
انا عارفين انها لي مطيري لاكن من مبدى اعطا الفرصه لي صاحب الموضوع لياخذ ويعطي . فهمت !!!

[القهره]

جميع الاخوه الاعضاء والمشرفين الي مروو على الموضوع لكم مني جزيل الشكر

[الـــجـــحــلــي]

الله يعطيكم العافيه

[ابو فراس المندي]

الأخ / القهره

بيض الله وجهك على هذه القصة والقصيدة

مشكورررررررررررررررر

أخوك / أبو فراس المندي

[راعي المصنه]

السلام عليكم
الاخ / القهره
بيض الله وجهك ياكحيلان
على هذه القصه الجميله
التي تحكي لنا مآثر ربعنا ال سعد
والى الامام يالقهره

[حسن بن جعده]

شكرا على القصة والقصيده

[متعب الهاجري]

عطيب الضرايب التذكير ماهو عيب ولا حرام
هذا منتدى وكل منا يعلم الاخر ويوجه ويكمل له
يعني التعاون مافيه عيب بين عيال العم

[القهره]

الاخوان الي علقووووو على لاهنتووو المرور

[ذيب المعادي]

لاهنت على هذه القصه والقصيده




اخوك

[علي بن شداد القحطاني]

تسلم يمينك يالقهرة على هذه القصة والقصيدة المعبرة ولا هو بغريب عليك الأختيار الموفق وتقبل تحياتي ،،،

[شلال الرفيدي]

لاهنت يالقهرة وبيض الله وجهك على النقل المتميز والطيب ماهو غريب على أهله و السلام عليكم ورحمة الله وبركاته

[خيال الزرقاء]

السلام عليكم ورحمة الله وبركاته
أرحب
لاهنت على موضوعك وال سعد وافين وحزام وقت الشدايد