حامد الجذع
02-02-2005, 03:23 PM
قصيدة مهداة للشيخ/عمير بن فهد ال روق القحطاني
بمناسبة مشاركة في مزاين أم رقيبة لعام 1425هـ وتحقيقة المركز الثالث قيلت في الحفل الذي أقامة الشيخ عمير تكريماً للمشاركين في المزاين.
أول جواب للجذع في كلامه=ذكر الله المعبود رب الأنامي
رب خلق للكون واحكم نظامه=وجعل شعاع النور يجلا الظلامي
رب تكفل بالطفل لي فطامه=واسبغ عليه الرزق بعد الفطامي
الله جعل للأبل شان وعلامه=وحب لها بقلوبنا واهتمامي
يازين شوف الوضح فوق العدامه=منقادة للروض والروض زامي
مثل النجوم اللي تبوج الغسامه=طوال الرقاب ونابيات السنامي
يبرا لها الركبي عليه المسامه=ويحوفها جيب يسوقه غلامي
هذي طرات العمر قبل انصرامه=لي صرت مكمل فرضها والصيامي
وخلاف ذا التراحيب نصف الكرامه=يامرحبا واعداد وبل الغمامي
بضيوف قحطاني أهل الاستقامه=تقديرهم فرض علينا لزامي
قبايل يستاهلون السمامه=أهل المواقف والفعول الجسامي
عند ابن عم سرّنا في مقامه=ناموسه إلنا عند ذكر الأسامي
عمير والمجد وتعلا سنامه=كريم ويكرّم رجال كرامي
شيخ حضرلمزاين الإبل عامه=شارك ونافس واستحق الوسامي
أبو فهد حر بعيد مرامه=ياحي والله عين ذاك القطامي
الحر ماهو مثل فرخ الحمامه=الحر مخلابه من الصيد دامي
مثّل بني عمه وحقق حلامه=وقاد المراجل كلها بالخطامي
ثلّث لها سبع الغداري حزامه=وسبعين نعم به وذاك الحزامي
عوايد لاهل الوفاء والشهامه=متوارثه ما بين جد وعمامي
اعيال روق محتمين الجهامه=في ساعة فيها تضيع الحلامي
من لابة الشايب كبير العمامه=قحطان هل مجد جديد وقدامي
وكل القبايل ما لحقهم ملامه=وافيين ورجال عليها الكلامي
والشكر للمعبود واللي نظامه=طبّق كتاب الله شرق وشامي
الشكر لابن سعود راع الزعامه=دايم يشرف حفلنا كل عامي
هذا جوابي والعذر في ختامه=وتقبلوا مني جزيل السلامي
حامد الجذع
12/11/1425هـ
بمناسبة مشاركة في مزاين أم رقيبة لعام 1425هـ وتحقيقة المركز الثالث قيلت في الحفل الذي أقامة الشيخ عمير تكريماً للمشاركين في المزاين.
أول جواب للجذع في كلامه=ذكر الله المعبود رب الأنامي
رب خلق للكون واحكم نظامه=وجعل شعاع النور يجلا الظلامي
رب تكفل بالطفل لي فطامه=واسبغ عليه الرزق بعد الفطامي
الله جعل للأبل شان وعلامه=وحب لها بقلوبنا واهتمامي
يازين شوف الوضح فوق العدامه=منقادة للروض والروض زامي
مثل النجوم اللي تبوج الغسامه=طوال الرقاب ونابيات السنامي
يبرا لها الركبي عليه المسامه=ويحوفها جيب يسوقه غلامي
هذي طرات العمر قبل انصرامه=لي صرت مكمل فرضها والصيامي
وخلاف ذا التراحيب نصف الكرامه=يامرحبا واعداد وبل الغمامي
بضيوف قحطاني أهل الاستقامه=تقديرهم فرض علينا لزامي
قبايل يستاهلون السمامه=أهل المواقف والفعول الجسامي
عند ابن عم سرّنا في مقامه=ناموسه إلنا عند ذكر الأسامي
عمير والمجد وتعلا سنامه=كريم ويكرّم رجال كرامي
شيخ حضرلمزاين الإبل عامه=شارك ونافس واستحق الوسامي
أبو فهد حر بعيد مرامه=ياحي والله عين ذاك القطامي
الحر ماهو مثل فرخ الحمامه=الحر مخلابه من الصيد دامي
مثّل بني عمه وحقق حلامه=وقاد المراجل كلها بالخطامي
ثلّث لها سبع الغداري حزامه=وسبعين نعم به وذاك الحزامي
عوايد لاهل الوفاء والشهامه=متوارثه ما بين جد وعمامي
اعيال روق محتمين الجهامه=في ساعة فيها تضيع الحلامي
من لابة الشايب كبير العمامه=قحطان هل مجد جديد وقدامي
وكل القبايل ما لحقهم ملامه=وافيين ورجال عليها الكلامي
والشكر للمعبود واللي نظامه=طبّق كتاب الله شرق وشامي
الشكر لابن سعود راع الزعامه=دايم يشرف حفلنا كل عامي
هذا جوابي والعذر في ختامه=وتقبلوا مني جزيل السلامي
حامد الجذع
12/11/1425هـ