ال شايب من ال سعد وفروعهم

[الجمل]

عرف عنهم الشده والشجاعه بين القبائل
بلادهم بين وادي الدواسر والربع الخالي ونجران اي انه يحدهم من الشمال وادي الدواسر وتثليث ويحدهم من الجنوب الربع الخالي ونجران وبلادهم بلاد رعويه ويوجد بها الماء بغزاره0
واشهر بلادهم
1-قهر ال شايب او مايسمى هضب ال شايب وهي هضاب وجبال شامخه يراها المسافر عن بعد مائتين كيلوا تتخللها الوديان والشعاب
2-الزرق تقع شمال القهر وتبعد عن القهر حوالي الستين كيلوا يوجد بها مركز اماره ومستشفى ومدارس بنين وبنات استوطن فيها بعض من قبائل ال شايب
ومن ديارهم ايضا
3- اليهر
4-خيور
5-مريغان
6-عروى
7الحبيات
8-اللحوح
9-نجد الدم
10-النجود
11-الصوح
12-فريشه
13-باقم وغيرها الكثير
تنقسم ال شايب الى قسمين رئيسيين هما0
1- عيال صالح
2-عيال مسفر وينقسم كل قسم الى قبائل ومنهم0

ال شليل
ال مسعد
ال خميسة
ال مجيبة
ال حويل
ال حثله
ال مستوره
ال جميدان
ال حميران
ال سعيّد
ال مبطي
ال زويقان
ال دبا
الكرافيت
ومن اشهر شيوخهم
ولد ابو شيبة= نديل= نبيج= بن ترفه= مردف= بن عجل= بن جريب= جابر= الوبير= دبا= فيصل وغيرهم الكثير
اما عن حروبهم وغزواتهم فاكثرها بينهم وبين يام والدواسر في الجنوب بستثناء غزوتين واحدة في خريص بالقرب من الرياض مع العجمان قتلوا فيها الدامر من شيوخ العجمان والاخرى في نجد مساندين الشيابين على احدى القبائل وشيخهم كافه بن لبده
وما قصرت ابن شايب على المعلومه القيمه
وشكراااااااا

[فارس قحطان]

وين المصدر ؟؟؟؟؟؟


| | | شروط قسم الأنساب | | | (http://www.qahtaan.com/vb/showthread.php?t=1578)

[الجمل]

فارس قحطان حياك اخوي
المصدر هو /ابن شايب وهو واحد منهم وعضو في الموقع هنا
وغير ذلك هم ربعي و عارفهم زين
وسلامتك

[فارس قحطان]

انا معك يانفدا ذا الوجه

بس ضمن الشروط انك تذكر المصدر الشخص واسمه او الكتاب

لأن الانساب صعبه :) لازم نتوثق من المصدر


فأرجو انك توضح المصدر

[ابن شايب]

ابشر بالمصدر يافارس قحطان والغلط مني والمصدر ثقه وهوا
الشيخ دعمان بن علي من مواليد سنة 1288 هجريه وعمره حوالي المائه واربعون سنه وبشرك طال عمرك مازال على قيد الحياة ويتمتع بالصحه والعافيه وهوا من اهل تثليث اسئل عليه ويدلونك وفيه واحد اسمه الفغاص اكبر منه سن 0 والعذر والسموحه

[الجمل]

لا بلا قلبك يا ابن شايب
والله ماتحسفت في حياتي
الا عليكم يوم روحتو للجنوب
وهملتونا يربعكم في نجد
ولو انكم جلستو في نجد كان جا علم ثاني

[ابن شايب]

ماعليك والله زود ياوجه ال براك
وماقصروا اعوال الشايب صبيان ال هاجر خذوا الحسا وصبيان الجحادر خذو نجد وصبيان عبيدة خذو حايل والشمال كلها
ويكفينا والله بن لبدة في نجد وفعاله هو وربعه الي تبيض الوجه اللي نتمارا فيها ليوم الدين
وترانا مارحنا منكم انتم اللي روحتوا وهملتونا ياربعكم واخذتو ديارن ماهيب لكم .....حجت والله يمانيكم

[غير مسجل]

سلام
وعقب السلام
فانا عانية لقحطان بلاتحديد
وابي من الرياجيل اللي يتكلمون في مصادر
الانساب انهم يخافون من الله
ويعنزون على احد الثقات
والشيبان اللي تعدوا المية سنة مع احترامي لهم
فكلامهم ماهو باكيد
لان العمر له حقه في عمر ابن ادم
ويقوم الرجال يفك ويربط لاتعدا السبعين فلسيات انه تعدى المية وبعدها سنين لها ونين
فالمفروض على الرياجيل انهم ياكدون كلامهم ويوثقونة عند الدولة ولايطلعون تسجيل لهم او كتاب عنهم مرخص من الحكومة
من جهة الاختصاص يعنى من وزارة الاعلام
لحيث انه لايتجب هذا الكلام الامن رياجيل لهم معرفة سابقة
فالدعوى ياقحطان ماهي بسيطة الدعوا نسب ونشب
وارجو التوثيق رسمي في الاعلام
والله يحفطكم ويرعاكم ويانوم عين من انتم عزوته

[الجمل]

لاهنت اخوي وماقصرت يالعانيه
والجود من الماجود هذا الي قدرنا عليه الحين والكتاب انشاء الله في الطريق
ومشكور على مرورك اخوي ومشاركتك معنا

[كحيلان]

لاهنت على نقل فروع ال سعد وكفو والله


وبيض الله وجهك يا الجمل


ولاهنت

وتقبل تحيايتي

اخوووووووووووووك

كحيلااااااااااااااااااااااان

[ابن شايب]

يخوي يالي ماسجل اسمه ماقول الا كلامك مردود عليك وعلم ان لولا كبار السن لما كتب شي عن العرب الله يجزاك خيراما بالنسبه لاعلام والدوله والترخيص والله يخوك مافهت من الكلام شي بس اللي فهمته انك تبي تفلسف

[تركي الفهري]

السلام عليكم ورحمة الله وبركاته


بيض الله وجهك يالجمل ياللي علمتنا بفروع آل شايب

[بن لبده]

والله والنعم بى ال شايب

[القهره]

كفووووووووووووووووووووووو ويستاهلون الطيب يا ال شايب

[شليويح]

بيض اللة وجهك ياوجه البراك على المعلومة

[علي بن شافع العنبسي]

الجمل اشكرك واشكر ابن شايب واشكر القهره واشكر كل من ساهم في هذا الموضوع

الجميل الذي يتعلق بقبيله مثل ال شايب وكان فخرا لهم المثل


( كفيت النشايب ودين ال شايب )


ال شايب من اعلام قبائل قحطان لهم صولات وجولات ويكفيهم الفارس ملكاد الذي قتل خمسة عشر من احد

القبائل المعاديه للال شايب وكم هومن غيره من هذه القبيله العزيزه وكذلك الفارس شعوان

هذا والسلام

[ابن شايب]

جعلني ماعدمك يالعنبسي والله ماعليكم زود وافين في كل شي ياذخرنا
لكن لي ملاحضه بسيطه يالقرم في المثل اللذي قيل في قبيلة ال اشايب
وهو ( كفيت النشايب وحرب ال شايب) ونت يالعنبسي من العواني من عواني ابن حنيان الشايبي على ماضن

اما هذا المثل يالقرم قيل فيه قصائد عده اذكر منها هذة القصيده:


الاد شايب هم هل الخيل والقنا=واهل الديار اللى تزاحم خيولها
ترفع بيارقهم على كل هيه= والطيب والعلياء هذا ميولها
اصفى من الصافي على جاري النهر= واعز وانود من مزاريق عودها
واثقل من جبال الجزيره وماحوت=وجهل من الجاهل ليا جا عجولها
لنا منزل مابين يام وزايد= ليا ذكر المنزال يذكر نزولها
دارن لنا ماهيب دارن لغيرنا= نرسي بها مثل الجبل في سهولها
ربع الكرامه ريف هشالة الخلا= ريف الهجيف اللى لفت من محولها
حنا لنا عند القبايل هيبه= مضرب مثل عرض الجزيره وطولها
اصبح مثل دارج وفي كل مجلس= الضيف لامن شاف كيفه يقولها
قد قارنوا في حربنا والنشايب= اكفت حرب الاد شايب وصولهاوقيل ايضا

نداء لال شايب والندا يحيي الضمير=تحافض على اسم الشايب الى تسموابه
من واجهك من صلب شايب ولو اصغير= سلم عليه وحاسبه وحبس احسابه
لوهو صغير في عيون العدى كبير= صغير الحرار ينثر الدم مخلابه جعلني ماعدمك يالقرم انت ومن يسمع

اخوكم على ال خميسه الشايبي السعدي

[عميرالحبيب]

ونعم يال شايب مواقف يشهد عليها الله ويشهدون الرجال..

[ابن شايب]

ارحب يعمير والله ماعليك زود يبو مرحبا لنا الشرف يالقرم

[القهره]

أرحب شكراً لك اخي الكريم على هذا المشاركة

[سنحان بن عامر]

الاد شايب هم هل الخيل والقنا=واهل الديار اللى تزاحم خيولها
ترفع بيارقهم على كل هيه= والطيب والعلياء هذا ميولها
اصفى من الصافي على جاري النهر= واعز وانود من مزاريق عودها
واثقل من جبال الجزيره وماحوت=وجهل من الجاهل ليا جا عجولها
لنا منزل مابين يام وزايد= ليا ذكر المنزال يذكر نزولها
دارن لنا ماهيب دارن لغيرنا= نرسي بها مثل الجبل في سهولها
ربع الكرامه ريف هشالة الخلا= ريف الهجيف اللى لفت من محولها
حنا لنا عند القبايل هيبه= مضرب مثل عرض الجزيره وطولها
اصبح مثل دارج وفي كل مجلس= الضيف لامن شاف كيفه يقولها
قد قارنوا في حربنا والنشايب= اكفت حرب الاد شايب وصولها

عز الله ما كذب الشاعر في ذمتي
قول وفعل ونعم مليوووووووووووون بآل شايب
لهم تاريخ يرفع روس من هم منه ...
تحياتي للكاتب وكل من علق ولا تبخلون علينا بسوالفهم وتاريخهم خصوصاً أخونا ابن شايب ...

ابن عليان العنبسي

[المسني]

ونعم يالاد شايب

[محلفي]

اما عن حروبهم وغزواتهم فاكثرها بينهم وبين يام والدواسر في الجنوب بستثناء غزوتين واحدة في خريص بالقرب من الرياض مع (العجمان) قتلوا فيها (((الدامر))) من شيوخ العجمان والاخرى في نجد مساندين الشيابين على احدى القبائل وشيخهم كافه بن لبده
وما قصرت ابن شايب على المعلومه القيمه
وشكراااااااا

السلااااام عليكم ورحمة الله وبركاته
أولاٌ ونعم بربعك...وبقحطان كلهم...

ثانياٌ ابغى مصدر من الجميع وليس فقط كاتب الموضوع للغزوه اللي تقول عند خريص على (العجمان) وقتلتوا فيها (الشيخ الدامر)؟؟؟

وعطني اسمها أو قصيده فيها...ومن كان شيخ قحطان ذاك اليوم؟؟

واتمنى اجابه...تخاطب العقل قبل العواطف...لأن حنا كلنا قبايل وكل واحد يعرف يمجد عمره...ويطلع علومه...
بس ... اقولك ملاحضه: لو مدحت الطيب بشي مهوب فيه يعتبر مذمه له...

لأني أعتبر هذه الغزوه غير صحيحه...وإذا كانت هناك مناوشات...لم يقتل فيها الدامر....وهاذه معلومات مؤكده
والمجال مفتوح للجميع لمن كان عنده مناقشه في هذا الموضوع
انتهى،،،،وأختم مثل مابديت..السلام عليكم ورحمة الله وبركاته

[ابن شايب]

بسم الله الرحمن الرحيم السلام عليكم ورحمة الله وبركاته شكراً لك اخي الكريم على الزياره وارحب
اول شي طال عمرك هية ال شايب مع العجمان عند خريص قتل خلالها الدامر براسه وهوا خال لاسرة من ال سعود معروفه وذا كنت انت من ال الدامر فأنك تعرفها حق المعرفه وكان هناك ادوات حربيه لاال الدامر موجوده عند قبائل ال شايب لازالو يحتفضون بهااا كانت لدامر والقصه لاتجهلك اذا كنت انت من ال الدامر فانت تعلم وش جرا قبل سنوات قليله مع الذين هو خالهم اما شيخ او قائد القوم المغيرين فهناك شيوخ وعقدا حضرو هذه الهيه وهم على الاصح حناشل لايؤمرون عليهم ياخذون مايجدونه
واخر شي ماقول الا ونعم بصبيان محلف ربعنا وحلفنا القديم0

[محلفي]

بسم الله الرحمن الرحيم السلام عليكم ورحمة الله وبركاته شكراً لك اخي الكريم على الزياره وارحب
اول شي طال عمرك هية ال شايب مع العجمان عند خريص قتل خلالها الدامر براسه وهوا خال لاسرة من ال سعود معروفه وذا كنت انت من ال الدامر فأنك تعرفها حق المعرفه وكان هناك ادوات حربيه لاال الدامر موجوده عند قبائل ال شايب لازالو يحتفضون بهااا كانت لدامر والقصه لاتجهلك اذا كنت انت من ال الدامر فانت تعلم وش جرا قبل سنوات قليله مع الذين هو خالهم اما شيخ او قائد القوم المغيرين فهناك شيوخ وعقدا حضرو هذه الهيه وهم على الاصح حناشل لايؤمرون عليهم ياخذون مايجدونه
واخر شي ماقول الا ونعم بصبيان محلف ربعنا وحلفنا القديم0


وعليكم السلام ورحمة الله وبركاته
اخي العزيز(ابن شايب) اتمنى ان تكون بخير وصحه وعافيه.........................اما بعد..
اخي العزيز انا طالبت بأسم الغزوه اللذي قتل فيها الدامر ولم تذكرها...لتأكيد التاريخ لأن التاريخ ليس فيه مجامله..
وطالبت بأسم شخصيات من قحطان اللي شاركوا فيها سواٌ كانوا (شيوخ أو عقدا او فريس) ولم أجد الأجابه...
وللأجابه على على تسأولاتك...انا ماني من ال الدامر...وال الدامر معروفين عندنا يالعجمان انهم شيوخ ال ضاعن من العجمان وهم معروفين من قبل ما يصيرون هم خوال ال سعود وقبل ايضا يصيرون ال سعود
خوالهم...وانا ماني منهم ولاكني ضاعني واعرفهم حق المعرفه....وال الدامر هم الموالين من العجمان للقحطان من حيث المنطقه الجغرافيه وهم اللي يغزون قحطان...والدامر مابعد غزي عليه في محله....
اما اذا كنت تتكلم عن ادوات حربيه للدامر وتقول انه مامات الا هو براسه فمن الواضح انك تتكلم الشخص اللي قتلوه القحاطين الا وهو (فهد أبن محمد الدامر) ولكن لابد ان تذكر الصحيح في هذا أو تسأل الناس اللي تقول انهم حضروها ولاأعتقد انه عاد فيه احد حاضرها...لأن مقتل الشيخ فهد الدامر كان فيه سنة(1897) وتفاصيل مقتله كانت على النحو التالي...كان غازي جنوب صوب ديار قحطان...ولما أمسوا ربعه اللي معه سرى في ليله يبغى يشوف الدرب قدامهم وعاده بيرجع عليهم لأنه هو الوحيد اللي يدلها ... وكان فيه رياجيل (حنشل)يشوفون الرجال على ذلوله على سنا القمر...ورماه واحد منهم بالبندق وكانت الرميه جايته من ورى في ضهره..وتقاطعوه اللي خذا جوخته واللي خذا بندقه واللي خذا ذلوله واللي خذا (فتخته) والفتخه في ذاك الوقت عباره عن (خاتم) لا يلبسه الا الشيوخ...ويوم تباطوه ربعه ولحقوه لقوه طايح ومسلوب...وثمٍ تتبعوا أثر القاتل لين ضيعوهم في جبال او مناطق جبليه ماينشاف فيه (الأثر)....وكان معه البعض من العجمان والدواسر وال مره...وفهد الدامر هو المعروف انه قتل من قبل قحطان ولحاله وفي ليل وليس في (غزوه)أو مواجهه أو غاره على العجمان...بل قتل في ديار قحطان وهو اللي كان غازيهم...وجى شايب من ال شامر من العجمان تقريباٌ سنه 1970 الى الشيخ/عبدالله ابن فهد ابن محمد الدامر...ومعه الفتخه أو البندق حقت فهد الدامر ويقول انه لقاها مع قحطاني وقتله بعد ماعرف انه منهم وخذاها منه وجابها لعبدلله الدامر يعرضها له وهو يقول اسمحو لي فيها بحفضها عندي...هاذا الشي المعروف عندنا ومتأكدين منه...ودمتم سالمين يامحلفنا

[ابن شايب]

بسم الله الرحمن الرحيم بعد التحيه والاحترام اتمنى ان تكون على خير مايرام يوجه محلف
اول شي ونعم بال ضاعن من اولهم ليا اخرهم ونعم بشيوخهم ال الدامر اما اسم المعركه فوالله لاتحضرني الان ولكن حسب اقوال كبار السن ان ال شايب والعجمان تواجهو بنجد علما ان ال شايب كانو يتوغلون بنجد من غير امير كما قلت انت سالفا عبارة حنشل والحناشل كما هو معروف لايقودهم زعيم معين بل كانو ياخذون ماتوهم بدون بيرق وبدون سلف او مجمول او عطفه وتواجهو بالقرب من خريص ودارت المعركه بين الرجال ولما رئو الدامر رئيس العجمان على فرسه وكان فارس لايشق له غبار وامير محنك قتلو فرسه لانها سريعه لاتسبق وكانت تكسر على القوم ويقال انه اعياهم فما كان منهم الا ان قتلو فرسه كانت في رده ومشطهر عن المعركه فسقط من فرسه فقتلوه ونتهت المعركه بنتصار ال شايب فلما انتهت المعركه بين الطرفين وهي معركه جرت بدون بيارق وبدون قاده وبدون سلف يتبع ماكان منهم الى ان اخذو ادواته الحربيه والجوخه وهي موجوده حتى الان موزعه بين القبيله واما المنطقه ليست كما قلت جبال وعره بل في ارض منبسطه
واما الرجل الذي من ال شامر الذي زعم انه اتى ببندق الدامر فهو من غير زعل لم ياتي بالبندق والا الفتخه ولا الجوخه اذ انها كما قلت لك موجووده بالحفض والصون وكذالك الدربيل الذي كان يسبر به
وفي الاخير كانت العرب والقوم اخذ وموخوذ وال الدامر والعجمان كما هو معروف فرسان معروفين ونعم في محلفنا من اول وتالي
ا

[فارس ال شايب]

السلام عليكم ورحمة الله وبركاته اخي ياوجه محلف الحروب كانت بين قحطان ويام مستمره بين ماخذ وماخوذ واشهر حرب بين ال شايب ويام حرب الحايره بين وادي الدواسر والربع الخالي وكذالك حرب واسط بين الاسلوم وال شايب والقبائل ذاك اليوم مثل ماقلت ماخذ وماخوذ

[ابن شايب]

شكرااا لك يوجه ال شايب على مرورك الكريم والمعارك التى جرت بين ال شايب ويام عضيمه ولكن اهمها حرب واسط على ماضن ولكن مجرياتها ليس متاكد منهاا

[فارس ال شايب]

ووجهك ابيض لكن ابيك تذكرهااا الله لايهينك وكذالك حرب السناح مع الصيعر

[اللبدى]

الله لايهينكم جميع
نعم للحوار الهادئ ولتقصي الحقائق الى الامام
والله يعطيكم العافيه

[ابن شايب]

أرحب ياللبدي مرحباا ومسهلا والله لايهين الجمل
فارس السناح بين ال شايب ومعهم ال فاضل والبعض من المشاعله ضد قبيلة يمنيه يوم ارحلت ال سعد والبعض من المشاعله في طريقهم لوايله ونشاء الله يصير خير