المساعد الشخصي الرقمي

مشاهدة النسخة كاملة : رديه


مطلق
01-02-2005, 01:27 PM
القصيده وجهتها للإخ العزيز الشاعر مبارك بن عايض حفظه الله




لي حصل في الوقت نكسه وانتكاس = ومـن ظروف الوقت ما طالت يـــدي

وان وقع في الراس منهاالف فــاس = راس مــالي طول صبري وجــــهدي

والدهور تمـــر في الارض اليــباس = مــابـــرق فـــيها خيال ينـــــــشــــدي

واختلط شــــوقي مع زود الحمــاس = واندفعــــــت ونســـــأل الله يهـــــــدي

لي ثلاث أيام ماذقــــت النعـــــــاس = سـامر قـــلبي مــع نجـــــم الجـــــــدي

أدرج والحـلم منه الراس طـــــــاس = ولا لقيت مفــــسر عنه أنشــــــــــــدي

ثم تــــناولت القــلــم ثــــم لاح راس = راس قــــاف زارني فــــي مرقـــــدي

ثم توالت كنهــــا قــــــدح التمــــاس = ضغط عالي وســـــط راســـي يرعدي

قلت مالــــي غير ابو عايض مرآس = عزوة وانا لــــها هــــــدي قـــــــــــدي

وسقت لك فيــها ســـلام مايقـــــــاس = عد ما حســــــب وعــــد معـــــــــددي

وفي جنان الخلد ياساس الأســــــاس = ياعور ثــــــاني عســـــاك مخـــــــلدي

مورث رجـــــال على العليــــا ترآس = تفرح بشوف الرفـــــيق وتســــــعـــدي

رآس مـــــال جــعل مــــال ما يـراس = جعل خلفاته بها القـــوم تغـــــــــــــــدي

محزم لي صار في الوضــع التبـــاس = وباروا الصــدقان ثم بـــان الــــــــردي

فزعة لي زاعنــي فــي الوقــت بــاس = علقت رآيــــــــات عــــزي وسعــــــدي


وهذا رده علي:


للـعـزايـم والجـلـد والـــصـبـر نــاس = وللـتـجـارب نـاس تـحـداها حدي

ورحـمـة الله دونـهـا مـاقـطــع يــاس = حـتـى ديـن الـفـِجـِر يدفع له فدي

ومـن يـفـوز بـطـاعة الله نـال كــاس = سـلـسـبـيـلٍ يـجـعـل اليابـس ندي

وطـيـحة الـمـومن لـيا طـاح متـواس = والـمـنـافـق يـنـكـسر شاص وبدي

ويا وجودي من تعب خمس الحواس = والـسـبب مـن قــال لـي يامسـنـدي

تـاج راسـي درع جـنـبــي واللـبـاس = والـفـخـر والـعـز كـلـه مــرتـــدي

والـقـصـايـد صـاغـهـا لـولــو وماس = جـوهـرٍ رافـق حــروف الأبجدي

مـن ذهـب صــافـي ولا فـيـها نحاس = كـل قـاف وكـل مـعـنــىً مـقـتـدي

فـاق شـعـر الأصـمـعـي وابـو نـواس = مـطلـق ومـطلـق وعوق المعتدي

إن تـشــائـم دقـنـي شـوك الــهَـــراس = وان تـفـائـل قـمـت أثولث وأعدي

جـعـل راس اللاش تـآكـله الـبـسـاس = ومـن بــرد لي قـلت تكفى يابعدي

ياولـد مـن خـصـمهم حـظـه يـحــاس = عـاثــرٍ حـظـه ولا هـو بـأجــودي

أشـهـد انـه مـن عـمـاس فـي عـمـاس = وللـصـديـق وللـرفـاقه مـقـصـدي

وكــان جـار الـوقـت وحـبالـه مسـاس = أذكـر ال خجـيم يضـحـك ناجدي

وشــي مـا يـرضـيـك عنك بعيد طاس = وتـآمـر أمـرالله عـلـيـنـا يـشـهـدي

وجـارك الله فـي الـمـهـونه والعـكـاس = ولا تـرى عـيـنـك نـهـارٍ أســودي وســــلامتكم......

هاوي نجد
01-02-2005, 03:11 PM
لاهنت يا مطلق على هذه المساجلة الاكثر من رائعة

والله يعطيكم العافية جميعا 0

وتقبل تحياتي

اخوك هاوي نجد

عبدالله المهداني
01-02-2005, 04:17 PM
لاهنت


يامطلق
على هذه الابيات


ولاهان خويك كلام جميل






بيض الله وجوهكم يوم تبيض وجوه وتسود وجوه