المساعد الشخصي الرقمي

مشاهدة النسخة كاملة : قصيدة هزت الخليج بروعتها


ال زامل القحطاني
16-10-2006, 08:37 PM
بسم الله الرحمن الرحيم



يا بنت أرجوك أنا مأقدر كفانـي ماضـي الغلطـات
أخــاف الله يعذبـنـي وأنــا خــواف يابنـيـه
واخـاف ابساعـه اللـذه يجينـا هــادم الـلـذات
ويأخذ مـن حشـى جوفـي بقايـا روحـي الحيـه
أنا ليّه ثمان اسنيـن وأنـا مدمـن علـى الشهـوات
ديـار الفسـق حاستهـا مواطـي تحـت رجلـيـه
عيوني مـن كبـر همـي تخلـط الـدم والعبـرات
مِسيـل الدمـع مـن عينـي حفـر بالخـد ماريـه
صحيح إنك جميله بـس تبنـا مـن هـوى الزينـات
تركنـا الحـب غصـب وطـوع للعيـن الشقاويـه
يابنت أنتي على بالـك أبأخـذ مـن بنـات الشـات؟
أجـل مجنـون أنـا يابنـت أشيـل العقـل بيديّـه؟
ترى أكبر شيء يربطني مِعك جـوال ابـو شاشـات
وهاتـف ينقـل أشواقـي علـى نبـرات سلكـيـه
وترى كل العلـوم اللـي عطيتـك بالهـوى كذبـات
وحتـى دمعتـي يـوم الفـراق الصعـب كذبـيـه
هـذاك اليـوم ماهلـت عيونـي لجلـك الدمعـات
لأن الدمـع ماينـثـر بقـصـه حــب وهمـيـه
أنا أضحك مِعك واضحك منك ..عليك أكثّر الضحكات
كأنـي بالـهـوى جـنـي.. يعـبـي راس جنـيـه
وأنا مانـي بخكـري يلبـس القمصـان.. والشرتـات
ويفـرح قلبـه المسكـيـن إذا حــب الدوينّـيـه
ودهنتي شعـرك الاسـود بألـوانٍ مـن الصبغـات
وعيـت تقبـل الصبـغـه ملامـحـك الخليجـيـه
وحشرتـي ردفـك المسكيـن بالبنطـال ...والجنـزات
خلاقـيـنٍ تصنّعـهـا مـزاجــات اليـهـوديـه
عشاني ميـتٍ فـي ثغـرك الأحمـر أبـو لمعـات
تحسبينـي أبرضـخ لـك لأن إشـفـاك ورديــه ؟
ورب الكون مأرضى فيك لو إنك شيخـة الحلـوات
وإذا صمـل علـيّ العلـم أكـب ارض السعوديـه
يابنت الناس عـزك فـي سـوادٍ يستـر العـورات
وعزي في شماغ أحمـر.. وثـوب أبيـض..
وطاقيـه
سعودييـن نفخـر فــي عبـايـات السعـوديـات
نغـض الطـرف إجـلالاًً إذا شفـنـا السعـوديـه
وخليجييـن نفخـر فــي عبـايـات
الخليجـيـات

بن دواس
17-10-2006, 01:23 PM
ال زامل القحطاني لا هنت ........... والحقيقة القصيدة تحكي حال اغلب الشباب الا من رحم ربي

يا ليت نعرف من الشاعر


مشكوووووووووووووووور

الامبراطور
17-10-2006, 10:23 PM
السلام عليكم ورحمة الله وبركاته

اخوي ال زامل الله يعطيك العافيه


مشاركه اكثر من رائعه


وقصيده جداااااااااااا مميزه


شكرا لك ان كنت ناقلا او قائلا

جبل بن زيد
19-10-2006, 12:28 AM
السلام عليكم ورحمة الله وبركاته

اخوي ال زامل الله يعطيك العافيه


مشاركه اكثر من رائعه


وقصيده جداااااااااااا مميزه

أبو أحمد العبيدي
19-10-2006, 01:14 AM
بسم الله الرحمن الرحيم




واخـاف ابساعـه اللـذه يجينـا هــادم الـلـذات=ويأخذ مـن حشـى جوفـي بقايـا روحـي الحيـه


أتذكر أن أحد الزملاء اتصلت عليه إحدى المعجبات وأخذت تلح عليه في الإتصال وتدعوه للمقابلة

فقال لها بالحرف الواحد

إذا كان بتضمنين لي إني ما بموت إلى أن أتوب من عمل المعصية معك فلم تستطع الرد

ثم أقفل الخط

لو أدرك الشباب هذه المعاني لما أقدموا على مثل هذه التصرفات

لذة ساعة تولد ندم الدهر كله

لاهنت يا خوي على القصيدة الرائعة

ال زامل القحطاني
19-10-2006, 09:43 PM
الله يسلم الجميع من كل شر

واشكركم على المرور

عبدالله آل عباد
19-10-2006, 11:53 PM
صح لسان قايله وناقلها



والله قصيده

ال زامل القحطاني
03-11-2006, 12:43 PM
صح بدنك يا ولد العمممممم

ابو عبدالعزيز القحطاني
06-11-2006, 03:27 AM
أرحب يا آل زامل
وحياك الله
لا هنت أخوي ويعطيك العافية

علي بن مسفرالحبابي
06-11-2006, 02:56 PM
اخوي ال زامل الله يعطيك العافيه
مشاركه اكثر من رائعه
وقصيده جداااااااااااا مميزه
لك شكري الحار علي النقل الرائع
والتواصل الطيب لاهنت