سباقات هجيج أبل القحاطين والمزايــن!!

[متعب الهاجري]

السلام عليكم ورحمه الله وبركاتة،،،


وكل عام وانتم بـــــــخير ونعــمة



حبيت أعرف اذا فيه سباقات هجيج لقحطان صارت من قــبل او تبي تصير ؟؟

وما رأي اهل الابل في فكرة سباقات الهجيج على مستوى قبيلة قحطان ؟؟



وهــل هناك مزاين لابل القحاطين عن قريب ؟؟ ومتى ؟ وأيــن ؟


ومن هي القبائل التي تشاركهم فيها




مجرد أستفسارات يا ربعنا ولاهنتووووووووووو على كل الأحـــوال

[عزران بن حرق]

والله يابن عمي ودنا ولنا رغبه جامحه في مهرجان مزايين ابل قحطان فكل القبايل سبق وان عملت سباق مزاين وهجيج ولاحن اقل ونبى شيء مميز والمطمع في الشيبان المقتدرين نفدى خشومهم

وان حصل ولا قحطان معروفين من غير

[متعب الهاجري]

مافيه شك وانا خوك

والقحاطين هل الاولة وسباقين للامور هذي



وانشاء الله ان قحطاااااان سبااقه عن غيرها لمثل هذه السباقات والمزايين


والله يكتب الى فيه الخير



وبانتظار بقيه الردود ومشاركه الاخوان في آرائهم




بني هاجر

[متعب الهاجري]

يرفـــــــــــــــع

للفائدة!!

[سيف السحيمي]

ودنا نشوف مزاين لابلنا ........ والله شي طيب

وماقصرت يالهاجري

[ال زامل القحطاني]

يا ليت يا عيال العم نشوف جمعت ابل القحاطين والمزاين

ونشوف فيها رياجيل القحاطين ألي شرواكم

[متعب الهاجري]

والله انا مستغرب اذا قبيله بحجم قحطان وهم هل الابل و مايصير فيها مزاينات وسباقات !!

====

وهذا شي يطيب يجمع هل الابل ويدفعهم للتمسك بهذه العادات الطيبه وهي جمع الابل والحفاظ على اصاله الاجدادوتراثهم



ومشكورين بالربع

[الحجاج الثقفي]

ياخوان حسب ظني ان اي مزاين للابل خاصه في نجد والمنطقه الشرقيه لايخلو من مشارك جيده وفعاله من قحطان اذا ما المانع ان يكون هناك مزاين خاص لقحطان خاصه مع توفر المكانيات التي سوف تحقق النجاح

[متعب الهاجري]

بالنسبه لقبيله بني هاجر فهي سباقه لعمل احتفالات المزايين في كل فتره وموسم بالسنه

ويضم مزايين الهواجر القبائل التاليه كل سنه (بني هاجر وقحطان والمناصر وبني خالد)


نتمنى ايضا ان يكون هناك حفل كبير مدعوم من تجار ورجال اعمال واشهر ملاك الابل في قبيله قحطان
وهم كثر ماشاء الله نتمنى ان يكون مزايين كبير وجامع لكافه ملاك الابل من قحطان وبحضور قنوات التلفزيون
وجوائز كبيرة يستحقها ملاك الابل



وشكرا

[متعب الهاجري]

وماذا عن سباقات الابل ؟؟

هل الفكرة مطروحه من قبل ؟؟



وشكرا

[عبدالله بن غفره]

أتوقع فيها مزاين قريب بالقرب من الجله هالسنه يخص قبيلة قحطان


لكن الخبر ما بعد تأكد إلا الآن ،،،

[متعب الهاجري]

مشكور يا بن غفره

ياليت تبلغنا بالاكيد في اقرب وقت

وعالقوووووووه ياربعنااا

[دحماني]

والله ان قحطان هل البل المزايين بس غريبة عليهم ما اقاموا لهم مزاين ونقول ان شاء نراه عما قريب

[أبـن جـــثــلــة]

سلام الله عليكم يا بني عمي

وين المزاين وين الهجيج

قناة الساحة كل يوم تعرض مزاين لأحد القبايل ألا حن ما شفتها عرضة شي

والي عنده خبر عن مزاين أو هجين لأبل قحطان فينشره من شان تعم الفايده

وللجميع التحيه والتقدير

[ال زامل القحطاني]

بسرعة يا جماعة الخير

عطونا الخبر

[خالد آل مطرف العاطفي]

اخوي الغالي
عبدالله
نسمع عن ذا الموضوع من فتره وسمعنا انه سيقام في الدهنا وسمعنا انه باالقرب من الجله
اذا كانهم اقاموه في الجله فزين على زين واذا كانهم اقاموه في الدهنا فهذي ضيعه من الضيعات
ويقول المصري ياخبر اليوم بفلوس بكره يكون بلاش ...
اخوكم
خالد

[المنافس]

يالربع على هونكم , أنا سمعت خبر لم أتأكد من صحته حتى الآن وهو أنه سيقام مزاين لقحطان بعد عيد الأضحى وودي اللي عنده خبر منه يعلمنا بموعده وموقعه ومن المنظمين له ومن المشاركين وأي معلومه لاأحد يبخل علينا وسلامتكم

[العريدي]

سلمت يالهاجري ومابطا بالسيل الا كبره ..
ظحكتني يالمراقب .. اي والله ضيعة من الضيعات كانها بالدهناء ..

[ابوقحط]

راح اللي يسوي مزاين القحاطين قبل خمسة وعشرين سنه الله يرحمه من عقبه مابه مزاين

[متعب الهاجري]

دحماني

يامرحبا ومسهلا وشرفت عالمرور الطيب

[متعب الهاجري]

ابن جثله وانا اشهد انك صدقت
قناه الساحه طيبه ولكن يبيلها تضبيط ميزان ومقياس صح للامور


يعني تعطي كل شي حقه انا قول كذا افضل





حياكم الله

[متعب الهاجري]

ال زامل القحطاني

حياك الله ونتمنى احد من الاخوان يجيب على طلبك

شرفت

[متعب الهاجري]

خالد ارررررررررررررررررحب تراحيب المطر

لكن ياخوي وشفيها الدهناء :)؟؟





يامرحب

[ال زامل القحطاني]

الله يبقيك يا بني هااااااااااااااااااااااجر

[ال زامل القحطاني]

يا جماعة غيرو المكان والموعد

لأن شهر 1محرم يمكن يصادف أختبارات النهائية لترم لأول

وأكثر هم بيربطهم لأختبارات من ناحية الدراسة ألي يدرس من الشباب

ولا تنسون أن المزاين لأبدمايجي الواحد قبلها بيوم أو يومين أقل شيء

على كذا الواحد يبغاله اسبوع يستعد

وارجو يا جماعة تقدير الوضع

لامكان مناسب ولاشهر مناسب وشلون بيسير لها طعم

وسامحونا على لأطالة............