المساعد الشخصي الرقمي

مشاهدة النسخة كاملة : بيـــــــــــــــــان!!!


عبدالله الدوسري
08-10-2006, 06:33 AM
بديت بسم اللي على العرش إعتلى=منزّل القرآن بالبرهاني
اللي رفع سبع السموات العلا=من دون لا جسرٍ و لا عمداني
الأرض مهّدها و خزّن ماها=حرّك هواها و أنبتت الأغصاني
أطلق طيور الجو فيها و البحر=تمشي السفينه فيه بالليحاني
الواحد اللي ما تعد أفضاله=الحمد له و الشكر و العرفاني
أرسل نبيّه رحمة لعباده=محمد المبعوث لإنس و جاني
الرابح اللي يقتدي في سنّته=يفوز بالجنات و الرضواني
يمشي على أمره يهتدي بأقواله=متمّم الأخلاق والأدياني
يا رب ورّدنا حياض الجنه=مع الصحابة سادة الميداني
اللي لزوم نتّصف بصفاتهم=و ننشر فضايلهم عبر الأزماني
و نكون بين مهاجر و مناصر=و نبلّغ التوحيد في الأوطاني
أمة محمد سمّيت خير أمه=إن كان هي دستورها القرآني
الله أكبر وين ذيك العزة=إلى متى و إنا بذا الحقراني
من وين ما نمشي نحصل فتنه=و البر و التقوى بدون أعواني
الدين له سيف و لكن مغمد=متى يسل السيف يالشجعاني
نمحي ديار الكفر و الضلاله=و القدس نخلع منّه الصلباني
و نعيش في مجد مثل ما كنا=في سالفات العصر و الأواني
و يا سامعي و إن كان تبغي الجنة=الدين ما يحذف وراء الأمتاني
دنياك حتى لو تطوّل فيها=شوف المقابر كيف هي ملياني
إحفظ صلاتك ذخرك اللي يبقى=تفزع لك إليا خانك الزماني
آمن بربك خالقك ياإبن آدم=لا قال كن لأي مستحيل كاني
قدّر معاشك و أنت في بطن أمك=و العمر لا زود و لا نقصاني
الرابح اللي لا وضع وسط اللحد=(لا إله إلا الله ) له بميزاني
تحت الثرى يسأل و لا أحد حوله=ما غير هو و يا عمله خلاني
من تصلح أعماله تطيب أحواله=لا خوف لا حزنٍ و لا خسراني
و يحط قبره روضة من جنة=و إلا غدى حفره من النيراني
كل محله لا قيام الساعة=الساعة اللي كم لها من شاني
فيها السماء تنشق بأمر الوالي=و يجيك منها ينتشر دخاني
يصعق جميع الخلق ثم يبعث=خلق جديد يرجع لْما كاني
يصلب تحت شمس تقّرب منّه=لين العرق يلجم به الإنساني
خمسين ألف من السنين مهدد=كون يجيء ما هوب في الأكواني
ينصون عقب العرض سيّد الأمة=يشفع لهم بالحق و الميزاني
كل يدوّر له زيادة حسنة=و يا سعد راعي ذرة الإيماني
بأنصحك يا مسلم تفقد نفسك=و فتّش على بيتك من الأدراني
و أبوك و أمك فضلهم متقدم=كم مرة شلّوك في الأحظاني
لا تبتعد عنهم و هم يرجونك=و إخضع لهم يا قرة الأعياني
و حاذور منك تبور في خويّك=لا خير في من بار في الصحباني
و إحشم قصير البيت و إرفع شانه=أكرمه جار البيت ما ينهاني
و الضيف ضيف الله اذا جاك أكرمه=يحبه الله مكرم الضيفاني
و إحذر لسانك لا تساهل منه=تراه ساس الوصل و الحرماني
أصدق ترى الصادق ينجي نفسه=لا ضاع راعي الزور و البهتاني
و مسكين ياللي عايش في غفلة=لا يعرف الحلقة ولا الآذاني
إبليس يجمع حزبه لجهنم=والدين يصّّل جنة الدياني
أنصحك و أنصح نفسي الأمارة=نكبّْ دنياً من عليها فاني
نفرّ للي ما يصك أبوابه=و يفرح بتوبة عبده الندماني
من دان نفسه ما تبع هواها=الجاهل اللي يتّّبع ما هاني
إصبر على الدنيا و جاهد نفسك=ما فيه شيء يجيك بالمجاني
حاول ترتب جزء من أوقاتك=تسمع كلام الدين و الإيماني
في مجلس وتحفه الملائكة=يكفيك منّه نظرة الرحمني
و مجالسة الأخيار و أهل الطاعة=هي الثمن لا بارت الأثماني
كما وصف لك في الجليس الصالح=المسك ما يخلط مع الدخاني
والعلم نور يكشف الظلمات=و الجهل ينسف عالي البنياني
وإياك لا تحرم هَلِك من مالك=ولا تحرم المحتاج من الإحساني
كثّر من الطاعات صوم وعمرة=داوم على التهليل و السبحاني
خل التواضع دايم من طبعك=ترى التكبّر مدخل الشيطاني
قدّر كبير السن و أهل المعرفة=و خلّك رحوم و لا تجيء لعّاني
و إقنع بما في إيديك و إرضْ و تغتني=و أستر على اللي مبتلى و تصاني
بيّنت لك مما يجول بخاطري=خذ النصيحة وإحفظ الأركاني
هذا و صلى الله على اللي وصّى=قال (الصلاة و ما ملكت الأيماني)
اللهم صلّ عليه و سلّّم=صلوّا على محمد و ذا بياني
يقوله اللي مستعينٍ بالله=عبدالله ابن صالح الحقباني

معيض بن صميع
08-10-2006, 10:25 AM
السلام عليكم ورحمة الله وبركاته

الشاعر عبدالله الدوسري


صح لسانك يالنشمي

ولاهنت على هالبيان الرائع والجزل والحكيم


الوكاد إنك أبدعت وأمتعت وأجدت وأفدت


يسعدني تسجيل هذه الإشاده بما قرأت


أتمنى لك كل الخير والتوفيق

تقبل تحياتي

دمت بخير.

رائد نملان الحبابي
08-10-2006, 01:30 PM
الاخ عبدالله الدوسري :
صح الله السانك وعزالله انك ابدعت الله لايحرمك الاجر:46_asmilies-com:

علي الفهد
08-10-2006, 02:56 PM
جزاك الله خير
وصح لسانك

سعد القحطاني
08-10-2006, 04:19 PM
عبدالله الدوسري


صح لسانك مدد


جزل ومبدع لاعدمناك


سجل اعجابي وانا متابع لما تكتب دائماً


دمت بخير


.

عبدالله بن غفره
08-10-2006, 04:42 PM
صح لسااااااااااانك ياعبدالله


ومن طول الغيبات جاب الغنايم


وكل عام وأنت بخير بعد الزحمه :)



قصيده رائعه كروعة حضورك الرائع

نتطلع دائماً لجديدك بكل شوق



أخووووووووووك

الهـاجري
08-10-2006, 05:10 PM
صح اللسانك يا عبدالله


وافي وقصيده جزله ووافيه

عبدالله الدوسري
09-10-2006, 06:36 AM
الأخ معيض بن صميع




أشكر لك طيب حضورك



لا هنت




و تبقى للود،،،

عوض بن شفلوت المناديه
09-10-2006, 05:04 PM
صح الله لسانك




يا الدوسري




قلت واجدت



لاهنت على كل حرف



تحياتي

عبدالله الدوسري
10-10-2006, 07:05 AM
رائد الحبابي




شكرا لك



و لا هنت




تقبل كل الود و التقدير،،،

مخرب بن ضيطان
16-10-2006, 01:29 AM
عبدالله الدوسري


صح السانك وسلم راسك


قصيده وافيه


نتشرف بوجود الرجال شرواك في مجالس الفخر مجالس قحطان

زياد البشري
16-10-2006, 11:08 PM
صح لسانك .. وعلا شانك ..

أبدعت يالغالي .. قصيدة رائعة ..

ننتظر جديدك وابداعك ..

عبدالله الفضلي
16-10-2006, 11:53 PM
صح لسانك ملايين يالدوسري ....


عز الله انك كفيت ووفييت وانا اشهد


لاهنت يالغالي

عبدالله الدوسري
17-10-2006, 01:15 AM
علي الفهد



شكرا لك


لا هنت


و صحت ابدانك




كل الود،،،

سعد بن مناحي بن شفلوت
17-10-2006, 01:35 AM
صح الله لسانك ياعبدالله

وفيت ولاهفيت

الله يبيض وجهك

تقبل تحياتي

عبدالله الدوسري
17-10-2006, 11:47 PM
سعد القحطاني




شكرا لك


لا هنت



و تسلم يالغالي




تقبل امتناني،،،

عبدالله المهداني
18-10-2006, 03:28 AM
عبدالله الدوسري


صح والله لسااااااااانك


وبيض الله وجهك على هذه الابيات الاكثر من رائعة


تحياتي

فارس السروات
18-10-2006, 04:09 AM
بارك الله شاعرنا عبدالله الدوسري

ابيات جميله ومعبره

وبالتوفيق بإذن الله

عبدالله الدوسري
19-10-2006, 02:38 AM
ابن غفرة




لا هنت



و بيّض الله وجهك






كل امتناني لك و التقدير،،،