المساعد الشخصي الرقمي

مشاهدة النسخة كاملة : مساجله بيني وبين نجم الاسلمي


خليل بن هدلان
06-10-2006, 12:01 AM
قبل فتره من الزمن تشرفت بهذه القصيده التي اسندها علي اخي العزيز الشاعر نجم بن جزاع الاسلمي الشمري
وهي :

البارحة ماصافحك نوم ياعين = والشعر عندي حاضرً له ملكّيا
كتبت غير الطرق هذا دياوين = وأغلب جميله راح ماينمسكّيا
يامل حالً مثل حال العزيزين = اللي لحقهم من زمنهم دركّيا
نوهة سفر فينا وحنا مقيمين = ومنوة كسيرً طاح مايحتركّيا
ياراكبً في مركب أم الجناحين = اللي يشادي شكلها للسمكّيا
صوته صدى الأطواب في حرب تشرين = تسمع صداه وهي بكبد الفلكّيا
والا هدر سيلً بمجمع شعيبين = وصبن بسدً مفرغه منضنكّيا
اليا شلعت كنه كفوف المصلين = يدعون ربً مابمدته حكّيا
وأن حدّرت كنه صكيمة شياهين = شافت بالإرض الخرب مابه شككّيا
أسبق من المخباط وأرماشة العين = ومنصاه للعارض مقر الملكّيا
وملفاك شيخً من شيوخ الهدلاين = محشوم عن درب الردى والكلكّيا
من نسل شالح من رجال مسمين = اللي يفك الذود فالمعتركّيا
سلومهم سلم الرجال الكريمين = وجميع دربً خيّرً ينسلكّيا
خليل بن ذيب المسمى ونعمين = عدً سوانيه على الجال ركّيا
قله عشيرك واقعً بين نارين = وفوقه رحى سود الليالي علكّيا
يشكي عليك الحال والواقع الشين = وأن الجمل باللي حملّي بركّيا
العاشق المغرم نسي فاله الزين = والصبح مثل الليل قحً حلكّيا
أخطيت في مرمى الهدف والنياشين = وخابت وجابت لك مع الجو شكّيا
وعليك حله ياحصان الميادين = عليك حل معقدً مشتبكّيا
بك الأمل بعد الولي منزل الدين = أنوار فعلك للضلام تهتكّيا
وختامها أزكى عطور الرياحين = لك من بطن مزنً هلايله بكّياوهذا ردي عليها :



البارحه يوم انقضى منه ثلثين= وثلثن بدى والصبح الابلج وّشكيا
قريت قافٍ راجح بالموازين= مسبوك قافه كالذهب لا سبكيا
ومعناه شكوى سطرت بين قوسين=( عزيز قوم والدهر به ضنكيا )
واونست في جوف الحشا حد سكين= وكن الشباري بالضلوع تحسكيا
وخذت القلم والطرس والناس ممسين= ودالوب فكري بالقصيد احتركيا
ياراكب اللي مصممينه ببرلين= باضخم مصانع منتجات الشركيا
"مايباخ" ما يشريه كود السلاطين= ولا كل من يهواه له يمتلكيا
في " سكبته" حر بروس الصعانين= نوى يطير وللمطير انتبكيا
وفي " هيبته " شيخ يقود المثارين= يصطي بسيفٍ فالعداء به فتكيا
قوة ترّبوّه خمسميّه وخمسين= بنظام آلي ناقلٍ للحركيا
خطرٍ ليا زادوا له البنص بنزين= يقلع بلا جنحان ما ينملكيا
مركبك ياللي لا انتحى الليل ليلين= تسري مساري الذيب ما ترتبكيا
تنصى المشاكيل .. الطنايا.. الشجيعين = نطاحة الكايد بحوم العركيا
شمر هل الطاله نهار الاكاوين= اليا سمك فالحرب عج الرمكيا
وتلفي نجم جزاع زبن المخلين= ليثٍ على درب المعالي سلكيا
وقله وصلني خطكم قبل يومين= بشكوى العزيز اللي لحقه الدركيا
يشكي علي الحب ومفارق البين= وفرقا العشير اللي لقلبه ملكيا
وياما شكى قبله جموع وملايين= ومجنون ليلى لاجل ليلى هلكيا
والزين ملواح " الشّرَك" للمعنين= وياما وقع حر بوسط الشركيا
ولو للهوى يا نجم شرع وقوانين= ما ضاق طراد الهوى وانضنكيا
قلته وانا عضدك على العسر واللين= بالحال والعزوه وما نمتلكيا
ندرك مرامك يا حفيد الميامين= وناصله لو دونه دروب الهلكيا
بالمال مصخينٍ .. وبالجاه عانين= حتى مزاليج الفرج تنفلكيا
وا ن كانها بالحرب رحنا مغيرين= لو دونه احلاف الدول تشتركيا
نكسب ونكتب للبساله عناوين= بنصرٍ يحل معقدات الشبكيا
هذا جوابٍ فيه رد المضامين= يم العزيز اللي بعث لي " بشكيا"

وسلامتكم

اخوكم : خليل بن هدلان

محمد القويفل
06-10-2006, 12:22 AM
وملفاك شيخً من شيوخ الهدلاين = محشوم عن درب الردى والكلكّيا
من نسل شالح من رجال مسمين = اللي يفك الذود فالمعتركّيا
سلومهم سلم الرجال الكريمين = وجميع دربً خيّرً ينسلكّيا
خليل بن ذيب المسمى ونعمين = عدً سوانيه على الجال ركّيا
قله عشيرك واقعً بين نارين = وفوقه رحى سود الليالي علكّيا

نجم الاسلمي



تنصى المشاكيل .. الطنايا.. الشجيعين = نطاحة الكايد بحوم العركيا
شمر هل الطاله نهار الاكاوين= اليا سمك فالحرب عج الرمكيا
وتلفي نجم جزاع زبن المخلين= ليثٍ على درب المعالي سلكيا
وقله وصلني خطكم قبل يومين= بشكوى العزيز اللي لحقه الدركيا
يشكي علي الحب ومفارق البين= وفرقا العشير اللي لقلبه ملكيا


خليل بن هدلان



صوت وصدى ولا اروع

خليل صح السانك وبوحك رد وافي


واصل ابداعك يا نسل الشيوخ فكل ما تكتب مشوق

فلا تحرمنا من تواجدك

.

عبدالله بن غفره
06-10-2006, 12:40 AM
أخوي الغالي وشاعرنا المبدع أبو نواف


صح لسانك مليوووون وصح لسان أبن جزاع


صوت وصدى رائع


وعلومك دايم ذربه ونتشوق دايم للقصيد الجزل منك يابو نواف


تقبل إعجابي وتحياتي

أخوووووك
عبدالله

مهدي بن مسفر الحبابي
06-10-2006, 03:30 AM
أخوي خليل بن هـدلان

صح لسانك وبيض الله وجهك

صوت وصدى رايعه بروعة شاعرينها

وافيه بوفاكم

لك فاائق احترامي وتقديري

سنحان بن عامر
06-10-2006, 04:18 AM
أبيض وجه يا أبو نواف القصيدة والرد في غاية الإبداع

عبدالله المهداني
06-10-2006, 05:23 AM
خليل بن هدلان


صح والله لساااااانك ولساااااان الشمري


ولاهنت



وانت غني عن كلامي



تحياتي

سعـد الوهابي
06-10-2006, 04:36 PM
الله أكبر

صوت وصدى فريدين

حبك وسبك وإبداع

صح لسانك ياخليل وصح لسان نجم

وبيض الله وجيهكم


ودام تواصلك

احتراماتي

اخيك

مشعوفان
06-10-2006, 08:27 PM
صح لسانك

جمعان ابن شرثان
06-10-2006, 11:58 PM
السلام عليكم ورحمة الله وبركاته

صح لسانك يابن هــدلان

وصح لسان الشمري

بعيد المدى
07-10-2006, 02:52 AM
صحت السنكم جميعا...............


مساجله رائعة ولا تستغرب منكم....................


تقبل تحياتي

سعد القحطاني
08-10-2006, 04:15 PM
الأخل خليل بن هدلان


صح لسانك وصح لسان الشاعر نجم الأسلمي


صوت وصدى مبدعين لاعدمناكم


ننتظر جديدك ولا عليك امر


ودمت بخير

.

فـارس
11-10-2006, 04:03 AM
مساجله رائعه
صح لسانك يا بن هدلان وصح لسان الشمري

خليل بن هدلان
19-10-2006, 03:33 AM
القويفل
هذا من طيبك
وافي من وافين
مرورك شرف يالعزوه
تحياتي وتقديري لك
اخوك

ابودخيل الحبابي
19-10-2006, 01:37 PM
صحت السنتكم يا شعااار وفعلا ابداع منقطع النظير

والله يوفقكم ويوفقنا لكل خير

جبل بن زيد
19-10-2006, 11:20 PM
الأخل خليل بن هدلان


صح لسانك وصح لسان الشاعر نجم الأسلمي


صوت وصدى مبدعين لاعدمناكم


ننتظر جديدك ولا عليك امر


ودمت بخير

سعد بن دعروم
20-10-2006, 12:50 AM
اررررررررحب ياخليل







صوت وصدى ولا اروع







صح الله لسانك







تقبل تحياتي,,

الحجاج الثقفي
29-10-2006, 12:34 AM
رايع وبيض الله وجهك وليست بغريبه منك يابن هدلان بل الغريب ان لانسمع منك اكثر

فيحان بن فالح الخنفري
25-12-2006, 07:42 AM
صح لسانك يابن هدلان وصح لسان الشمري قصايد كايفه ورائعه ولاهنتو يالنشاما ،،،،،،،،

خليل بن هدلان
01-04-2007, 09:33 PM
عبدالله بن غفره ،، صح بدنك ولاخلا ولاعدم

تقبل تحياتي وتقديري

معيض بن صميع
11-04-2007, 12:34 PM
.


الشاعر القدير : خليل بن هدلان



صح لسانك .. وبيض الله وجهك ..



وصح لسان الشاعر نجم الأسلمي ..



قصيدة الشمري رائعة وعز الله أسندها على كفو ..



رد .. قوي وجزل وليس بغريب على الشاعر القدير خليل ..




تفضل بقبول التحية والتقدير ..

محمد بن جزاء الخنفري
21-04-2007, 03:25 AM
الاخ العزيز خليل بن هدلان
صح اللسانك ملايين
قلم صارخ واحساس وافي ونادر الوجود في هذا الزمان

سجل اعجابي بكل ما يخط به قلمك وانتظر منك المزيد بكل شغف
محبتي بود
***************************************
Oooo ************ Oooo
***************************************

اخوك : محمد بن جزاء الخنفري