المساعد الشخصي الرقمي

مشاهدة النسخة كاملة : محـاوره بين كـل مـن : أحمد الناصر & صياف الحربي


سعد القحطاني
05-10-2006, 04:51 PM
انقل لكم هذه المحاوره التي جرت بين الشاعرين :

احمد الناصر الشايع
و
صياف بن عواد الحربي

آتمنى ان تنال إعجابكم

.


أحمد الناصر :
يا سلام الله سلامٍ واجهة معناه يمك= إن سكنت ارض الجزيره وإن سكنت ارض الكنانه
قوم يا حربي تهرج بين أخوك وولد عمك=يوم أنادي صاحبي صياف من باب الميانه


صياف الحربي :
مرحبا يا عد يا هداج لين يفيض جمك=والبنادم يعرف اللفات ويعرف الذهانه
أنت لا حصلت حربي تزهمة من خف دمك=مدري أهيه من هجوسٍ صافيه والا لعانه


أحمد الناصر :
وش رايك يا السحيمي نمدحك والا نذمك=ويش رائك وش تورى وأنت سدك بالأمانه
يالسحيمي ودنا نكسيك ونكبر معمك=والغدا لك خيزرانه والعشا لك خيزرانه
صياف الحربي :
كان ودك تنشد العربان قول ولا يهمك=من يدور للعواين غصب يلقى له عيانه
وكان تبغاها مخامش خمني والصبح اخمك=فالقلص ثنتين تفاحةوالاخرى برتكانه

أحمد الناصر :
أم هارون الرشيد الأوله صارت هي أمك = لو يزعلها ولدها دخلت دار الحظانه
خير أهل رابغ يخص وشر أهل رابغ يعمك=ما تفكك خيل عوف ولا ولد خالك عفانه


صياف الحربي :
أنت صاحبها الكبير تزمها والا تزمك=ما يغش المسلمين الا قليلين الديانه
أنت ذيب أشهب صغير والذيابه ما تشمك=أثر قلبك مثل ضلع طويق ما عندك ليانه
أحمد الناصر :

تحذف الشايب وهو في طرقته ماهو بيمك=أترك الشايب وخله يالسحيمي في مكانه
إن سمعت الشور والا قلت لك شلها بكمك=كل ما تكبر تزيد بك العداوه والعانه

صياف الحربي :
تمها بيني وبينك بالشرف والله يتمك=أحمد الناصر من رجال الشرف لولا لسانه
الطبيب يعرف سم الداب وأثره مثل سمك=لو عمر منه ينوش واحد من خوانه


هذا ولكم تحياتي

بن مزهر
06-10-2006, 12:46 AM
الله لا يهينك على النقل الرايع

تسلم يمينك

عبدالله بن غفره
08-10-2006, 11:56 PM
بيض الله وجهك يابو عبدالله على النقل الرائع


وأختيار محاورة رائعه كروعة مواضيعك




أخوووووووك