الفريح يصف قبيلته

[ناوي خير]

تر خبرة آل قريش ساقوا مالهم=ما دبروا له صلحة و مراعي
يوم اسندوا طريب فهجوا صيده=وغدا الوضيحي والنعام قطاعي
ليل بعاتق منمة من فوقها=مثل الجراد محنب بالقاعي
قد سمع عمال المسيرق صوتهم=رجب المجيب منين صوت الداعي
وليل مسانا بعرق البرم=مثل الدبا ما عادله قراعي
والليل الآخر بالدومة محلنا=ومملين بميورهم الأواعي
والليل الآخر برغد محلنا=في جال ذاك النايف المرفاعي
تمسي عراباها وتسري خورها=من شد ممساها على الأركاعي
يوم حدرت رغد كن حنينها=رعود السموك وبارقه لعلاعي
يوم الثلوث بالقرون محلنا=تقطف زهير البقل فوق القاعي
غير والله يا ذا ..... تعاف بلادنا=من يوم جاك الهايج القزاعي
عوال ابن قريش تعط مهارها=تضرب بحوافرها عروض الأماعي
غير ليت شميريخ تواتا ساعة=كان قطعنا مجيبهم والداعي
ونعم بسربة عبيدة كلهم=مثل الحديد البارع القطاعي

الشاعر علي الفريح يصف قدوم قبيلته من حضن وتوجههم للخبت

[المنار]

السلام عليكم ورحمة الله وبركاته :
مشكور اخي العزيز ناوي خير
وصح لسان الشاعر الفريح والله يرحمه
وستين نعم في قبيلة ال قريش عبيده
وقيلت هذه القصيده عند قدوم ال قريش الى ال سلمان في حرب مع احد القبائل المجاوره .

[قريشي]

أخي ناوي خير أو المنار عندي استفسار
أين حضن اللي جو آل قريش منه يوم رجعوا وقيلت هذه القصيدة
سمعت من أحد كبار السن يقول أن آل قريش وصلوا ركبة القريبة من الطائف وجتهم المراسيل تطلب منهم العودة لنجدتهم في الحرب
وسمعت أيضا أنها صارت معهم بعض المناوشات مع القبائل في ركبة

أخي ناوي خير شكرا على القصيدة ولقد بحثت عنها كثيرا وطلبتها في هذا المنتدى فشكرا لك

[---- القريشي ----]

لا تهينه على القصيدة


وهذي علم ال قريش

[ناوي خير]

السلام عليكم ورحمة الله وبركاته :
مشكور اخي العزيز ناوي خير
وصح لسان الشاعر الفريح والله يرحمه
وستين نعم في قبيلة ال قريش عبيده
وقيلت هذه القصيده عند قدوم ال قريش الى ال سلمان في حرب مع احد القبائل المجاوره .




اخي المنار ماعليك زود والشكر لك على الرد

[ناوي خير]

أخي ناوي خير أو المنار عندي استفسار
أين حضن اللي جو آل قريش منه يوم رجعوا وقيلت هذه القصيدة
سمعت من أحد كبار السن يقول أن آل قريش وصلوا ركبة القريبة من الطائف وجتهم المراسيل تطلب منهم العودة لنجدتهم في الحرب
وسمعت أيضا أنها صارت معهم بعض المناوشات مع القبائل في ركبة

أخي ناوي خير شكرا على القصيدة ولقد بحثت عنها كثيرا وطلبتها في هذا المنتدى فشكرا لك


قريشي مشكور على الرد
حضن منطقة شرق الطائف وتبعد حوالي 80كم
وركبة جنوب حضن على ما اسمع ولم يذكر لهم حرب
في ركبة اما المناوشات فتحصل في الماضي بشكل مستمر
لتداخل القبائل في المراعي وموارد الماء

[عبدالله آل عباد]

لا هنت


وسبعين ونعم بالقريش

[ناوي خير]

لا هنت


وسبعين ونعم بالقريش


أبوجابر القحطاني ولا تهون وما عليك زود