الهـاجري
30-09-2006, 12:20 AM
السلام عليكم ورحمت الله وبركاته
أخواني وأخواتي ألأعضاء والمشرفين والمشاركين والقــــرآء ألأفـــاضل
أهدي لكم هذه المشاركه ألتي أتمنى أن تحوز على إجابكم وهي عباره عن قصيده{{ للشاعر ألأمير سعد أبن محمد الجليد القروف الهاجري }} أمير القروف \\ الله يرحمنا ويرحمه ويرحمكم ويرحم موتانا وموتى المسلمين أجمعين
إليكم القصيده
يالله ياعالـم خفـى كـل الاسـرار=يادايـر الأفـلاك يـومـه وليـلـه
أفرج لمن جابه هواجيـس وأفكـار=وليلـه مضـى مايرقـد ألاقليـلـه
من شوفتي دنيا كمـا لعبـة قمـار=وقتاً تسـاوى فيـه عدلـه وميلـه
يالله بليلاً بأمـر ربـي لـه أنـوار=برقه عروض وفـي قنيفـه نخيلـه
يعـم نجـدً دار وافيـن الاشـبـار=ويخـص ديرتنـا حقوقـاً فضيلـه
علمه يسر القلب لاجـات الاخبـار=ويصبح غديره ناقعـاً غـب سيلـه
ويزوف عشب الوسم وتقوم الاشجار=وكـلاً علـى طاريـه قـدا رحيلـه
وترجع مراتع خد حسكـات الاوبـار=وديـار ربعـي كاسبيـن النفيـلـه
هواجراً من عصر نوحاً لهـم كـار=لاجا اللقى نروي السيوف الصقيلـه
هـذي طبايعنـا وكـلاً لـه أشعـار=وعاداتنـى نثنـي نهـار الذبيـلـه
وافعالنـا تعجبـك لاجـات الانـذار=لاقابلـت ضـو المعـادي فتيـلـه
ظفران لاركبو علـى قـب الامهـار=وخيالنـا بالهـوش ينطـح قبيلـه
وعدونا نسقيه من كـاس الامـرار=ويموت من عوقـه وكبـده عليلـه
وصليحنا يامن وخيرً علـى الجـار=ونزبـن المجـرم وحملـه نشيلـه
مثل أبن شبعاناً وجدنـا لـه أذكـار=ماراح ذكره فـي السنيـن الطويلـه
فياض أنا بوصيك في شبتـة النـار=واتعب على العليـا بكـل الوسيلـه
اللي يبي الطالات يصبر على الحـار=تـرى المراجـل ماتهيـا بحيـلـه
وخلك على ربعـك حليمـاً وصبّـار=ترى أبـن عمـك ماتعيـن مثيلـه
وكثر من الترحيـب لاجـاو خطـار=ترى كريـم النفـس ربـي كفيلـه
من لااستشارك لاتخصه بالاشـوار=أمش أبطريقك وتركه فـي سبيلـه
ولاتسمع قـول عمسيـن الانضـار=قـولاً بـلا فعـلاً قليـلاً حصيـلـه
لاتجهـل أبدنيـاك والوقـت بـوار=كم من خليـلاً فرقـه مـن خليلـه
لحذار ماتمنعك من سـوء الاقـدار=ماكتـب لـك بيجيـك ولا تجيـلـه
واليا تبين لـك خصيمـاً بالاسـرار=فالطم أسبـال اللـي يعمـدك بعيلـه
بعض الحكي كنه على الكبد مسمـار=لاجـى مـن اللـي مايثمـن لقيلـه
من طاح داسـوه الرجاجيـل ماثـار=لاطــاح ماشـالـوه ياعزتيـلـه
ون جيت في المجلس فللصمت مقدار=حتاك تبخـص عاقلـه مـن هبيلـه
ولاتسمّع قـول مـن شفـت هـذار=كثـر الحكـي مايـرث الا الفشيلـه
أنـا لاشيبـت ماهـوب لـي عـار=الشيب حـق وكـل وطـراً وجيلـه
أنا سعـد لامـن ردي العـزم حـار=يفرح بي اللـي بايـراً بـه عميلـه
دمّـاح زلـة لابتـي لوهـي كبـار=واللـي عليهـم معتـدي نلتقيـلـه
ورفيقنا لاحـط بالسجـن باوسـار=أقطع عليـه الخـط ويطيـب ليلـه
ون جاو أهل هجناً من البدو ظمّـار=غـب النكايـف حاديتهـن هزيلـه
أجري لهـن بالبـن مانيـب زمّـار=لامن غلى سوق الهرافـى وحيلـه
ودلال رسلانـاً بهـا بـن وبهـار=ونجراً ليـا حـرّك تزايـد عويلـه
خذيت لي في مقبل العمـر مشـوار=صعباً على راعي اليميـن البخيلـه
هبيت فيها يـوم ولـم السعـد دار=وخليت طـراد السـراب بصميلـه
وتعبت أنا للمرجلـه سـر وجهـار=وحصلـت فيهـا مايسـر القبيلـه
أغنيتهم مـن حاجتـاً عنـد حقّـار=يوم الردي كسبـه علـوم الرذيلـه
حنـى حـرار وكـل داراً لهـا دار=ماحنّ من يرضـى ونفسـه ذليلـه
آلآد قرف اللي لهـم فعـل وأذكـار=وعلومهـم عنـد القبايـل جميلـه
ألفين رجـالاً مـن كبـار وصغـار=لاراح رجـالاً بيضـهـر بديـلـه
مراكزاً وأفعـال وعـزوم وأنظـار=ودرب العلى يرجـع لمـن يرتكيلـه
ذا قول منهو لابغى اللعـب يختـار=أحـب زيـن القـول وأخـذ دليلـه
مثايـلاً يطـرب لهـا كـل بيطـار=اترك هزيل الهـرج واخـذ جزيلـه
وصلاة ربي عـد همـال الأمطـار=علـى النبـي محمـداً بالفضيـلـه
اللـهـم صـلي وســلم عـــلى سيــــــدنا وحبيـــبنا محمـــــد علــيه الصــلاة والســـلام
اللـه يرحـــم ألأمــير الشاعـــــر سعــد أبن محمد الجليد القــروف{أميرنا}
ونسئل الله أن يجمعنى وأياكم بهِ في الفردوس ألأعلى
وتقبلوا خالص التحيه والتقدير
أخواني وأخواتي ألأعضاء والمشرفين والمشاركين والقــــرآء ألأفـــاضل
أهدي لكم هذه المشاركه ألتي أتمنى أن تحوز على إجابكم وهي عباره عن قصيده{{ للشاعر ألأمير سعد أبن محمد الجليد القروف الهاجري }} أمير القروف \\ الله يرحمنا ويرحمه ويرحمكم ويرحم موتانا وموتى المسلمين أجمعين
إليكم القصيده
يالله ياعالـم خفـى كـل الاسـرار=يادايـر الأفـلاك يـومـه وليـلـه
أفرج لمن جابه هواجيـس وأفكـار=وليلـه مضـى مايرقـد ألاقليـلـه
من شوفتي دنيا كمـا لعبـة قمـار=وقتاً تسـاوى فيـه عدلـه وميلـه
يالله بليلاً بأمـر ربـي لـه أنـوار=برقه عروض وفـي قنيفـه نخيلـه
يعـم نجـدً دار وافيـن الاشـبـار=ويخـص ديرتنـا حقوقـاً فضيلـه
علمه يسر القلب لاجـات الاخبـار=ويصبح غديره ناقعـاً غـب سيلـه
ويزوف عشب الوسم وتقوم الاشجار=وكـلاً علـى طاريـه قـدا رحيلـه
وترجع مراتع خد حسكـات الاوبـار=وديـار ربعـي كاسبيـن النفيـلـه
هواجراً من عصر نوحاً لهـم كـار=لاجا اللقى نروي السيوف الصقيلـه
هـذي طبايعنـا وكـلاً لـه أشعـار=وعاداتنـى نثنـي نهـار الذبيـلـه
وافعالنـا تعجبـك لاجـات الانـذار=لاقابلـت ضـو المعـادي فتيـلـه
ظفران لاركبو علـى قـب الامهـار=وخيالنـا بالهـوش ينطـح قبيلـه
وعدونا نسقيه من كـاس الامـرار=ويموت من عوقـه وكبـده عليلـه
وصليحنا يامن وخيرً علـى الجـار=ونزبـن المجـرم وحملـه نشيلـه
مثل أبن شبعاناً وجدنـا لـه أذكـار=ماراح ذكره فـي السنيـن الطويلـه
فياض أنا بوصيك في شبتـة النـار=واتعب على العليـا بكـل الوسيلـه
اللي يبي الطالات يصبر على الحـار=تـرى المراجـل ماتهيـا بحيـلـه
وخلك على ربعـك حليمـاً وصبّـار=ترى أبـن عمـك ماتعيـن مثيلـه
وكثر من الترحيـب لاجـاو خطـار=ترى كريـم النفـس ربـي كفيلـه
من لااستشارك لاتخصه بالاشـوار=أمش أبطريقك وتركه فـي سبيلـه
ولاتسمع قـول عمسيـن الانضـار=قـولاً بـلا فعـلاً قليـلاً حصيـلـه
لاتجهـل أبدنيـاك والوقـت بـوار=كم من خليـلاً فرقـه مـن خليلـه
لحذار ماتمنعك من سـوء الاقـدار=ماكتـب لـك بيجيـك ولا تجيـلـه
واليا تبين لـك خصيمـاً بالاسـرار=فالطم أسبـال اللـي يعمـدك بعيلـه
بعض الحكي كنه على الكبد مسمـار=لاجـى مـن اللـي مايثمـن لقيلـه
من طاح داسـوه الرجاجيـل ماثـار=لاطــاح ماشـالـوه ياعزتيـلـه
ون جيت في المجلس فللصمت مقدار=حتاك تبخـص عاقلـه مـن هبيلـه
ولاتسمّع قـول مـن شفـت هـذار=كثـر الحكـي مايـرث الا الفشيلـه
أنـا لاشيبـت ماهـوب لـي عـار=الشيب حـق وكـل وطـراً وجيلـه
أنا سعـد لامـن ردي العـزم حـار=يفرح بي اللـي بايـراً بـه عميلـه
دمّـاح زلـة لابتـي لوهـي كبـار=واللـي عليهـم معتـدي نلتقيـلـه
ورفيقنا لاحـط بالسجـن باوسـار=أقطع عليـه الخـط ويطيـب ليلـه
ون جاو أهل هجناً من البدو ظمّـار=غـب النكايـف حاديتهـن هزيلـه
أجري لهـن بالبـن مانيـب زمّـار=لامن غلى سوق الهرافـى وحيلـه
ودلال رسلانـاً بهـا بـن وبهـار=ونجراً ليـا حـرّك تزايـد عويلـه
خذيت لي في مقبل العمـر مشـوار=صعباً على راعي اليميـن البخيلـه
هبيت فيها يـوم ولـم السعـد دار=وخليت طـراد السـراب بصميلـه
وتعبت أنا للمرجلـه سـر وجهـار=وحصلـت فيهـا مايسـر القبيلـه
أغنيتهم مـن حاجتـاً عنـد حقّـار=يوم الردي كسبـه علـوم الرذيلـه
حنـى حـرار وكـل داراً لهـا دار=ماحنّ من يرضـى ونفسـه ذليلـه
آلآد قرف اللي لهـم فعـل وأذكـار=وعلومهـم عنـد القبايـل جميلـه
ألفين رجـالاً مـن كبـار وصغـار=لاراح رجـالاً بيضـهـر بديـلـه
مراكزاً وأفعـال وعـزوم وأنظـار=ودرب العلى يرجـع لمـن يرتكيلـه
ذا قول منهو لابغى اللعـب يختـار=أحـب زيـن القـول وأخـذ دليلـه
مثايـلاً يطـرب لهـا كـل بيطـار=اترك هزيل الهـرج واخـذ جزيلـه
وصلاة ربي عـد همـال الأمطـار=علـى النبـي محمـداً بالفضيـلـه
اللـهـم صـلي وســلم عـــلى سيــــــدنا وحبيـــبنا محمـــــد علــيه الصــلاة والســـلام
اللـه يرحـــم ألأمــير الشاعـــــر سعــد أبن محمد الجليد القــروف{أميرنا}
ونسئل الله أن يجمعنى وأياكم بهِ في الفردوس ألأعلى
وتقبلوا خالص التحيه والتقدير