المساعد الشخصي الرقمي

مشاهدة النسخة كاملة : الشاعـــــــــرة


العبدي
29-09-2006, 02:22 PM
بسم الله الرحمن الرحيم وبه نستعين
معا ان مبادئي لاتسمح لي بان انقل كلام نسوان الا انني استهويت هذه القصيدة وهي للشاعرة ريناد القحطانية وهي منقولة




انشد عن اخوالي وانشد عن الجـد
أهـل الكـرم والمرجلـه والحميـه
لي لابة من حد نجران الـي نجـد
تاريخهم معروف صبـح وعشيـه
أصغر ولدهم عن بني عمـه يسـد
تعـرف علومـه بالفعـول الزكيـه
ان جت علوم الجد حنـا لهـا جـد
مهما يصير حصون ربعـي قويـه
وان جت هروج الود من طبعنا الود
علـى العلـوم البيّنـه والخفـيـه
وان جا الحكي بالسيف ارواحنا الحد
ملجا لمن ضاقـت عليـه الفضيّـه
ما جيت أغني بالقصايـد ولاأعتـد
الا لانــي شفتـهـا عنصـريـه
هم يحسبوني شاعـره مالهـا حـد
خبلان ما يـدرون (قحطـان) فيـه
هم يحسبوني دون ربعـي اباصُـد
ياسخـف عاقلهـم وياغبـن خيـه
من لا افتخر في طيب أصله ولا عد
نزيـف دمـه مـا يهـم بسميـه
كلن على ماقيـل لـه عقلـن يلـد
والناس كلن لـه طبـوع ومزيـه
والله انـي شعـرة الوجـه والخـد
في عرض شايب صب له شاذليـه
ارقى بقصيـدي لا بنيتـه ولا أهـد
ارفـع مقامـي دون ربعـي وفيـه
مدام كلـن مقصـده عضـة اليـد
ماهمنـي نبّـاح قـاصـد اذيــه
انـا يمينـي وافيـه مالهـا نــد
ولا همني بعـض العقـول الغبيـه
باب يجيب الريح من دونـه السـد
وعيبن علّي افتح من ابـواب زيـه
اما البحر وامـواج جـزره إذا مـد
ارفـع شكاتـي عنـد رب البريـه
يعرف بانـي دون بابـه ولا اصـد
عن طاعته مـدام هالنفـس حيـه



اتمنى يامراقب سعد القحطاني انني في المكان الصحيح :) :) :040104_em :71_asmilies-com:

اباالذيب
29-09-2006, 02:52 PM
والله الحره(والله اني شعرة الوجه والخد =============== في عرض شايب صب له شاذليه
يا اخي ماقصرت

عطيب الضرايب
29-09-2006, 03:09 PM
والله الاصيله ( من لاافتخر في طيب اصله ولاعد>>>>>>>>>>>>> نزيف دمه مايهم بسميه

شفت قوة البيوت 00بارك الله فيك اخي العبدي وزدنا زادك الله من فضله

حمد العبيدي
29-09-2006, 03:51 PM
والله انا اقول ساحة الشعر فيها من القذاره ما يكرم على بنات الحمايل انهم يكتبون حرف فيها او يدخلون
هذه المعمعه وانا اعني ساحة الشعر الحالي من مجلات وبرامج ومنتديات !!!!!!!!!!!!!!!!!!!!!!!!!! الا ما رحم ربي

وريناد القحطاني عليها مليون شك وشك انها رجال وسوف تبين الايام ما كان خفيا كنها سالفة بعض الشعراء الذي كان يكتب في منتديات آخرى تحت مسمى نسائي !!!! ليه ؟ وش الاسباب ؟ او ما لفائده من تغمص دور انثى ؟؟ ماغير المناقيد ويجيب لنفسه القيل والقال

ولاهنت يا لعبدي على القصيده الوافيه كا قصيده