(( عروق ومشاريه ))

[معيض بن صميع]

لو للعتب في بعض الأحوال قيمه=ماوالله أحمل في عروقي مشاريه

بعض العقول عقول لكن سقيمه=وبعض العرب عرفه عن الحق مقصيه

آرآء .. واجد .. لكن إنها عقيمه=وكلٍ على ماقيل ... رآيه يقديه

"البعد سعد " إي وربي غنيمه=للصادق اللي منافقينه حواليه

الصدق عيب وله عواقب وخيمه=والجود عار وويل منهو يخاويه

النذل يوصل بكل قدر وحشيمه=به يفتخر ربعه وباقي عوانيه

الذيب له قصه وقصه قديمه=والحمل لو ينسى زمانه يربيه

ياطيب محتالٍ يحايل نديمه=ألفين نعمٍ به عسى الله يخليه

ياذا الزمن يكفي بغدر وظليمه=تسوقني للشين والشين مآبيه

ياويح ويحك يازمان الهزيمه=وياشق جيبك من هروج المسافيه

أبطيت أخيل البرق ماهل غيمه=واللي إيتجمل بي قديمه معانيه

ياسيدي لوهي غريم وغريمه=يرتاح قلبي من عذابٍ عثى فيه

مير البلا لاصار جسم ويديمه=بلوىً بلت قلبٍ كثيره بلاويه

وياسيدي لوهي هروج ونميمه= كان إسترحت وما بقى شىٍ أخفيه

طال المدى والسيف هذا حطيمه=متثلمٍ ياسيدي وأنت راعيه

ولو للعتب في بعض الأحوال قيمه=ما والله أحمل في عروقي مشاريه

[سعد بن دعروم]

ارررررررحب ارررررحب





يشرفني ان اكون اول من عانق هذي القصيده الشامخه..







قصيده جزله من شاعر متمكن ويملك الكثير والكثير من الابداع..







صح الله لسانك







تقبل تحياتي,,

[معيض بن صميع]

أرحب ياسعد..........


تشرفت بمرورك الكريم..........


لك الشكر والإمتنان على ماكتبت..........


دمت بخير وتقبل تحياتي......

[جبل بن زيد]

ارررررررررررحب وصح الله لسانك

تقبل

وافر


التقدير

[معيض بن صميع]

أرحب أرحب ياجبل بن زيد

صح بدنك


لاهنت على مرورك الكريم


تقبل تحياتي

دمت بخير

[محمد القويفل]

معيض الزهيري



صح السانك قصيده وافيه وجزله


قصيده تستحق الاشادة ونفخر بشاعر مثلك ينثر ابداعه هنااا


تقبل تحيااااات



اخوووووووك



.

[سنحان بن عامر]

صح لسانك على هذا القصيد الجزل

[معيض بن صميع]

أرحب أرحب أرحب يالقويفل بعداد السيل...

مرورك واشادتك تشرفني.......



وللتصحيح اسمي معيض بن صميع الزهيري


ولاهنت على كل حال


تقبل تحياتي ودمت بخير.

[معيض بن صميع]

بسم الله الرحمن الرحيم


الأخ الكريم سنحان بن عامر


أرحب الله يحييك........

مرورك الكريم أسعدني

لاهنت وصح الله بدنك........


تقبل تحياتي ودمت بخير.

[محمد القويفل]

المعذره على الخطأ الغير مقصود


تم التعديل

[معيض بن صميع]

أرحب يابو مسفر..........

شكرا على التعديل والخطأ مدموح يابو مسفر.........


الله لا يهينك


تقبل تحياتي.

[عبدالله المهداني]

معيض


صح لساااااااااااااانك


واعتلا شاااااااااانك


ابيات جيده ووافيه

من وااااااافي


تحياتي


ولا تقاطعنا




اخوك

[عبدالله بن غفره]

صح لسانك يامعيض


وافيه يالوافي


نتطلع لجديدك


أخووووووك

[معيض بن صميع]

أرحب يابن غفره بحساب السيل


شرفت هذه القصيده بمرورك الكريم

لاهنت وصح الله بدنك


تقبل تحيات أخوك ودمت بخير.

[مهدي بن مسفر الحبابي]

أخوي معيض بن صميع

صح لسانك وبيض الله وجهك

رايعه ووافيه من راس وافي

لك فااائق احترامي وتقديري

[معيض بن صميع]

أرحب يا مهدي بن مسفر الحبابي

صح بدنك يالغالي


ولاهنت على مرورك الكريم


اعجابك محل التقدير


تقبل تحياتي

دمت بخير

[خالد الزهيري]

لو للعتب في بعض الأحوال قيمه=ماوالله أحمل في عروقي مشاريه

بعض العقول عقول لكن سقيمه=وبعض العرب عرفه عن الحق مقصيه

آرآء .. واجد .. لكن إنها عقيمه=وكلٍ على ماقيل ... رآيه يقديه




الغالي معيض



اولا مرحبا ميات في المنتدا


وجودك اسعدني كثيرا


غالي ومن غلاه


شاعرية لا غبار عليها



صح لسانك



وبانتظار المزيد من الابداع




اخوك خالد




.

[معيض بن صميع]

السلام عليكم ورحمة الله وبركاته

الأخ خالد الزهيري

أرحب ميات وياهلا والله ومسهلا


مرورك الكريم إضافه كبيره إلى هذه المتواضعه


وإشادتك وكلامك العذب مما يسعدني ومما أفتخر به


ووجودي في هذا المنتدى وفي ظل وجود الأجواد مثلك وشرواك شرف لي


لاهنت وبيض الله وجهك


تقبل تحياتي


ودمت بخير.