المساعد الشخصي الرقمي

مشاهدة النسخة كاملة : ابن مسعر وشي من قصايده


شبل قحطان
17-07-2004, 02:55 AM
ابن مسعر العاصمي المقصود بابن مسعر واحد من أكبر شعراء قبيلة آل عاصم قحطان وهو فهاد بن عبدالرحمن بن مسفرآل منقارة العاصمي، ولد وعاش مع أفراد قبيلته العاصم في نجد وتجول بين نجد والأحساء والكويت والعراق وشارك مع أفراد قبيلته في حروبهم وسلمهم وله قصائد كثيرة ومن أشهر قصائده:في شيخ قبيلة آل عاصم في دخنة الشيخ فيصل بن حزام بن حشر:
رحنا وخلينا وديع الحفايا

على نفي مع أيسر النود نزال

حطو على قبره رفيع البنايا

ورحنا منه مع طلعة الشمس نزال

أخلوا ثقلها طيبين العنايا

لاجا لها عند المثلي تجيوال

وتعاقبن كنها تعيقب حدايا

وأصواتهم كنها تصاويت منزال

وله أيضاً:
والله ما اطرب وينساح بالي

إلا لياما أوحيت صكت فحلها

يدرج حيران نياق غوالي

من بينهم والضو تذعر قبلها

والربع يامدغش ربع رجالي

والسالفة لاجات ما أحد شقلها

وله في القهوة:

والله يالولا كيفة بعض الأمراض

ياحالي انه مابقى إلا قليله

لاضاق صدري قلت شبوا لي النار

حطوا حطب رمث جرومه جليله

دنو ثلاث مابها أجوا ولا هجار

ونجر يصوت للنشاما عويله


وله:

يا والله اللي شدو البدو يالبيق

وخلوك والسبعة ودير سفواني

شدوا على اللي كنهن الشواهيق

كل أشقحن ياتيك له ثعواني

رحـــــ نجد ـــــال
18-07-2004, 09:14 PM
قحطان لاركبت ظهور خيولها 00

اهتز نجد والعراق الاسفلي00


صح لسانك أخوي حسام آل حمير على طرحك للقصيدة 00

تسلم والله وماقصرت وصدق يوم قال :

لاجا لها عند المثلي تجيوال 000 وتعاقبن كنها تعيقب حدايا





تقبل تحياتي
أخوك
رحـــــ نجد ـــــال

شبل قحطان
19-07-2004, 03:07 AM
مشكور اخوي رحال نجد على المرور

ابن عاصم
10-01-2005, 10:16 AM
شبل قحطان يعطيك العافيه على القصه والقصيده

وابن مسعرررر من اشهر شعرا ال عاصم بل من المشهوريين من قحطااااااان وله قصايد كثيره سوف اذكرها لاحقا

اخووووووووك

ابن عااااااااااااااصم

السيف النادر
12-01-2005, 12:06 AM
بيض الله وجهك يالشبل على هالنبذة عن شاعر من شعراء قحطان الكبار

وابن مسعر معروف بقصايده الطيبة والجزلة على مستوى القبائل ، وياليت كل ما حضر عندك من قصايد لهذا الشاعر انك ماتبخل بها علينا .

اكرر شكري وتقديري يالشبل

اخــــ السيف النادر ـــــوك
.

هاوي نجد
14-01-2005, 10:53 PM
الله لا يهينك يا الشبل على ها لقصيدة والله يرحم ابن مسعرررررر
مشكور واكرر شكري وتقديري ولا تبخل علينا من قصائده


تقبل تحياتي
اخوووك

هاوي نجد