(( الرابح اللي ما تجيه الهمومي ))

[حامد الجذع]

يالربع انا ما شفت مثل الهواجيس=لما رمعني هاجس طار نومي
وصارت على قلبي هموم وكوابيس=لي راح زفل جاه الاخر يحومي
أهون علي خيلٍ تجيني كراديس=وقومٍ عليها هازمٍ ومهزومي
ولا مقالب حاجةٍ عند دليس= علة نحر ماهو يسد اللزومي
يضيع فكرك وتّشتت الاحاسيس=وتعرض عليك المشكله كل يومي
وليا جيت ترقد ذكرتك الوساويس=الموقف اللي صرت عنه محشومي
هذا بلاي وعلتي يالسناعيس=ياهل الوفاء ياطيبين السلومي
واعوذ بالله من عناء الوقت وابليس=الرابح اللي ماتجيه الهمومي
حامد الجذع

[الاشهب]

الشاعر : ابن الجذع صح لسانك والله يعطيك العافيه



ولا فيه واحد الا تجيه الهموم لكن هذا حال الدنيا لابد من ضحكت تبكيه



تسلم ياحامد وتقبل تحياتي

[فارس قحطان]

ايه والله الرابح اللي ماتجيه الهواجيس


صح لساااااانك يابوراشد

شااااعر جزل

وبيض الله وجهك

اخوك
وليد القويفل

[أبومسفر القحطاني]

قصيدة ممتازة تشكي حال راعيها
وانصح الذي يريد ان يسمعها بصوت الشاعر نفسه ان يقتني شريط (عذب القوافي)وهوشريط مميز يباع في التسجيلات الاسلامية







اخوكم:
ابومسفر القحطــــــــــــــــــــاني

[حسين آل حمدان الفهري]

أهون علي خيلٍ تجيني كراديس=وقومٍ عليها هازمٍ ومهزومي
ولا مقالب حاجةٍ عند دليس= علة نحر ماهو يسد اللزومي

حامد الجذع



الاخ الكريم حامد الجذع

السلام عليكم

انشهد انك صادق
وقصيدة فعلاً معبره .
وكم تجرع الكثير منا شيئاً من هذه المواقف

[وحش]

يعطيك العافيه أخوي
قصيده جدا رائعه ......وصح لسانك وسلامت الجميع من الهموم ...والهواجيس

[ابن قحطان]

صح لساااااااااااااانك يابو راشد شاااااااااااااعر جزل بمعنى الكلمه

وقصيده روووووووووووووووووعه

[الصقري]

أخوي أبو راشد 000 قصيدة وافية وصور شعرية راقية 000 صح الله لسانك يا بو راشد 000 جزل ومن رجال تحب الجزالة.

تقبل تحيات وأعجاب أخوك:

[محمد القويفل]

ابو راشد صح السانك على القصيده المعبره

[عبدالله المهداني]

صح لسااااانك يا وجه ولد الحارث



تحياتي

[عمر السخني]

البارحه كثرت علي الهواجيس***وجتني هموم(ن) فوق همّي وهمومي
وآحس راسي مثل دق النواقيس***لنّك يا حامد جيت وقت اللزومي

.................................................. ...............................


صح لساااانك يا حامد

قصيده جزله من شاااااااعر جزل

تحياتي لك ..وبالتوفيق

اخوووووك الشااااااعر
(( عمر السخني ))

[الساري]

يالربع انا ما شفت مثل الهواجيس=لما رمعني هاجس طار نومي
وصارت على قلبي هموم وكوابيس=لي راح زفل جاه الاخر يحومي
أهون علي خيلٍ تجيني كراديس=وقومٍ عليها هازمٍ ومهزومي
ولا مقالب حاجةٍ عند دليس= علة نحر ماهو يسد اللزومي
يضيع فكرك وتّشتت الاحاسيس=وتعرض عليك المشكله كل يومي
وليا جيت ترقد ذكرتك الوساويس=الموقف اللي صرت عنه محشومي
هذا بلاي وعلتي يالسناعيس=ياهل الوفاء ياطيبين السلومي
واعوذ بالله من عناء الوقت وابليس=الرابح اللي ماتجيه الهمومي
حامد الجذع
شاعر رائع

وقصـــيده رائعه

الشاعر الكبير والمؤلف حامد الجذع

صح لسانك وعلا شـــــــــانك

[عوض بن شفلوت المناديه]

صح الله لسانك


يا ابو راشد



قصيده حكيم



ومثايل متعوب عليها




تقبل خالص تحياتي