الجنازه وقدره عند الرجال

[اباالذيب]

ابن غنام فارس وعقبد من الجبلان مطير - حدى العشايا وهو في المراح مع ربعه جا مقرودا من ربعه وهم قعود يتقهوون قال البشاره البشاره قالوا له الحاضرين ابشر ويش علمك قال الجنازه(عبد العزيز ابن متعب ابن الرشيد) ذبح ذااليوم في روضة مهنا وهو يقوم ابن غنام ويصيح فيمن بشره قال الله لايبشرك بخير وهو يريق فنجاله وقال له بيتين تبين علوم الرجال اللي حتى خصمهم ما ينكرونه قال وعمار كم طوال
يامن خبر خيال عن الف خيال======================مع الف فارس كل ابوهن مشاكيل
عبدالعزيزالشمري ماض لفعال=====================اللي ضحايا والدينه رياجيل
ليت العذارىحملن منه اعيال========================ولا بلاش من الضنى ليتهن حيل
وسلامتكم

[اباالذيب]

افاياربعي اربعين نفر مافيه كلام سلام والا الموقع انتهج الشلليه ترى افه الخوه البرايز والشلل
انا ليا كثرت لشاوير ماشير -------- وحلفت ماتي بارزا مادعاني

[مسفر بن حسين بن نومه]

بسم الله الرحمن الرحيم

اولا ارحب وحياك الله

والشهر عليك مبارك

والثانيه ابيض وجه على السالفه سالفه ثمينه وعدها كفو

اما الثالثه طال عمرك

فالحمد لله ما في مجالس قحطان برايز ولا شلل
كلنا عيال رجال
واللي علمنا واحد وناموسنا واحد وما اظن انه زين في حق خوانك تقول لهم شلل واهل برايز

الله يحيك وتقبل الله منا ومنك صالح الاعمال

تحياتي

[سعد القحطاني]

ابا الذيب

لاهنت بيض الله وجهك على نقل هالسالفه الجميله

تحري بالعلوم الغانمه ولا تبطي علينا

ننتظر جديدك لاعدمناك

أخوك

.

[عبدالله المهداني]

ابا الذيب لاعدمناك


على ها العلوم الطيبه


شاكر ومقدر ولك تحياتي

[سعيد بن مسعود آل مهدي]

ابا الذيب

اولا : بارك الله فيك ولاهنت على هذه السالفة وأنت أبيض وجه

ثانيا:أن من تميز بشئ في حياته مثل ( رجل يحب السوالف ويحب سماعها ونقلها)

فيلزمه مدوات نفسه بالصبر خاصه الي يحب هذا المنهاج وسوف تحصد الثمار عاجلا أم أجلا

فما كان الين في شئ ألا زانه وما كان الشين في شئ ألا شانه وعليك بسياسة معاويه بن سفيان

يقول لو كانت بيني وبين الناس شعره ما أنقطعت أبدا أذا أرخوها شدتها وأذا شدوها أرخيتها.

أشكرك مره ثانيه على السالفة ونحن لك وأنت لنا أخوان متحابين في الله عز وجل


تقبل تحياتي وأحترامي

[عبدالله آل عباد]

أبا الذيب

أرحب ملا يين

سالفة طيبه ولي أطيب منها

تعليقك يوم تقول الشلليه والبرزات
هههههههههههههههه







حرام أني من يوم أشتركت في الموقعل ما لا حظت شي من ذا الشي




مشكور

[عبدالله بن غفره]

سالفه وأبيات


تستحق الشكر عليها


لاهنت يالغالي على المشاركه الرائعه



في أنتظار جديدك يالغالي



أخوووووك

[اباالذيب]

يا جعلني ماافقد ذا الوجيه ولولا الغلى ما قعمزت على ذا البليه اطبع وانسخ لكن تظلون عوال جدي الله لايخليني منكم جميع وتراني يالنشامى ما اقصد اللا حثكم على تشجيع بعضكم وحسن الظن بالجميع واللي نصحني بالركاده حاضر ولواني حريص عليها

[اباالذيب]

الجنازه وغدى لانه استحى لايقولون انحاش لكن زهير يقول
ومن هاب اسباب المنايا ينلنه======= وان يرق اسباب السماء بسلم