المساعد الشخصي الرقمي

مشاهدة النسخة كاملة : ما مثل أخوك اللي يحبك ويغليك


خالد العاصمي
10-09-2006, 06:44 AM
إهداء: إلى كل من نزغ الشيطان بينه وبين أخيه ونسي أن العمر يمضي وكل شيء إلى زوال

وأن خيرهما الذي يبدأ بالسلام

قصيدة ثمينة ومؤثرة للشاعرة / ليلى سعد عباس الحربي تقول فيها:




الناس واجد مير ما مثل الاخوان =ما مثل اخوك اللي يحبك ويغليك

ما مثل اخوك اللي صدوق ومعوان =تفديه بالغالـي وبالـروح يفديـك

يشكي لك جروحه وهمه والاحزان =ولا ضاقت الدنيا بهمك يواسيـك

لو كان لك ربعٍ ونـاسٍ وجيـران =ما مثل اخوك اللي عن الناس يغنيك

أخوك هو عزك ولو كان ما كـان =يبيع كل الناس لأجلك ويشريـك

أنا أشهد أنه لك على الصدر نيشان =تاجٍ على راسك وستـر يغطيـك

وانا اشهد انه مـا يثاقـل بميـزان =مثل الذهب والماس مافيه تشكيك

وانا اشهد إنه ما يقـدر بالاثمـان =عن العدو حصـن ودرع يوقيـك

إياك لا تفتـح طريـق لشيطـان =بينك وبينه جعـل ربـي ينجيـك

ولا تستمع لاجاك علان وفـلان =يا كثر ما تسمع من اللي يعاديـك

ولا تجعل لغيرك على العقل سلطان =ترى كثير اللي بشـوره يدهويـك

ترى الدهر دوار يا سرع الأزمـان =يومٍ تواريـه الثـرى أو يواريـك

تقول يا ليت الذي كـان ماكـان =يا ليتني بالقبر جنبـك واخاويـك

يا ليتك تعود واضمك بالاحضـان =أضمك لصدري واقبـل أياديـك

يا ليتك تعود ترى القلـب ندمـان =وده يسوق المعذرة ثـم يراضيـك

مير البلا يا ليت مـاردت إنسـان =ويا ليت ما تمحي ظلام بما ضيـك

تماكن الدنيا وواصـل بالاحسـان =قبل الندم يطويك والهـم يبريـك

ونهاية المشوار ما غيـر الاكفـان =ويبقى مع السارين ذكرك وطاريك

وسلامتكم...

سفير بني بشر
10-09-2006, 09:39 AM
لا هنت وبيض الله وجهك قصيده في غايه الروعه وقمه التأثير

وصح لسان الشاعر المبدع

والف الف الف شكر لك يالغالي

أبو صقر
10-09-2006, 10:25 AM
شكرا


لك

ظافر القحطاني
11-09-2006, 04:00 AM
لاهنت وتسلم يمينك يالذيب


مشكور

ألغالي
11-09-2006, 05:12 AM
لالالالالالالالالالالالالالالاهنت وابيض وجه

يامتحري السيل

وصح السان الشاااااااااااااعر

محمد القويفل
11-09-2006, 05:43 AM
لاهــنت يا محــتري السـيل وبيض الله وجهك

قصيده مــعبره ،،،، صــح الســان الــشاعره

اعدت تنسيق الموضوع ليظهر بصـورة اجــمل

نتظر مشاركات القادمه

سعيد الشريفي
11-09-2006, 05:57 AM
السلام عليكم ورحمة الله وبركاته
لاهنت ياخوي بيض وجهك يامحتري السيل

عبدالله بن غفره
11-09-2006, 07:36 PM
محتري السيل


ألف ألف شكر لك يالغالي


قصيده رائعه كروعة حضروك



أخوك / بن غفره

عبدالله الوهابي
11-09-2006, 08:12 PM
أخي محتري السيل وبارك الله فيك أخي الكريم على هذه القصيدة في شأن الأخوة